MATHAYO 16:16 - Kîrîîkanîro Kîîyerû

¹⁶ Simioni Petûrû amwîra, “Woû ûrî Kîrîstû, Mwana wa Ngai ûra arî mwoyo.”

MATHAYO 16:16 ပူးပေါင်းရင်းမြစ်များ

MATHAYO 1:16

Njakubu aarî îthe wa Njosebu, mûrûme wa Maria gina wa Yiesû Kîrîstû.

MATHAYO 14:33

Bara baarî îtarûûni baagonga Yiesû bauga, “I mma woû ûrî Mwana wa Ngai.”

MATHAYO 16:15

Yiesû aacooka abaûria, “Î biû buugaga ndî ûû?”

MATHAYO 26:63

Yiesû ataaria. Mûthînjîri ûyu auga, “Tathiîtia na Ngai ûra arî mwoyo ûtwîre weegua i woû Kîrîstû, Mwana wa Ngai.”

MATHAYO 27:54

Mûtongoria wa njûûrî ya acikaarî na bara baarî n'we agu bakarîîtie Yiesû, bakwona nthîgûrû yainaina na bûra gwakarîkire baagwatwa i kîmako kîînene mûno. Bauga, “Na mma muntû ûyû araarî Mwana wa Ngai.”

MATHAYO 4:3

Nkoma yathi yamwîra, “Ûkaaya kwîgua ûrî Mwana wa Ngai, uga maiga mama matuîke mîgaate.”

MAARIKO 14:61

Yiesû ataaria amûcookeria kîûria gîake. Mûthînjîri ûyu mûnene wa Ngai aûria Yiesû kîûria kîngî. Amûûria, “I woû Kîrîstû, Mwana wa Ngai ûra mûthaarime?”

RUKA 2:11

N'ûntû îmunthî taûni ya baNdaundi bûgûciarîrwa Mwonokia, n'we i Kîrîstû Mwathani.

NJOANA 1:49

Nathanieri amwîra, “Rabai, woû ûrî Mwana wa Ngai na i woû Mûnene wa Isiraeri!”

NJOANA 11:27

Mariitha amwîra, “Yîî, Mwathani. Imbîtîgîîtie atî i woû Kîrîstû, Mwana wa Ngai na ûûyîîte gûkû nthîgûrû kûringana na bûra *Maandîko Maatheru maugîîte.”

NJOANA 20:31

Mantû mama maandîkîîtwe kaingo bwîtîgia Yiesû n'we Kîrîstû, Mwana wa Ngai, na kaingo bûtûûra mwoyo n'ûntû bwa riîtwa rîake.

NJOANA 6:57

Baaba ûra aantûmire i mûtûûra mwoyo. N'we atûmîîte wîgua ngaatûûra mwoyo. Na ûra arîyaga nyama cia mwîrî wakwa agaatûûra mwoyo gûkûrûkîîra kîrî niû.

NJOANA 6:68

Simioni Petûrû amwîra, “Mwathani, îîndî tûgûtiga tûkathi kîrî ûû ûngî, na i woû ûrî na mîgambo ya mwoyo wa tene na tene?

NJOANA 6:69

Twîtîgîîtie i woû Mûtheru ûra wa kuuma kîrî Ngai, na ûgu i bu twiyî tiû.”

NGÛGÎ 14:15

“I kî n'ûntû bûkûrûtha ûûgû? Anga tûtirî antû ta biû. Tûrî aaga tûbwîra bûtigane na mantû ma ûtheri bûrombage Ngai ûra atûûraga mwoyo. N'we Mûûmbi wa îgûrû, nthîgûrû, maria, na bionthe bira birî ku.

NGÛGÎ 8:36

Bathiîte baakinya bantû kwarî na rûûyî. Mwethiopia eera Piripû, “Ene, I rûûrû rûûyî. Ga kûrî kîo kîûmba kûndigîîria ntikaabaatithue?” [

NGÛGÎ 8:37

Piripû amwîra, “Bunka gwîtîgîîtie na nkoro yaku yonthe nwa ûbaatithue.” Mwethiopia eera Piripû, “Ingwîtîgia Yiesû Kîrîstû i Mwana wa Ngai.”]

NGÛGÎ 9:20

Aanjîîria gûtûmîîria *masinagoogiini akîonanagia atî Yiesû i Mwana wa Ngai.

