MATHAYO 19:28 - Kîrîîkanîro Kîîyerû

²⁸ Yiesû abeera, “Na mma ga nkûbwîra, rîra Mwana wa Muntû agaakarîra gîtî kîa ûnene mwagooni wa nthîgûrû înjerû, wana biû arutwa baakwa bûgaakarîra itî bia ûnene bûgiitîre îgamba mîîrîga ya Isiraeri îrî îkûmi na îîrî.

MATHAYO 19:28 ပူးပေါင်းရင်းမြစ်များ

MATHAYO 16:27

“Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 19:27

Petûrû aûria Yiesû, “Î tiû naati tûtigîîte bionthe twakûthingata rî, gûgaakara ata?”

MATHAYO 20:21

Yiesû amûûria, “N'ata ûkwenda?” Mwekûrû ûyu amwîra, “Ndîenda uuga aana baba baakwa bagaakara amwe naawe ûneneeni bwaku, ûmwe rûteere rwaku rwa ûrîo na ûyû ûngî rwa ûmotho.”

MATHAYO 25:31

Yiesû eera arutwa baake, “Rîra Mwana wa Muntû akaaya arî na mwago wake wa ûnene na arî na araîka bonthe, akaaya akare nthî gîtîîni gîake kîa ûnene.

MATHAYO 6:33

Îgûrû rîa mantû monthe cûani ûnene bwa Abaagu ûra arî îgûrû na rûthagaani kwenda gwake, rîru bibu bionthe bûrî bata na bio akabwaa.

MATHAYO 8:20

Yiesû amûcookeria amwîra, “Mbwe irî mîrinya na nyoni irî ntara, îndî Mwana wa Muntû atirî kîmaamo.”

MAARIKO 10:37

Bamwîra, “Tûrîenda wathi mwagooni ûtûîtîgîîrie ûmwe wetû akare rûteere rwaku rwa ûrîo, ûyû ûngî rwa ûmotho.”

NGÛGÎ 3:21

Yiesû nwa mwanka akare îgûrû mwanka rîra mantû monthe magaacookanîrua, wata bûra Ngai augire tene gûkûrûkîîra kîrî iroria biake.

2 TIMOTHEO 2:12

Weegua tûkaathi na mbere na kûûmîîria, tûkaathana amwe n'we. Twauga tûtimwiyî, wana we akauga atitwiyî.

2 PETÛRÛ 3:13

Îndî itweteereete îgûrû rîngî rîîyerû na nthîgûrû îngî înjerû kûringana na wîrane bwa Ngai, kûra wagîru bûtûûraga.

KÛGWÛRÎRWA 11:16

Akûrû bara mîrongo îîrî na bana, bara bakari itîîni biao bia ûnene bathiûrûkîîrîîte Ngai baaturia maru batiirithîîtie moothiû maao nthîgûrû, bamûgonga.

KÛGWÛRÎRWA 12:1

Magegania ma kûrigaria moonekana gûku îgûrû. Maarî mantû ma mûka eekîrîte riûa ta nguo, mweri ûrî rungu rwa magûrû maake, na eekîrîte nthûmbî ya ûnene îrî na nthata îkûmi na ciîrî.

KÛGWÛRÎRWA 20:4

Ndacooka kaîrî ndoona itî bia ûnene. Itî bibu biakarîrîtwe n'antû beetîgîîtue beewa inya ya kûgiitîra antû îgamba. Na ndoona mîoyo ya antû bara baûragirwe n'ûntû bwa kwîgua barî eetîgua ntûmwaani ya Yiesû na kiugooni kîa Ngai. Antû babu i bara bataagonga nyamû îra kana mûbuanaano wa yo. Na bateekîrwa rwano rwa nyamû înu moothiû maao kana njara ciao. Ndoona baatuîka antû barî mwoyo kaîrî, baathana na Kîrîstû mîanka ngiri îmwe.

KÛGWÛRÎRWA 21:5

Ûra aakarîrîte gîtî kîa ûnene auga, “Raitha wone! Ndîgarûra mantû monthe matuîke maayerû!” Aambîîra, “Andîka ûgu n'ûntû mîgambo înu n'ya gwîtîgîka na n'ya mma.”

KÛGWÛRÎRWA 22:2

Muuro ûyu wagendeete gatîgatî ka barabara ya taûni înu. Na wakîra rûteere rwa muuro ûyu ikwarî na mûtî wa mwoyo, waciaraga maita îkûmi na maîrî wakîra mwanka, iita rîmwe wakîra mweri. Na mathangû ma uu maarî ma kworia antû ba mîgongo yonthe ya nthîgûrû.

KÛGWÛRÎRWA 22:5

Gûtiituga kaîrî. Gûtirî rîo bakeenda werû bwa taa kana bwa riûa. Mwathani Ngai akabamûrîkîra, na bakaathana tene na tene.

KÛGWÛRÎRWA 3:21

“Ûra akaûmbana agaakaranîîra naani gîtîîni gîakwa kîa ûnene, ta bûra na niû ndakaranîîre na Baaba gîtîîni gîake kîa ûnene nkûûmbana.

KÛGWÛRÎRWA 4:4

Na kaîrî gîtî gîku kîathiûrûkîîtwe n'itî bingî bia ûnene mîrongo îîrî na bina. Na wakîra gîtî gîakarîrîtwe i mûkûrû. Akûrû babu mîrongo îîrî na bana beekîrîte nguo injerû na nthûmbî cia ûnene biongo, cia thaabu.

KÛGWÛRÎRWA 7:4

Ndathikîîria ndeegua kwaugwa ûtari bwa antû bara beekîîrwe rwano. Baarî antû ngiri îgana rîmwe, mîrongo îna na bana (144,000), bonthe kuuma kîrî wakîra mwîrîga wa Isiraeri.