MATHAYO 18:8 - Kîrîîkanîro Kîîyerû

⁸ Weegua i njara yaku kana kûgûrû gwaku gûgûtûma wîyia, giita ûte! I kaaba ûkathi mwoyooni wa tene na tene ûrî na njara îmwe kana ûrî na kûgûrû kûmwe, nkûrûki ya ûkara ûrî na njara irî ciîrî kana magûrû marî maîrî na mûthiani ûgerwa mwankiini ûra ûtooraga rî kana rî.

MATHAYO 18:8 ပူးပေါင်းရင်းမြစ်များ

MATHAYO 17:27

Îndî n'ûntû ntikwenda tûthûûrana na antû baba, thûkia ndwano ûthi îriani. Îkûyû rîra ûkaagwata ûraithe kanyua ka rîo ûkeethîra mbia ku. Mbia inu ûthûkie cio ûthi ûndîîrîîre na woû ûkîrîa ciaku na wacio.”

MATHAYO 25:41

“Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

MATHAYO 25:46

“Bakaathi îkaanûkiani rîtakîthira rî kana rî, îndî bara baagîru bakaathi mwoyooni wa tene na tene.”

RUKA 14:33

Kwoogu gûtirî we wacienu aûmba gûtuîka mûrutwa wakwa, nwanga agatiganîria bionthe bira arî na bio.”

RUKA 16:24

Gîtonga gietana kîauga, ‘Itû aba, Îburaîmu baaba, mbîgua kîao! Tûma Racaarû ûmwîre atombeke mûthia wa kaara gaake rûûyîîni aaye aandurie rûrîmî, n'ûntû nkwinya i kîrîrîmbî gîkî.’

AROOMA 13:12

Ûtugû bûrî akubî kûthira, kûrî akubî gûkea. Kwoogu tûtigeeni kûrûtha mantû ma mwindu, ga tûthûkieni mîrigo ya werû ya ndûa.

KÛGWÛRÎRWA 14:10

ûyu nakaanyua gîkombe kîa ndibei ya mûthûûro wa Ngai îtaunganîîtue na rûûyî. Na nakaathangîkua na mwanki wa ûbiriti mbere ya araîka baatheru, agu mbere ya Kagondu.

KÛGWÛRÎRWA 20:15

Ûra riîtwa rîake rîtaandîkîîtwe îbukuuni rîa mwoyo aagerirwe îriani rîru rîa mwanki.

KÛGWÛRÎRWA 21:8

Îndî iguaya, bara batarî wîtîgio, bara barûthaga mantû mara mataankenagia, aûragani, bara barutaga ngûgî cia ûmaramari, arogi, bara bagongaga ngai cia ûrongo, na bara bonthe baaragia ûrongo, babu bonthe bakaagerwa îriani rîra rîa mwanki wa ûbiriti, ta rîo îkua rîa maîrî.”