MATHAYO 15:29 - Kîrîîkanîro Kîîyerû

²⁹ Yiesû akuuma naagu aathi aakinya îriani rîa Gariiri. Aatamba na rûteere aathi aatwa karîmaani aakara nthî.

MATHAYO 15:29 ပူးပေါင်းရင်းမြစ်များ

MATHAYO 13:2

Kîrîndî kingî mûno gîa antû kîamwîthîranîra. Yiesû oona i kaaba atwe îtarûûni akare ku antû barî îgombeeni.

MATHAYO 4:18

Yiesû atambîîte na rûteere rwa îria rîa Gariiri oona ategi ba makûyû baîrî bakîamba neeti ciao bagwata makûyû. Baarî Simioni, ûra kaîrî eetagwa Petûrû, na mûruagina Enderea.

MATHAYO 5:1

Yiesû akûraitha oona bûra kîrîndî kîagana, aatwa karîmaani aakara nthîgûrû. Arutwa baake bamwîthîranîra.

MAARIKO 1:16

Yiesû atambîîte na rûteere rwa îria rîa Gariiri, oona ategi ba makûyû baîrî bakîamba neeti ciao bagwata makûyû. Baarî Simioni na mûruagina Enderea.

RUKA 5:1

Îgiita rîmwe Yiesû arûngi rûteere rwa Îria rîa Ngenesareeti, kîrîndî kîamwinyîka kîthikîîrîîtie ntheto ya Ngai.

NJOANA 21:1

Nyumaani Yiesû eebonania kîrî arutwa baake barî rûteere rwa îria rîîtagwa Tiberias. Bara baarî oogo baarî, Simioni Petûrû, Tooma (ûra kaîrî eetagwa Ndindimas), Nathanieri wa kuuma taûni yeetagwa Kana îra yarî Gariiri, aana bara baîrî ba Cabendi, na arutwa bangî baîrî. Gwakarire ûûgû.

NJOANA 6:1

Nyumaani Yiesû aaringa aathi bwa rûgongo rûra rûngî rwa îria rîa Gariiri, (rîra kaîrî rîetagwa îria rîa Tiberias).

NJOANA 6:23

Matarû mangî maumîîte Tiberias, maaya agu antû baagaagûrîrîtwe na mûgaate ûcookeretue nkaatho i Mwathani.