2 AKORINTHO 1:19

Yiesû Kîrîstû, Mwana wa Ngai, ûra twabûtûmîîrie tûrî na Sairas na Timotheo, we t'ûra augaga yîî na agacooka akauga arî kagiita kangî. Augaga yîî kîrî ûntû bunthe,

2 AKORINTHO 3:3

Ibwonanagia bûrî baarûa îra Kîrîstû atûmîîte kuuma naati. Baarûa îno îtiandîkîîtwe na rangi. Yandîkîîtwe na Kîrundu wa Ngai ûra atûûraga mwoyo. Yo îtiandîkîîtwe maigaani ma rûbaariû, yandîkîîtwe nkorooni cia antû.

2 AKORINTHO 6:16

Nyomba ya Ngai yaûmba gûtuma nthungurumi na mîbuanaano? Tiû, i tiû nyomba ya Ngai ûra atûûraga mwoyo. I Ngai augire, “Ngaatûûra kîrî antû baakwa na nkarage na bo. Nkeegua ndî Ngai wao, na bo barî antû baakwa.”

1 ATHESARONIKE 1:9

Gûntû kunthe antû ibakwîrana bûra bwatûgwatire ûgeni bwega tûkûbûriûngîra, na bûra bwatigire kûromba ngai cia ûrongo bwatua gûtûmîkîra Ngai ûra atûîre mwoyo na wa mma.

1 TIMOTHEO 3:15

Îndî weegua ntiiya rua bûra nkûthûgaania, baarûa îno n'ya gûkûmenyithia bûra tûbatîîrue tûkaraga tûkari tûrî antû ba kanica ya Ngai ûra arî mwoyo, n'ûntû kanica n'yo îtûmaga ûmma bwa Ngai bûrika.

1 TIMOTHEO 4:10

atî, twînogagia na kûruta ngûgî na inya n'ûntû bwa wîrîgîîro bûra tûrî na bu kîrî Ngai ûra atûîre mwoyo, ûra arî Mwonokia wa antû bonthe. Na oonokagia bara bamwîtîgagia.

AIBIRANIA 10:31

T'ûntû bwa mathee kûgîa njaraani cia Ngai ûra atûûraga mwoyo.

AIBIRANIA 12:22

Îndî biû ibûkinyîîte Kîrîmaani gîa Cayûni na Njerusaremu îngî înjerû ya îgûrû, taûni ya Ngai ûra atûûraga mwoyo. Ibûkinyîîte kûra kûrî araîka ngiri itatarîka,

AIBIRANIA 3:12

Kwoogu îmenyeereeni, aruayia na aarayia, bwîgue gûtirî we wacienu arî na nkoro ya kûrûtha ûthûûku kana ya kûrega gwîtîgia, aaya kwathûkana na Ngai ûra atûûraga mwoyo.

AIBIRANIA 9:14

Îndî nthakame ya Kîrîstû yo nîrûthaga manene nkûrûki ya ûgu! Kwa inya ya Kîrundu ûra atûûraga tene na tene, Kîrîstû neerutire arî kîgongwana kîra kîagîrîte kîrî Ngai. Nthakame yake îgatûtheria nkoro kuumania na mantû mara tûrûthaga mara maûmba gûtûma tûkua, i kaingo bûtûmîkîra Ngai ûra atûûraga mwoyo.

1 NJOANA 4:15

Ûra augaga Yiesû i Mwana wa Ngai, Ngai nakaraga ndeni yake na n'we nakaraga ndeni ya Ngai.

1 NJOANA 5:20

Itwiyî Mwana wa Ngai naayire na atwa ûmenyo, kaingo tûûmba kûmenya Ngai wa mma. Tûkaraga ndeni ya Ngai wa mma na ndeni ya Mwana wake Yiesû Kîrîstû. Ûyu n'we Ngai wa mma na n'we mweyani wa mwoyo wa tene na tene.

1 NJOANA 5:5

Na n'ûû we aûmba gûcinda nthîgûrû, twanga ûra eetîgîîtie Yiesû i Mwana wa Ngai?

KÛGWÛRÎRWA 7:2

Ndacooka ndoona mûraîka ûngî auma bwa uumîîro bwa riûa arî na mûûri wa Ngai, mûtûûra mwoyo. Eera na kayû kaaraaya araîka babu bana, bara Ngai eete inya ya kwînyangia nthîgûrû na îria,