MATHAYO 14:14 - Kîrîîkanîro Kîîyerû

¹⁴ Warîra Yiesû agîkinyûka kuuma îtarûûni oona bûra antû baingîîte bûgana, abeegua kîao mûno. Ooria aayie.

MATHAYO 14:14 ပူးပေါင်းရင်းမြစ်များ

MATHAYO 14:15

Ûgoro bûgûkinya arutwa baake baathi bamwîra, “Igûkwenda gûtuga na i ta rwanda rûrû tûrî. Îra antû bathi kaingo bakinya ntûûra beegûrîra irio.”

MATHAYO 4:23

Yiesû aariûnga Gariiri yonthe akîrutanaga antû *masinagoogiini na agîtûmagîîria mantû ma ûnene bwa îgûrû. Kinya nooragia antû ndwari cia mîthemba yonthe na mbayua cionthe ira beegagua barî na cio.

MATHAYO 9:36

Eegua antû kîao akwona bûra baanyamaarîîte bûgana banyageere ta ng'ondu itarî na mûrîîthi.

MAARIKO 6:34

Yiesû agûkinyûka îtarûûni eethîra kîrîndî kîînene mûno gîa antû. Akwona ûgu abeegua kîao mûno, n'ûntû oonire bakari ta ng'ondu itarî na mûrîîthi. Yiesû aanjîîria kûbarutana mantû maingî.

MAARIKO 9:22

Na i maita maingî kîrundu gîku gîkagereete mwankiini na rûûyîîni gîkîenda gûkaûraga. Ûkeegua kûrî bu ûrûtha, twîgîîrue kîao ûtûteethie!”

RUKA 19:41

Yiesû arî akubî gûkinya Njerusaremu aagera meetho mbere oona taûni înu, amîîgua kîao. Aanjîîria kûrîra

RUKA 7:13

Mwathani akwona mwekûrû ûyu amwîgua kîao. Amwîra, “Tiga kûrîra.”

AIBIRANIA 2:17

Kwoogu kwarî nwa atuîkire ta aruagina na aaragina na njîra cionthe, kaingo atuîka mûthînjîri ûra mûnene mwîtîgua kîrî Ngai, mûthînjîri arî kîao, aruta kîgongwana gîa kûthiria meeyia ma antû.

AIBIRANIA 4:15

Mûthînjîri wetû ûra mûnene namenyaga kûra tûremagîîrwa n'ûntû aragerua na njîra cionthe ta bûra tûgeragua, îndî ateeyia.

AIBIRANIA 5:2

Atiinyagîîria bara bataku, bara babîtagia njîra n'ûntû we wengwa kûrî kûra aremagîîrwa.