MATHAYO 16:17 - Kîrîîkanîro Kîîyerû

¹⁷ Yiesû amûcookeria amwîra, “Woû ûrî ûmûthaarime, Simioni mwana wa Njona, n'ûntû ti muntû akûgwûrîrîte mantû mama. I Baaba ûra arî îgûrû akûgwûrîrîte mo.

MATHAYO 16:17 ပူးပေါင်းရင်းမြစ်များ

RUKA 22:32

Îndî woû, Simioni, indombeete wîtîgio bwaku bûtikaathire. Nyuma ya kûgerua, weerira wîkîre aruanyûkwe wîru.”

NJOANA 1:42

Enderea aira mûruagina, Simioni, kîrî Yiesû. Yiesû akwona Simioni, amûcûûba kii amwîra, “Woû ûrî Simioni mwana wa Njona, îndî îîndî ûgeetagwa Kebas.” (‘Kebas’ i bûmwe na ‘Petûrû’ na Kîîngiriki.)

NJOANA 6:45

Mabukuuni ma iroria kwandîkîîtwe, ‘Antû bonthe bakaarutanwa i Ngai.’ Muntû wonthe ûra athikagîîria Baaba na akathooma kuuma kîrî we aayaga kîrî niû.

1 AKORINTHO 15:50

Ga nkûbwîra, aruayia na aarayia, mîîrî îno ya nyama na nthakame îtithi ûneneeni bwa Ngai. Na gîntû kîoraga gîtigîa mwoyo ûra ûtathiraga.

AGARATIA 1:16

kûngwûrîra mmenya Mwana wake kaingo mmûtûmîîria kîrî bara batarî Ayaundi, ntaathi kwîra muntû antaûrîre,

AEBEESO 2:8

Bwonokiirue n'ûntû bwa ûtugi bwa Ngai rîra bwetîgiirie Yiesû Kîrîstû. Bûtoonokua n'ûntû bwa mantû meega mara bwarûtha. Wonokio bwenu i kîewa kîa ûtheri kuuma kîrî Ngai.

AEBEESO 3:5

Kîriga gîku gîtaamenyithanîîtue kîrî bara baarî oogo mbere yetû, ta bûra îgiitaani rîrî kîgwûrîrîtwe atûmwa baake baatheru na iroria na njîra ya Kîrundu.

AEBEESO 6:12

Tûtikûrûa na antû, tûrîrûa na anene ba ûthûûku, aathani, mainya ma mwindu ma nthîgûrû, na ûthûûku bwa gîîkîrundu bwa îgûrû.

AIBIRANIA 2:14

Na n'ûntû aana baba n'antû baûmbîîtwe na nyama na nthakame, Yiesû wana we aakarire ta bo mûûmbîreeni. Na gîtûmi gîa kûrûtha ûgu i kaingo na njîra ya gûkua gwake athiria Nkoma ûra arî inya ya gîkuû.

1 PETÛRÛ 5:1

Ndî na ûntû nkwenda kwîra akûrû beenu ba kanica. Niû ningwa ndî mûkûrû na ndî mûkûûyî wa kûnyamaarua kûra Kîrîstû aanyamaariirue. Nkeegua ndî ûmwe wa bara bakoonekana na mwago ûra ûkoonanua.

1 NJOANA 4:15

Ûra augaga Yiesû i Mwana wa Ngai, Ngai nakaraga ndeni yake na n'we nakaraga ndeni ya Ngai.

1 NJOANA 5:20

Itwiyî Mwana wa Ngai naayire na atwa ûmenyo, kaingo tûûmba kûmenya Ngai wa mma. Tûkaraga ndeni ya Ngai wa mma na ndeni ya Mwana wake Yiesû Kîrîstû. Ûyu n'we Ngai wa mma na n'we mweyani wa mwoyo wa tene na tene.