MATHAYO 13:44 - Kîrîîkanîro Kîîyerû

⁴⁴ Yiesû auga, “Ûnene bwa îgûrû bûkari ta ûtonga bwaithîîtwe bantû kîthakaani muntû abuona. Akûbuona aatiga aithania bantû kaîrî gûku kîthakaani gîku, aathi akeneete mûno eendia kîonthe kîra aarî na kîo aagûra kîthaka gîku.”

MATHAYO 13:44 ပူးပေါင်းရင်းမြစ်များ

MATHAYO 13:24

Yiesû abaa ngerekano îngî. Abeera, “Mantû ma ûnene bwa îgûrû makari ûûgû. Muntû aandire mbeû ya ngano îmbega mûndaani wake

MATHAYO 13:46

Akwona îmwe înthongi aathi eendia kîonthe kîra aarî na kîo amîgûra.”

MATHAYO 13:47

Yiesû auga, “Na kaîrî ûnene bwa îgûrû bûkari ta neeti îrî ngere îriani îkagwata makûyû ma mîthemba yonthe.

MATHAYO 19:21

Yiesû amwîra, “Weegua nûkwenda gûtuîka ûmwagîru kûrû, îthi wendie bira bionthe ûrî na bio ûgaîre nkîa mbia ira bikauma, rîru ûûye ûnthingate. Ûkarûtha ûgu ûkeegua ûrî na ûtonga îgûrû.”

MATHAYO 19:27

Petûrû aûria Yiesû, “Î tiû naati tûtigîîte bionthe twakûthingata rî, gûgaakara ata?”

MATHAYO 19:29

Na muntû wonthe ûra atigîîte mûciî wake, kana aruagina, kana aaragina, kana îthe, kana gina, kana twana, kana mûnda n'ûntû bwakwa akoona wega maita îgana, na akoona mwoyo wa tene na tene.

MATHAYO 6:21

Ara ûtonga bwa muntû bûrî noogo nkoro yake îîgagua îrî.”

RUKA 14:33

Kwoogu gûtirî we wacienu aûmba gûtuîka mûrutwa wakwa, nwanga agatiganîria bionthe bira arî na bio.”

NJOANA 6:35

Yiesû abeera, “I niû mûgaate wa mwoyo. Ûra aayaga kîrî niû atiîgagua yûûra kaîrî, rî kana rî. Aambîtîgia atiîgagua bûûta kaîrî rî kana rî.

AROOMA 15:4

Bunthe bûra bwandîkirwe wo karaaya Maandîkooni Maatheru bwandîkirwe bûtûrutana. Maandîko Maatheru i mo matweyaga wîrîgîîro kuumania na kûûmîîria na wîru bûra matwîkagîra.

AKOROSAI 2:3

Mantû marî gîtûmi monthe ma ûûme na ma ûmenyo marî kîrî Kîrîstû.

AKOROSAI 3:16

Kiugo gîa Kîrîstû ikîbûûyûre nkorooni cienu. Tûmagîraani ûûme bunthe bwîrutanage na bweyanage ûkûrû bwingwa. Inagaani cabuurî, nyîmbo cia Ngai, na nyîmbo cia gîîkîrundu bûgîcookagîria Ngai nkaatho nkorooni cienu.

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.

KÛGWÛRÎRWA 3:18

Ndîkûroria ûgûre kuuma kîrî niû into bibi—thaabu îkembeetue na mwanki kaingo ûtonga, nguo înjerû wîkîre kaingo witha ûtheri bwaku antû batiga kûbuona, na ndawa wîkîre meetho kaingo ûûmba kwona.