MATHAYO 18:7 - Kîrîîkanîro Kîîyerû

⁷ Antû ba nthîgûrû bakoona thîîna n'ûntû bwa mantû mamu matûmaga antû beeyia! Mantû ta mamu matiûra, îndî ûra amareetaga akoona thîîna!

MATHAYO 18:7 ပူးပေါင်းရင်းမြစ်များ

MATHAYO 16:23

Yiesû aûndûka amwîra, “Taaria aaga ndî, Saitaani, n'ûntû nûkûndigîîria ntiraingia kwenda kwa Ngai. Mathûgaanio maaku ti ma kîîngai i ma kîîmuntû.”

MATHAYO 26:24

Mwana wa Muntû agaakua wata bûra kwandîkîîtwe *Maandîkooni Maatheru. Îndî ûra akaamûkunyanîra, gîku na ti kînyamaara akoona. I kaaba atagîciarirwe!”

MAARIKO 13:7

Bweegua ndûa ikîrûîwa kana ikîgwetwa, bûtikaamake. Mantû ta mamu nwa mwanka matuîkîke, îndî ûyu t'uu mûthiro.

RUKA 17:1

Yiesû eera arutwa baake, “Mantû mara matûmaga antû beeyia matiûra. Îndî muntû ûra areetaga mantû ta mamu akoona thîîna mûno!

NJOANA 17:12

Kagiitaani kara nkaranîîtie na bo, ndarabamenyagîîra kwa inya yaku, îra ûmpete. Indarabakaragia bwega na gûtirî nwa ûmwe wao aûra, tatiga ûra aataarîîtwe akaûra na tene, kaingo *Maandîko Maatheru makaûyûra.

NGÛGÎ 1:16

“Aruayia na antû beetû, ûroria bûra bûrî *Maandîkooni Maatheru bwarî nwa mwanka bûûyûre. Tene Kîrundu Ûmûtheru aariirie gûkûrûkîîra kîrî Ndaundi aaroria mantû ma Njundas ûra aatongoreerie kîrîndî kîra kîagwatire Yiesû.

1 AKORINTHO 11:19

Kwîgua bûgîkararanagia i kwega n'ûntû gûkoonania i barîkû barî ûmmaani.

1 TIMOTHEO 6:1

Bara barî nkombo babatîîrue boonaga anene baao baagîrîtwe beeyagwa gîtîîyo kîînene, kaingo gûtagîta we aaria ûntû bûûthûûku îgûrû rîa riîtwa rîa Ngai, kana athûûkia ûrutani bwetû.

TITO 2:5

Nwa mwanka beegue barî na ûtombo bûûkûrû, nwa mwanka beegue barî baagîru, nwa mwanka beegue bakîûmba kûruta ngûgî ciao cia mîciî bakîînyiagia kîrî arûme baao kaingo gûtooneka muntû acambia ntûmwa ya Ngai.

TITO 2:8

Îndî amwe noogu tûmagîra mîgambo îra yagîrîte kaingo anthû baaku beegua nthoni, baaga ûntû bûûthûûku bwa gûtûgwetanîria na bu.

NJUNDA 1:4

Ndîbwîra ûgu n'ûntû antû bamwe ba bara batatîîyaga Ngai ibeethûngîîrîîtie na witho gîkundiini keenu. Mantû maao maandîkîîtwe beerwa îgamba rîao irîbeeteereete. Bagarûraga ntûmwa ya ûtugi bwa Ngai wetû na njîra îtaagîrîte, kaingo boona mwanya wa kûrûtha ûntû bunthe bûûthûûku bûra beeriragîîria. Na kaîrî bakaanaga Yiesû Kîrîstû na n'we wenka Mûnene na Mwathani wetû.