MATHAYO 16:27 - Kîrîîkanîro Kîîyerû

²⁷ “Mwana wa Muntû arî akubî kûûya na araîka baake arî na mwago wa Îthe. Eengeerie kûûya atuîre woora muntû kûringana na ngûgî yake îra arûthîîte.

MATHAYO 16:27 ပူးပေါင်းရင်းမြစ်များ

MATHAYO 13:41

Mwana wa Muntû agaatûma araîka baake kîrî antû beethîranie kîonthe kîra kîreetaga wîyia na eeyia bonthe

MATHAYO 13:49

Ûgu i ta bu ûkeegua gûkari îgiita rîa mûthiro wa nthîgûrû. Araîka bakaaya baathûrane bara bataagîrîte na bara baagîrîte.

MATHAYO 24:30

Rîru i rîo rwano rwa kûûya kwa Mwana wa Muntû rûkooneka îgûrû. Antû ba nthîgûrû yonthe bakaarîra baminûke mûno boona Mwana wa Muntû aayîîte na matu kuuma îgûrû arî na inya na mwago ûmûnene.

MATHAYO 25:31

Yiesû eera arutwa baake, “Rîra Mwana wa Muntû akaaya arî na mwago wake wa ûnene na arî na araîka bonthe, akaaya akare nthî gîtîîni gîake kîa ûnene.

MATHAYO 26:64

Yiesû amwîra, “Ûkuuga. Na ga nkûbwîra bûkoona Mwana wa Muntû akari rûteere rwa ûrîo rwa ûra arî inya. Na bûkoona aayîîte na matu kuuma îgûrû!”

MATHAYO 8:20

Yiesû amûcookeria amwîra, “Mbwe irî mîrinya na nyoni irî ntara, îndî Mwana wa Muntû atirî kîmaamo.”

MAARIKO 14:62

Yiesû auga, “Yîî, i niû. Na îgiita rîkaaya bûkoona Mwana wa Muntû akari rûteere rwa ûrîo rwa Ngai, mwene inya. Na bûkoona aayîîte na matu, kuuma îgûrû!”

MAARIKO 8:38

“Ûra akambîgua îgi kana eegue ûrutani bwakwa îgi rûciarooni rûrû rwa ûthûngîîri, rwa meeyia, Mwana wa Muntû nakaamwîgua îgi rîra akaaya na araîka baatheru, arî na mwago wa Îthe.”

RUKA 21:27

Rîru i rîo antû bakoona Mwana wa Muntû aayîîte na îtu, arî na inya na mwago ûmûnene.

RUKA 22:69

Na kuuma îîndî, Mwana wa Muntû agaakara nthîgûrû rûteere rwa ûrîo rwa Ngai, mwene inya.”

RUKA 9:26

“Ûra akambîgua îgi kana eegue ûrutani bwakwa îgi, Mwana wa Muntû nakaamwîgua îgi rîra akaaya na araîka baatheru arî na mwago wa Îthe.

NJOANA 21:22

Yiesû amûcookeria amwîra, “Wana nkeenda atûûra mwoyo mwanka rîra nkaaya yîya rîa maîrî, înu ti ngûgî yaku. Woû nthingata.”

NJOANA 21:23

Kuumania na ûgu Yiesû eerire Petûrû, ntheto ciambîîria kwarua gûkîîragwa mûrutwa ûyu atiikua. Îndî Yiesû atauga atiikua. Ka augire, “Wana nkeenda atûûra mwoyo mwanka rîra nkaaya yîya rîa maîrî, înu ti ngûgî yaku.”

NGÛGÎ 1:11

Araîka babu baaria na bo. Babeera, “Antû ba Gariiri, n'ata bûkûrûtha aaga bûkari bûkûnîîrîîte îgûrû meetho? Yiesû wooyu bwona aathûkua kuuma kîrî biû eetitithua îgûrû akaaya kaîrî na njîra ta înu bwona eetia n'yo.”

AROOMA 14:12

Kwoogu nwa mwanka woora ûmwe wacietû akeegua arî na bwa kwîra Ngai kuumania na mara monthe akeegua arûthîîte.

AROOMA 2:6

Ntugû înu Ngai akaa woora muntû kîewa gîake kûringana na bûra ûkeegua arûthîîte.

