MATHAYO 13:23 - Kîrîîkanîro Kîîyerû

²³ Na mbeû îra yagwîre mûthetuuni ûmûnoru i ngerekano ya antû bara beegagua kiugo kîa Ngai bagagîciûra bakamenya bûra gîkuuga. I bo bareetaga maciaro maita îgana, bangî mîrongo îthanthatû, na bamwe mîrongo îthatû.”

MATHAYO 13:23 ပူးပေါင်းရင်းမြစ်များ

MATHAYO 12:33

“Mûtî ûrî ûmwega ûciaraga matunda meega na mûtî ûrî ûmûthûûku ûciaraga maciaro maathûûku.

MATHAYO 13:8

Îndî kûrî ingî ciagwîre mûthetuuni ûmûnoru, ciauma, ciakûra bwega na ciaumana mûno. Imwe ciaciarana maita îgana, ira ingî mîrongo îthanthatû, na imwe mîrongo îthatû.”

MATHAYO 3:10

Kathoka karî akubî gûkûûra mîtî na mîri mîene. Na mûtî unthe ûra ûtaciaraga rûciaro rwega ûgaakûûrwa ûgerwe mwankiini.

MATHAYO 3:8

Rûthagaani mantû mara makoonanagia atî na mma bûkwîrira meeyia meenu.

MAARIKO 10:15

Na mma ga nkûbwîra, ûra atakîthûkia ûnene bwa Ngai na wîtîgio ta bwa kaana kaniini atithûngîra ku.”

MAARIKO 4:20

Mbeû îra yagwîre mûthetuuni ûmwega, i ngerekano ya antû bara beegagua kiugo kîa Ngai bagagîîtîgîîria bakoonania maciaro ma kîo, bamwe mîrongo îthatû, bangî mîrongo îthanthatû na na bangî îgana.”

RUKA 13:9

Ûkaaya gûciara matunda, mwanka ûyu ûngî ûkare. Îndî ûkarega gûciara amwe na ûgu, rîru i rîo ûkauga ûrîîkwe!’ ”

RUKA 8:15

Na mbeû îra yagwîre mûthetuuni ûmûnoru i ngerekano ya antû bara beegagua kiugo kîa Ngai, bagakîthûkia na wendo na ûmma bakoonania maciara baûmîîrîîtie.”

RUKA 8:8

Îndî kûrî ira cio ciagwîre mûthetuuni ûmûnoru. Ciauma, ciakûra bwega na ciaumana mûno. Wakîra îmwe yaciaraga mpîndî îgana rîmwe.” Yiesû aarîîkia na kuuga na inya, “Ûra arî na matû neegue.”

NJOANA 15:16

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

NJOANA 8:47

Ûra we arî wa Ngai neegagua bûra Ngai akuuga. Îndî biû n'ûntû bûtirî ba Ngai, i ntûma bûteendaga kwîgua bûra akuuga.”

NGÛGÎ 16:14

Ûmwe wao eetagwa Rîndia, wa kuuma gûntû gweetagwa Thiatira. Aarî mûbiacaara wa gîtambaa kîa rangi ya ûkûyû. Na aarî mwekûrû aarombaga Ngai. Paûrû agîtûmagîîria, Mwathani aarugûra nkoro yake eetîgîra ntûmwa ya Paûrû.

NGÛGÎ 17:11

Antû ba Berea ibaarî beega nkûrûki ya ba Thesaronike. Beetîgîra kiugo na wîru mûno. Baathoomaga *Maandîko Maatheru kîra ntugû bagîcûa kwona kana wabu bûra Paûrû na Sairas baabeeraga n'ûmma.

2 AKORINTHO 9:10

Ngai ûra eeyaga mwandi mbeû na akaa antû irio bia kûrîa agaatûma mbeû îra abwete yuma maketha maingî mûno ma wagîru bwenu.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

APIRIPI 4:17

Na ntikuuga ûgu n'ûntû bwa kwenda bûntûmagîra biewa. Ga nkwenda bûthaarimwa n'ûntû bwa bûra bûndûthîrîte.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

AKOROSAI 1:6

Ntheto înu îmbega bwatûmîîrue nîtambîîte nthîgûrû yonthe, yagarûra mîoyo ya antû gûntû kunthe ta bûra yabûgarûrire bûkûmîîgua rîa mbere, bwamenya ûmma bwa ûtugi bwa Ngai.

1 ATHESARONIKE 4:1

Îîndî, aruayia na aarayia, itûkûbûûria tûkîbûkinyagîîria kwa riîtwa rîa Mwathani Yiesû, ta bûra twabûrutanire, îthiini na mbere gûtûûra mûtûûrîre ûra ûkenagia Ngai. Tûûragaani ûgu rîonthe.

2 ATHESARONIKE 2:10

Agaatûmîra mîthemba yonthe ya ûthûûku kweneeria bara baûrîîte. Na bara akeeneeria ibakaathirua n'ûntû bwa kûrega kwenda kana gwîtîgîîria ûmma bûra bûkîûmba kûboonokia.

AIBIRANIA 4:2

Tûtûmîîrîîtue ntheto îno mbega atî Ngai natûthuuranîrîte kînogoko, ta bûra yatûmîîrue kîrî bara Musa aatongoreerie bauma Miisiri. Îndî gûtirî bu yabateethia na bu n'ûntû bataamîtîgîra barî na wîtîgio.

AIBIRANIA 6:7

Antû bamwe bakari ta gûntû kûra kuuraga mbura mûno. Arîmi ba gûntû ta gûku ibeegagua barî na irio mûno. I gûntû kûthaarimagwa mûno i Ngai.

AIBIRANIA 8:10

Kîrîîkanîro kîra nkaarîîkanîra na antû ba Isiraeri ntugû ciiyîîte, Mwathani ariuga, ûkeegua gîkari ûûgû, ngeekîra maathana maakwa mathûgaanioni maao, na mmaandîke nkorooni ciao. Ûkeegua ndî Ngai wao, na bakeegua barî antû baakwa.

2 PETÛRÛ 3:18

Îthiini na mbere kwongeerwa ûtugi na kûmenya Mwathani Mwonokia wetû, Yiesû Kîrîstû. Arookumua îîndî mwanka tene na tene. Aameni.

1 NJOANA 5:20

Itwiyî Mwana wa Ngai naayire na atwa ûmenyo, kaingo tûûmba kûmenya Ngai wa mma. Tûkaraga ndeni ya Ngai wa mma na ndeni ya Mwana wake Yiesû Kîrîstû. Ûyu n'we Ngai wa mma na n'we mweyani wa mwoyo wa tene na tene.