MATHAYO 18:9 - Kîrîîkanîro Kîîyerû

⁹ Kana weegua i riitho rîaku rîgûtûma wîyia, rîtûre! I kaaba ûkathi ûneneeni bwa Ngai ûrî na riitho rîmwe, nkûrûki ya ûmaiga marî maîrî, na mûthiani ûgerwa mwankiini wa îcamaarîro.

MATHAYO 18:9 ပူးပေါင်းရင်းမြစ်များ

MATHAYO 16:26

Î rîo rî, i baita mbi muntû oona wana ûkeegua nthîgûrû yonthe n'yake, îndî akaaga mwoyo? Anga kûrî kîo muntû ateeyana akîenda kwonokia mwoyo wake?

MATHAYO 18:8

Weegua i njara yaku kana kûgûrû gwaku gûgûtûma wîyia, giita ûte! I kaaba ûkathi mwoyooni wa tene na tene ûrî na njara îmwe kana ûrî na kûgûrû kûmwe, nkûrûki ya ûkara ûrî na njara irî ciîrî kana magûrû marî maîrî na mûthiani ûgerwa mwankiini ûra ûtooraga rî kana rî.

MATHAYO 19:17

Yiesû amûûria, “I kî n'ûntû ûkûmbûûria bûra bwega? Ûra mwega n'ûmwe. Weegua nûkwenda mwoyo wa tene na tene athîkagîra maathana ma Ngai.”

MATHAYO 5:22

Îndî naani ga nkûbwîra, ûra akaathûûrîra ûra ûngî nakagambithua. Na ûra akeera ûra ûngî ‘Ûrî wa ûtheri!’, arî na îgamba na kîama. Na ûra ageeta ûra ûngî, ‘Kîaa gîkî!’, nakaathi îcamaarîro.

MATHAYO 5:29

Ûkaaya kwîgua riitho rîaku rîa ûrîo rîtûmaga wîyia, rîtûre. I kaaba wagîîte gacuncî kamwe ka mwîrî waku kîrî mwîrî waku unthe ûgereetwe mwankiini wa îcamaarîro.

MAARIKO 9:47

Weegua i riitho rîaku rîtûmaga wîyia, rîkûûre! I kaaba ûkathi ûneneeni bwa Ngai ûrî na riitho rîmwe, kîrî ûmaiga marî maîrî na îndî ûgerwa îcamaarîro.

NGÛGÎ 14:22

Na gûku kunthe baakûrûkagîîra beekîra eetîgîri wîru, babaûmîîria wîtîgio. Babarutana babeera, “Nwa mwanka tûnyamaare mûno tûkîîya gûkinya ûneneeni bwa Ngai.”

AIBIRANIA 4:11

Kwoogu tûcûûgieni na njîra cionthe tûthi kînogokooni gîku, kaingo gûteegua kûrî we atakîthi noogo n'ûntû bwa kûrûtha ta bûra bara baaregire kwathîka baarûthire.

KÛGWÛRÎRWA 21:27

Ûra ateethereetie, kana ûra aarûthaga mantû mara matakenagia Ngai, kana ûra aaragia ûrongo atikîthûngîra gûku. Bara mariîtwa maao maandîkîîtwe îbukuuni rîa mwoyo, ta rîo îbuku rîa Kagondu, i bo bonka baathûngîîre gûku.