MATHAYO 18:16 - Kîrîîkanîro Kîîyerû

¹⁶ Îndî akarega gûkûthikîîria na akarega gwîtîgîîria meeyia maake, mwîtîre muntû ûngî ûmwe kana baîrî, kaingo ntheto wîgua irî na ûkûûyî bwa antû baîrî kana bathatû.

MATHAYO 18:16 ပူးပေါင်းရင်းမြစ်များ

NJOANA 8:17

*Wathooni bwenu kwandîkîîtwe atî, ûkûûyî bwa antû baîrî bûkaaya kûgwatanîra, ûntû bûbu bûrî oogo.

2 AKORINTHO 13:1

Rîrî îîndî n'îgiita rîakwa rîa mathatû kûûya. Na wata bûra *Maandîko Maatheru maugîîte, ûra arî na ntheto na ûra ûngî nwa mwanka oonanie bûra abîtangîrîtue “kûrî na ûkûûyî bwa antû baîrî kana bathatû.”

1 TIMOTHEO 5:19

Ûtikeende kûthikîîria mathitango îgûrû rîa mûkûrû, nwanga kûrî na akûûyî baîrî kana nkûrûki.

AIBIRANIA 10:28

Muntû wonthe ûra aaregaga kwathîkîra *watho bwa Musa naûragagwa atakwîguîrwa kîao kuumania na ûkûûyî bwa antû baîrî kana bathatû.

KÛGWÛRÎRWA 11:3

Na îgiitaani rîru nkaa akûûyî baakwa inya barî baîrî barorie ntugû ngiri îmwe na magana maîrî ma mîrongo îthanthatû (1,260), beekîrîte maguo matarî meega kwonania kîeba.”