MATHAYO 14:6 - Kîrîîkanîro Kîîyerû

⁶ Ntugû ya kîatho gîa gûkeneera gûciarwa kwa Eronde îgûkinya, mwarî wa Erondia ainîra Eronde na ageni baake ndanci bwega, aakenia Eronde.

MATHAYO 14:6 ပူးပေါင်းရင်းမြစ်များ

MATHAYO 14:3

Gwatuîkîîte Eronde augîîte Njoana agwatwe athaîkwe nceera, n'ûntû bwa Erondia. Erondia aarî mûka wa mûruagina wa Eronde eetagwa Piripû.

MATHAYO 14:7

Eronde aathiîtia amwîra, “Mbîîra kîonthe kîra ûkwenda na ngakwa kîo.”

MATHAYO 22:24

“Mwarimû, Musa aatwandîkîîre watho atwîra, ‘Muntû akagûra mûka îndî agakua mbere ya bagîa na kaana, mûruagina nabatîîrue athûkia mûka ûyu aciarîra mûruagina mbeû.’

MAARIKO 6:14

Mûnene Eronde neegîîtue mantû ma Yiesû n'ûntû riîtwa rîake irîarî rîgûtambua gûntû kunthe. Aathûgaanagia akauga, “Ûyu i Njoana Mûbaatithania arariûkire kûringana na inya înu arî n'yo ya kûringa biama.”

MAARIKO 6:17

Gwatuîkîîte Eronde aatûmanîîte auga Njoana agwatwe athaîkwe nceera. Na aarûthire ûgu n'ûntû bwa Erondia. Erondia aarî mûka wa mûruagina wa Eronde, eetagwa Piripû, naamûtunyîîte we.

MAARIKO 6:19

Erondia ateegagua Njoana bwega. Neendaga aûragwa naagaga bûra arûtha

MAARIKO 8:15

Yiesû abakaania abeera, “Îmenyeereeni îgûrû rîa ndawa îra *Abarisai na Eronde batûmagîra kwimbithia mîgaate.”

RUKA 13:31

Îgiita rîru Yiesû augaga ûgu rîongwa, *Abarisai bamwe baaya bamwîra, “Toorooka ûthi n'ûntû Eronde nabangîîte gûkûûragithia.”

RUKA 23:11

Eronde na acikaarî baake baanyûrûnta Yiesû bamûbûthîîria. Bamwîkîra nguo ya goro îndaaya. Eronde auga acookue kîrî Piraatû.

RUKA 23:7

Akwîrwa Yiesû aarî wa kuuma rûteere rûra rwathagwa n'Eronde, auga nairwe kîrî Eronde n'ûntû Eronde naarî Njerusaremu kagiita gaku.

RUKA 3:1

Mwankaani wa îkûmi na îtaano mûnene ûra eetagwa Tiberias Kaisaria waakîathanaga, Pontio Piraatû n'we aarî ngabana wa Njundea. Eronde aarûngamîîrîîte gîteere kîa Gariiri. Na mûruagina ûra eetagwa Piripû n'we aarûngamîîrîîte gîteere gîa Îturea na gîa Turakonitis. Rûcania n'we aarûngamîîrîîte gîteere gîa Abirini.

RUKA 3:19

Aakaania mûnene Eronde amwîra atige gûkara na Erondia, mwekûrû wa mûruagina, na atige mantû mangî maathûûku mara aarûthaga.

RUKA 8:3

Ikwarî na mwekûrû ûngî eetagwa Njoani, mwekûrû wa Suca (Suca ûra aarî mûmenyeeri wa into bia Eronde), na kûrî ûngî eetagwa Susana, na bangî baingî bara baateethagia Yiesû na into biao.

NGÛGÎ 12:1

Kagiitaani wagaku, mûnene Eronde ûra eetagwa Angripa, aanjîîria kûnyamaaria eetîgîri.

NGÛGÎ 4:27

“Wabu Eronde, Pontio Piraatû, antû batarî Ayaundi, na antû ba Isiraeri beethîrana amwe aaga taûni îno baregana na mûruti ngûgî waku ûmûtheru, Yiesû, ûra wathuurire atuîka *Mesia.