1 AKORINTHO 15:23

Îndî mûbango n'atî Kîrîstû ariûkue mbere. Na rîra agaacooka kaîrî rîru bara barî baake na bo bariûkue.

1 AKORINTHO 3:13

Ntugû ya mûthia ûkeegua kûrî na kagiita ga kûgeria ngûgî ya woora muntû yonekane bûra îkari. Ngûgî ya woora muntû îgaakûrûkîîrua mwankiini, kaingo yonekana bûra îbuîte bûgana.

1 AKORINTHO 8:8

Irio bitiûmba gûtûma tûthiyanga akubî na Ngai. Gûtirî kîo twonaga twarîa na gûtirî kîo twagaga tûtarîîte.

2 AKORINTHO 5:10

Nwa mwanka twinthe tûkaarûngama mbere ya Kîrîstû atûgiitîre îgamba. Na woora ûmwe wacietû akaagiitîrwa bûra kwagîrîte, kûringana na mantû mara twaarorûtha tûrî mwîrîîni ûyû wa kîînthîgûrû, meega kana maathûûku.

AEBEESO 6:8

Ririkanaani Mwathani agatwa woora muntû kîewa kûringana na mantû meega mara tûrûthaga, nwîgue tûrî nkombo kana tûtirî nkombo.

AKOROSAI 3:25

Muntû wonthe ûra akaarûtha mabîtia akeewa îkaanûkia rîganeene na mabîtia mara arûthîîte. Ngai agambithagia antû gûtarî kîmenyano.

1 ATHESARONIKE 1:10

Na ibakwîrana kinya bûra bweteereete Mwana wake ûra aariûkiirie acooka kuuma îgûrû. Mwana wake i Yiesû ûra atwonokagia mûthûûro ûra ûûyîîte wa Ngai.

1 ATHESARONIKE 4:16

Rîra Mwathani akaaya kuuma îgûrû gûkeeguîka kayû ga kûruta watho, kayû ka mûraîka ûra mûnene, na ga karumbeeta ka Ngai. Na ûntû bwa mbere, i bara baakuire beetîgîîtie Kîrîstû bakaariûka.

NJAKUBU 5:7

Aruayia na aarayia, ûmagîîriani bweteere mwanka rîra Mwathani akaaya. Thûkiani ngerekano ya mûrîmi bûra eetagîîra irio biake biciara maketha meega. Eetagîîra bikaurîrwa i mbura ya mbere na ya ciîrî aûmîîrîîtie.

1 PETÛRÛ 1:17

Ûkoona bûrombaga Ngai bûkamwîta Baaba, Ngai ûra agiitagîra muntû wonthe îgamba kûringana na bûra arûthîîte gûtarî we akwendeera, karagaani bûkîmûkuthûkaga gûkû ûgeniini.

1 NJOANA 2:28

Kwoogu îîndî, aana baakwa, karagaani bûrî ndeni ya Kîrîstû kaingo ntugû îra agaacooka tûtikaaye kwîgua nthoni kana ûguaya.

NJUNDA 1:14

Enoki, kîûyûûyû gîetû kîa mûgwanja kuuma kîrî Andamu, naaroreetie mantû ma antû baba rîra augire, “Thikîîriani! Mwathani akaaya na atheru baake ngiri itatarîka

KÛGWÛRÎRWA 1:7

Ga nkûbwîra, Yiesû naayîîte na matu, na gûtirî we atakîmwona. Wana bara baamûûragire bakamwona akîîya. Antû ba mîgongo yonthe ya nthîgûrû bakamûrîrîra. Na ûgu i bu gûgaakara! Aameni.

KÛGWÛRÎRWA 2:23

na mbûrage athingati baake. Rîru i rîo makanica monthe makaamenya i niû ncûnkûûnaga nkoro na mathûgaania ma antû. Na nkaa wakîra ûmwe wenu kîewa kûringana na ngûgî ciake.

KÛGWÛRÎRWA 20:12

Ndoona bara baakuite, baanene na baaniini, barûngi mbere ya gîtî gîku kîa ûnene. Mabuku maagwûrua na îbuku rîa mwoyo rîagwûrua. Bara baakuîte baagiitîrwa îgamba kûringana na mantû mara woora muntû aarûthîîte, mara maandîkîîtwe mabukuuni mamu.