MATHAYO 15:14 - Kîrîîkanîro Kîîyerû

¹⁴ Rekanaani na bo tu. Bûroona ntûngi îkwathîîra îra îngî njîra? Ntûngi îtiûmba kûgwata îra îngî mûtî n'ûntû bakeethîra îrinya i ku boorokera bonthe.”

MATHAYO 15:14 ပူးပေါင်းရင်းမြစ်များ

RUKA 6:39

Yiesû abaa ngerekano abeera, “Ntûngi îtiûmba kûgwata îra îngî mûtî. Îkamîgwata ibagwa îrinyaani bonthe.

NJOANA 9:39

Yiesû auga, “Ndaayire nthîgûrû kaingo mbathûrana antû. Ntûngi itue kwona, bara boonaga batuîke ntûngi.”

1 TIMOTHEO 6:5

na matheta matarî mûthia barî na bara biongo biao biangaratanire baatigana na ûmma. Bo bathûgaanagia kwîgua muntû arî na ûngai i njîra ya gûcûa mbia, muntû atonga.

2 PETÛRÛ 2:1

Îndî ta bûra iroria bimwe bia Isiraeri biarî bia ûrongo, i ta bu bamwe bacienu bakeegua barî aarimû ba ûrongo. Aarimû babu bakaanjîîria kûrutana mantû ma ûrongo mara makeenyangia wîtîgio bwa antû. Na bagaakaana Kîrîstû, Mwathani ûra aakuire n'ûntû bwao, batûme Ngai abathiria na mpwî.

2 PETÛRÛ 2:17

Aarimû babu ba ûrongo bakari ta inyaka biabwere rûûyî, kana ta bûra matu macûgagua i ruuo mbura îtaure. Ngai abarûthîrîte gîkaro kîao kûra kûrumeene mwindu ûmûnene mûno.

KÛGWÛRÎRWA 19:20

Nyamû înu na kîroria kîa ûrongo kîra kîamîringagîra biama baagwatwa. Kîroria gîku gîatûmagîra biama gîkeeneeria antû bara beekîrîtwe rwano rwa nyamû înu, bara bagongaga mûbuanaano wa yo. Nyamû înu na kîroria gîku baagwatwa baagerwa îriani rîa mwanki wa ûbiriti barî mwoyo.

KÛGWÛRÎRWA 22:15

Bara barî ome ya taûni înu n'antû baathûûku, arogi, amaramari, aûragani, arombi ngai cia ûrongo, na eendi ûrongo.