MATHAYO 19:21 - Kîrîîkanîro Kîîyerû

²¹ Yiesû amwîra, “Weegua nûkwenda gûtuîka ûmwagîru kûrû, îthi wendie bira bionthe ûrî na bio ûgaîre nkîa mbia ira bikauma, rîru ûûye ûnthingate. Ûkarûtha ûgu ûkeegua ûrî na ûtonga îgûrû.”

MATHAYO 19:21 ပူးပေါင်းရင်းမြစ်များ

MATHAYO 16:24

Yiesû aacooka eera arutwa baake, “Muntû akeenda kûnthingata abatîîrue eetîîyîra, akamata mûtharaba wake, rîru anthingata.

MATHAYO 19:20

Mûthaka ûyu eera Yiesû, “Mamu monthe immaathîkagîra. Gûtirî bûngî?”

MATHAYO 19:22

Muntû ûyu akwîgua ûgu aathi akîonanagia kîeba n'ûntû naarî na into biingî mûno.

MATHAYO 19:28

Yiesû abeera, “Na mma ga nkûbwîra, rîra Mwana wa Muntû agaakarîra gîtî kîa ûnene mwagooni wa nthîgûrû înjerû, wana biû arutwa baakwa bûgaakarîra itî bia ûnene bûgiitîre îgamba mîîrîga ya Isiraeri îrî îkûmi na îîrî.

MATHAYO 4:19

Yiesû abeera, “Nthingataani mbûtuîkithie ategi ba antû.”

MATHAYO 5:48

Nwa mwanka bûtuîke baagîru ta bûra Abaagu ûra arî îgûrû arî ûmwagîru.”

MATHAYO 8:22

Yiesû amwîra, “Nthingata! Tigana na ntungu ithike ntungu cia cio.”

MATHAYO 9:9

Yiesû athiîte woogu oona muntû eetagwa Mathayo akari nthî ara aakaraga akîrûngithagia ûgooti. Yiesû amwîra, “Nthingata!” Mathayo aûkîîra amûthingata.

MAARIKO 10:21

Yiesû amûcûûba kii, eegua amwenda. Amwîra, “N'ûntû bûmwe ûtigeerie ûtarûthîîte. Îthi wendie into bionthe bira ûrî na bio ûgaîre nkîa mbia ira bikauma, rîru ûûye ûnthingate. Ûkarûtha ûgu, ûkeegua ûrî na ûtonga îgûrû.”

MAARIKO 2:14

Akuuma agu, Yiesû oona muntû eetagwa Raawî akîrûngithagia ûgooti, akari nthî ara aakaraga. Îthe eetagwa Arubayo. Yiesû amwîra, “Nthingata!” Raawî aûkîîra amûthingata.

MAARIKO 8:34

Yiesû eeta kîrîndî kîra kîethîranîîte, kîaya agu arutwa baake baarî. Abeera, “Muntû akeenda kûnthingata, abatîîrue eetîîyîra, akamata mûtharaba wake, rîru anthingata.

RUKA 12:33

Endiani into bienu bionthe bûteethie nkîa. Bûtikeebaigîreeni ûtonga bûra bûkaathira. Îbaigîreeni ûtonga bwa îgûrû n'ûntû bu bûtithiraga, bûtiywa i mwamba, na bûtiînyangua i ndugunye.

RUKA 14:33

Kwoogu gûtirî we wacienu aûmba gûtuîka mûrutwa wakwa, nwanga agatiganîria bionthe bira arî na bio.”

RUKA 16:9

Na ga nkûbwîra teethagiani antû na ûtonga bwenu bûtume ûcoore, kaingo ûtonga bwenu bwathira bûkaathookua gîkarooni gîa tene na tene.”

RUKA 18:22

Yiesû akwîgua ûgu amwîra, “N'ûntû bûmwe ûtigeerie ûtarûthîîte. Îthi wendie into bionthe bira ûrî na bio ûgaîre nkîa mbia ira bikauma, rîru ûûye ûnthingate. Ûkarûtha ûgu, ûkeegua ûrî na ûtonga bwaku îgûrû.”

RUKA 5:27

Nyuma yoogu Yiesû aumagarûka. Athiîte oona muntû eetagwa Raawî akari nthî ara aakaraga, akîrûngithagia ûgooti. Amwîra, “Nthingata!”

RUKA 6:40

Mûrutwa atirî îgweta nkûrûki ya mwarimû wake. Îndî mûrutwa wonthe ûra arutanîîtwe bwega, agaakara ta mwarimû wake.

RUKA 9:23

Yiesû aacooka eera antû bonthe, “Muntû akeenda kûnthingata abatîîrue eetîîyîra akamata mûtharaba wake anthingata ntugû cionthe.

NJOANA 10:27

Ng'ondu ciakwa iciathîkagîra kayû gaakwa. Inciiyî na ninthingataga.

NJOANA 12:26

Muntû wonthe ûra akwenda kûndutîra ngûgî nwa mwanka aanthingate, kaingo ara ûkeegua ndî, wîgua mûruti ngûgî wakwa arî amwe naani. Na muntû wonthe ûra akaandutîra ngûgî, Baaba akamwaa gîtîîyo.”

NGÛGÎ 2:45

Bamwe baathûkagia into biao bakabiendia bakagaîra mbia bara baciao baarî na ûbatu.

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.