MATHAYO 19:29 - Kîrîîkanîro Kîîyerû

²⁹ Na muntû wonthe ûra atigîîte mûciî wake, kana aruagina, kana aaragina, kana îthe, kana gina, kana twana, kana mûnda n'ûntû bwakwa akoona wega maita îgana, na akoona mwoyo wa tene na tene.

MATHAYO 19:29 ပူးပေါင်းရင်းမြစ်များ

MATHAYO 10:22

Bûkaamenwa n'antû bonthe n'ûntû bwakwa. Îndî ûra ûkaûmîîria mwanka mûthia akoonokua.

MATHAYO 13:23

Na mbeû îra yagwîre mûthetuuni ûmûnoru i ngerekano ya antû bara beegagua kiugo kîa Ngai bagagîciûra bakamenya bûra gîkuuga. I bo bareetaga maciaro maita îgana, bangî mîrongo îthanthatû, na bamwe mîrongo îthatû.”

MATHAYO 13:8

Îndî kûrî ingî ciagwîre mûthetuuni ûmûnoru, ciauma, ciakûra bwega na ciaumana mûno. Imwe ciaciarana maita îgana, ira ingî mîrongo îthanthatû, na imwe mîrongo îthatû.”

MATHAYO 16:25

Ûra oonaga mwoyo ûyû n'uu ûrî gîtûmi akaûra. Îndî ûra akeeruta n'ûntû bwakwa agaatûûra mwoyo.

MATHAYO 19:16

Îgiita rîmwe muntû ûmwe aathi kîrî Yiesû amûûria, “Mwarimû, n'ûntû bûrîkû bwega bûra ndûtha nkathi mwoyooni wa tene na tene?”

MATHAYO 25:34

“Rîru eere bara ûkeegua barî bwa ûrîo, ‘Ncûûni, biû Baaba athaarimîîte bûthûkie ûnene bûra aabûthuuranîîre bûrî rûgai rwenu kuuma wo nthîgûrû îkûûmbwa.

MATHAYO 25:46

“Bakaathi îkaanûkiani rîtakîthira rî kana rî, îndî bara baagîru bakaathi mwoyooni wa tene na tene.”

MATHAYO 5:11

“Kîthaarimo i kîrî biû rîra antû babûruma, rîra babûnyamaaria, kana babûtuîrîîra mantû maingî maathûûku n'ûntû bwa bûra bûrî baakwa.

MATHAYO 6:33

Îgûrû rîa mantû monthe cûani ûnene bwa Abaagu ûra arî îgûrû na rûthagaani kwenda gwake, rîru bibu bionthe bûrî bata na bio akabwaa.

RUKA 14:26

“Gûtirî muntû atuîka mûrutwa wakwa, nwanga akambenda nkûrûki ya bûra eendeete îthe na gina, mwekûrû wake na twana twake, kana aruagina na aaragina, kana bûra eendeete mwoyo wake.

RUKA 5:11

Simioni na bara bangî baumîria matarû maao rûgombeeni, baatiganîria into biao bionthe baathingata Yiesû.

RUKA 6:22

Kîthaarimo i kîrî biû rîra antû bakûbûmena, na rîra bakwîbathûrana naabi, rîra bakûbûbûthia, na kûbûthûûkîria mariîtwa meenu n'ûntû bwa Mwana wa Muntû.

NJOANA 15:19

Ûkeegua bûgwatanagîra na bo babwenda, n'ûntû wîgua bûrî baciao. Îndî n'ûntû bwa bûra ndabûthuurire kuuma kîrî kîrîndî gîku kîonthe, babûmeneete bûra bûtarî baciao.

NJOANA 4:36

Agu tûrî mûkethi nakûrîwa ngûgî yake ya gûketha maketha ma mwoyo wa tene na tene, kaingo mwandi na mûkethi bakena bûmwe bonthe.

NGÛGÎ 9:16

Nwa mwanka anyamaare n'ûntû bwakwa na nkamwonia bûra akaanyamaara.”

1 AKORINTHO 2:9

Îndî na rîo wata bûra kwandîkirwe *Maandîkooni Maatheru, “Gûtirî muntû oona, gûtirî muntû eegua, na gûtirî muntû aaromenya kîra Ngai aathuuranîrîte bara bamwendeete.”

2 AKORINTHO 5:16

Îgiitaani rîrî tûtithûgaanagîria antû ta bûra antû ba nthîgûrû babathûgaanagîria. Tene twathûgaanagîria Kîrîstû ta bûra antû ba nthîgûrû bamûthûgaanagîria. Îndî îîndî tûtimûthûgaanagîria ûgu.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

1 PETÛRÛ 4:14

Muntû agakûruma n'ûntû bwa bûra ûrî Mûkîrîstû, thûkagiani gîku kîrî kîthaarimo n'ûntû i ta kwonania Kîrundu ûra arî mwago, Kîrundu wa Ngai, arî naabi.

3 NJOANA 1:7

Barîthi bakîrutaga ngûgî n'ûntû bwa Kîrîstû na batigwîtîgîîria ûteethio bwa bara batarî eetîgîri.