MATHAYO 13:21 - Kîrîîkanîro Kîîyerû

²¹ Na n'ûntû batiîgagua beebînjîrîte barika bwega, batikarangaga. Mathîîna mabagwata kana baanyamaarua n'ûntû bwa wîtîgio bwao bacookaga waara akûrû nthûti îmwe.

MATHAYO 13:21 ပူးပေါင်းရင်းမြစ်များ

MATHAYO 10:22

Bûkaamenwa n'antû bonthe n'ûntû bwakwa. Îndî ûra ûkaûmîîria mwanka mûthia akoonokua.

MATHAYO 11:6

Kîthaarimo i kîrî ûra aambîtîgîîtie atarî na nkanja.”

MATHAYO 13:20

Mbeû îra yagwîre njaraani cia maiga i ngerekano ya antû bara beegagua kiugo kîa Ngai bagagîîtîgia na mpwî bakeneete.

MATHAYO 13:57

Yiesû abeera, “Kîroria i gîîtîîye, îndî kûra kiumîîte na antû ba mûciî wao batigîtîîyaga.”

MATHAYO 13:6

Mwathû ûkwara ciauma n'ûntû iteebînjîrîte bwega.

MATHAYO 24:13

Îndî ûra akaûmîîria mwanka mûthia akoonokua.

MATHAYO 26:31

Yiesû abeera, “Ûtugû bûbû bwa îmunthî, biû bwinthe bûkaathi bûntige ninka n'ûntû kwandîkîîtwe *Maandîkooni Maatheru, ‘Nkaaringa mûrîîthi mmûûrage, ng'ondu inyagaaranie.’

MATHAYO 26:33

Petûrû amwîra, “Wana weegua baba bangî bonthe bagagûtiga bathi, niû ntiithi ngûtiga.”

MAARIKO 4:17

îndî ûtiîgagua barikîîtie wîtîgio bwega. Beetîgagia kagiita gaakai. Boona thîîna kana baatua kûnyamaarua n'ûntû bwa gwîtîgia kiugo bacookaga waara akûrû nthûti îmwe.

RUKA 8:13

Mbeû îra yagwîre njaraani cia maiga i ngerekano ya antû bara beegagua kiugo kîa Ngai bagagîîtîgia bakeneete, îndî ûtiîgagua beerikîîtie bwega wîtîgioni. Beetîgagia kagiita gaakai, baayîîrwa i magerio, bagacooka waara akûrû.

NJOANA 6:26

Yiesû abeera, “Na mma ga nkûbwîra, bûtigûncûa n'ûntû bwa biama, îndî bûrîncûa n'ûntû bwa mîgaate îra bûrarîîre bwabaa.

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

AGARATIA 6:12

Antû bara bakwenda kûbûkinyîîria bûtaanwa i bara beendaga kwonwa barî beega meethooni ma antû. Na gîtûmi kîra gîgûtûma barûtha ûgu i kîmwe akî. Na kîo i kaingo batanyamaarua n'ûntû bwa mûtharaba wa Kîrîstû.

AGARATIA 6:15

Gûtaanwa kana kûrega gûtaanwa t'ûntû. Bûra bûrî gîtûmi i kûgarûka na gûtuîka kîûmbe kîîyerû.

AEBEESO 3:17

Inkûromba Kîrîstû atûûrage nkorooni cienu n'ûntû bwa wîtîgio bwenu. Inkûbûrombera bwîrikia wendooni na bwakîka rwaraani rwa wendo,

APIRIPI 1:6

Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

2 TIMOTHEO 1:15

Wata bûra wiyî, eetîgîri ba nthîgûrû ya Îcia bonthe, kinya Baigîîras na Amogenes beene ibantoorookire.

2 TIMOTHEO 4:10

Ndemas neendire mantû ma nthîgûrû îno na kûthi aathi bwa Thesaronike, aantiga. Kîresikes aathiire bwa Garatia na Tito n'we aathiire bwa Ndaramatia.

NJAKUBU 3:2

Twinthe itûbîtagia na njîra inyingî mûno. Ûkaaya kwîgua kûrî we atabîtagia na mîgambo îra aaragia, ûyu i mwîtîgîri ûmûgima. We nwa aûmbe kwatha mwîrî wake unthe.

1 PETÛRÛ 1:5

Bûmenyagîîrwa n'inya ya Ngai gûkûrûkîîra kîrî wîtîgio bwenu mwanka rîra bûkeewa wonokio bûra akûbûthuuranîra akaabwonia bu îgiita rîa mûthia.

KÛGWÛRÎRWA 2:13

Imbiyî bûra ara ûtûîre gûkari. Ara ûtûîre noogo Saitaani yandîîte nkunyû, îndî woû wîtîgio bwaku bûrî kîrî niû. Kinya îgiita rîra Antipas, mûkûûyî wakwa wa mma aûragîîrwe naagu, agu Saitaani îtûûraga, ûtankaana.