MATHAYO 14:36 - Kîrîîkanîro Kîîyerû

³⁶ Bamwereka bamwîra eetîgîîrie aayie batongithie nwa mûthia wa nguo yake. Yiesû akûbeetîgîîria bara bonthe batongithiirie boora.

MATHAYO 14:36 ပူးပေါင်းရင်းမြစ်များ

MATHAYO 14:35

Antû ba noogo bakûmwona bamûmenya. Baatûmana ntûûra antû beerwa. Antû baareetera Yiesû aayie baao bonthe bara baayîîtue.

MATHAYO 23:5

“Mantû monthe mara barûthaga, barûthaga mo kaingo boonwa n'antû. Baneneagia tûthandûkû tûra twogagîîrwa ûthiû tûgeekîrwa *Maandîko Maatheru, na bakaraayithia nkûrûki ya wîthîre mîthia ya nguo ira beekagîra bakîromba, kwonania wagîru bwao.

MAARIKO 3:10

Yiesû eethîranîîrwe kwa wingî ûgu i bara baarî baayie bakîgeria kûmûtongithia, n'ûntû iboonire ooria antû baingî.

MAARIKO 6:56

Bantû onthe ara Yiesû aathiyaga, nwîgue i ntûûra kana i taûni, antû bairaga aayie ara antû beethîranaga mûno bakabamaamia oogo, Yiesû aaya bakamûûria eetîgîîrie aayie bamûtongithie mûthia wa nguo yake. Na iboorire bonthe bara baamûtongithiirie.

MAARIKO 8:22

Yiesû na arutwa baake baakinya taûni yeetagwa Bethisainda. Antû bamwe baareeta ntûngi. Baûria Yiesû aringithie muntû ûyu, amworie.

RUKA 6:19

Antû bonthe ibaageragia gûtonga Yiesû na njara, n'ûntû inya ya kworania yaumaga kîrî we îkabooria bonthe.

NJOANA 6:37

Ûra wonthe Baaba ampeeyaga aayaga kîrî niû na gûtirî rîo nkamwîngatia,

NJOANA 7:23

Îîndî rî, ûkaaya kwîgua mwana we nwa bûtaane kinya ntugû ya Sabatû kaingo bûtauna watho rî, bûrîthûûra i niû i kî ndooria muntû mwîrî unthe ntugû ya Sabatû?

NGÛGÎ 3:16

Muntû ûyû bwiyî na bûkwona, aabua n'ûntû bwa wîtîgio bwetû ndeni ya riîtwa rîa Yiesû. I wîtîgio bwetû kîrî Yiesû bwatûma abua kûrû, wata ûûgû bûkwona.