MATHAYO 17:20 - Kîrîîkanîro Kîîyerû

²⁰ Yiesû abeera, “N'ûntû bwa bûra wîtîgio bwenu bûrî bûûniini. Na mma ga nkûbwîra, bunka bûrî na wîtîgio wana ûkeegua ibûgana ta gapîndî kaniini nwa bûtûme kîrîma ta gîkî gîkûûka aaga gîkathi bantû angî. Gûtirî bu bûrema. [

MATHAYO 17:20 ပူးပေါင်းရင်းမြစ်များ

MATHAYO 13:31

Yiesû kaîrî abaa ngerekano îngî. Abeera, “Ûnene bwa îgûrû bûkari ta gapîndî ka mûtî kara kaniini kîrî mpîndî cionthe kara muntû aathûkiirie aanda mûndaani wake.

MATHAYO 14:29

Mwathani amwîra, “Ncû!” Petûrû auma îtarûûni aakinya rûûyî aanjîîria kûthi kîrî Yiesû.

MATHAYO 17:17

Yiesû auga, “Biû bûrî nthuke înthûûku, îtarî wîtîgio. I mwanka rî ngaakarania naabi? Na nkaabwinyîkîria mwanka rî? Ndeeteraani kaana gaku.”

MATHAYO 17:19

Nyumaani barî bonka arutwa baûria Yiesû, “I kî n'ûntû tiû tûremirwe kwîngatia kîrundu kîra gîkûrî na kaana kara?”

MATHAYO 17:9

Beendamîîte baumîîte kîrîmaani gîku Yiesû aakaania arutwa baake abeera, “Bûtikeere antû mantû mara bwona mwanka rîra Mwana wa Muntû akaariûka aume kîrî bara bakuû.”

MATHAYO 21:21

Yiesû abeera, “Na mma ga nkûbwîra, bunka muntû atarî na nkanja ageetîgia bûra akuuga bûgaatuîkîka, nwa arûthe manene nkûrûki ya ûgu bwona ndarûtha mûkûyû. Nwa wone weera kîrîma ta gîkî, ‘Kûûka ûkagwe îriani,’ na gûgakarîka woogu.

MATHAYO 8:26

Yiesû abaûria, “I mbi îkûbûmakia, biû antû ba wîtîgio bûûkai?” Aûkîîra aagondokera kîbuubani na makûmbî ma rûûyî, gwakirîîria kûrû.

MAARIKO 11:22

Yiesû eera arutwa baake, “Karagaani bwîtîgîîtie Ngai.

MAARIKO 11:23

Na mma ga nkûbwîra, ûkeegua muntû atarî na nkanja nkorooni yake, ûkeegua eetîgîîtie bûra akuuga bûgaatuîkîka, akeera kîrîma ta gîkî, ‘Kûûka ûkagwe îriani,’ gûkarîka woogu auga.

MAARIKO 4:31

Bûkari ta gapîndî ka mûtî kara kaniini kîrî mpîndî cionthe, karî kaande mûthetuuni.

MAARIKO 9:23

Yiesû amwîra, “Î nûkuuga weegua kûrî bu ndûtha? Ûntû bunthe nwa bûûmbîke kîrî ûra eetîgagia.”

RUKA 17:6

Mwathani abeera, “Ûkeegua bûrî na wîtîgio, wana ûkeegua i bûgana gapîndî ka mûtî kara kaniini kîrî mpîndî cionthe, nwa bwîre mûkûyû ta ûyû kûûka ûkagwe îriani na wîbînjîre oogo, na gûgakara woogu.”

RUKA 18:27

Yiesû abeera, “Bûra bûtaûmbîka kûrûthwa i muntû, nwa Ngai aûmba kûburûtha.”

NJOANA 11:40

Yiesû amwîra, “Ntaakwîrire weetîgia ûkoona mwago wa Ngai?”

1 AKORINTHO 12:9

Muntû ûngî aûmba kwewa kîewa kîa wîtîgio bûûnene, ûngî n'we akeewa kîewa gîa kworania i Kîrundu wooyu.

1 AKORINTHO 13:2

Kana ûkeegua ndî na kîewa kîa ûroria ûkeegua imbiyî iriga bionthe na ndî na ûmenyo bunthe, kana ndî na wîtîgio bûûmba gûtûma kîrîma gîkûûka, ntarî na wendo, ndî wa mana.

AIBIRANIA 3:19

Kwoogu i ta kwonania n'ûntû bwa kwaga wîtîgio kwao, antû babu batigîkinya gûntû gûku.