MATHAYO 19:14 - Kîrîîkanîro Kîîyerû

¹⁴ Yiesû abeera, “Rekanaani na twana tûûye kîrî niû. Bûtigaatûgirie n'ûntû ûnene bwa îgûrû i bwa bara bakari ta twana tûtû.”

MATHAYO 19:14 ပူးပေါင်းရင်းမြစ်များ

MATHAYO 11:25

Yiesû auga, “Baaba, Mwathani wa îgûrû na nthîgûrû, ingûgûcookeria nkaatho n'ûntû withîîte bara baûgî na bara bathoomu mantû, îndî wagwûrîra mo bara beenyiîtie.

MATHAYO 18:3

Abeera, “Na mma ga nkûbwîra, bûtikinya ûneneeni bwa îgûrû nwanga bûkagarûka bûgakara ta twana tûniini.

MATHAYO 19:15

Yiesû aturîîkîîra njara atuthaarima. Agûtuthaarima aathi.

MATHAYO 5:10

Kîthaarimo i kîrî bara bathîînagua n'ûntû bwa kûrûngama ûmmaani, ûnene bwa îgûrû i bwao.

MATHAYO 5:3

“Kîthaarimo i kîrî bara beebonaga bo ti gîntû kîrî Ngai, ûnene bwa îgûrû i bwao.

MAARIKO 10:14

Yiesû ataakena akwona ûgu. Eera arutwa baake, “Rekanaani na twana tûûye kîrî niû. Bûtigaatûgirie n'ûntû ûnene bwa Ngai i bwa bara bakari ta twana tûtû.

MAARIKO 10:15

Na mma ga nkûbwîra, ûra atakîthûkia ûnene bwa Ngai na wîtîgio ta bwa kaana kaniini atithûngîra ku.”

1 AKORINTHO 14:20

Aruayia na aarayia, bûtigaakare ta twana mathûgaaniani meenu. Karagaani ta twana kîrî mantû maathûûku, îndî mathûgaaniani meenu bûbatîîrue bwîgua bûkari ta antû agima.