MATHAYO 13:11 - Kîrîîkanîro Kîîyerû

¹¹ Yiesû abeera, “Biû ibwetwe ûûme bwa kûmenya witho bwa ûnene bwa îgûrû, îndî bo batietwe bu.

MATHAYO 13:11 ပူးပေါင်းရင်းမြစ်များ

MATHAYO 13:10

Arutwa baake baathi kîrî we bamûûria, “I kî n'ûntû waragîria antû ûgîtûmagîra ngerekano?”

MATHAYO 16:17

Yiesû amûcookeria amwîra, “Woû ûrî ûmûthaarime, Simioni mwana wa Njona, n'ûntû ti muntû akûgwûrîrîte mantû mama. I Baaba ûra arî îgûrû akûgwûrîrîte mo.

MATHAYO 19:11

Yiesû abeera, “T'antû bonthe baûmba gûciûra mantû mamu, tatiga bara Ngai eete gûciûkîrwa kwa mo,

MATHAYO 20:23

Yiesû abeera, “Gîkombe kîra nkaanyua bûgakînyua, îndî ti niû mbagîrîtwe nthuura mbuga i ngania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Baaba ataarîîte.”

MAARIKO 10:40

Îndî ti niû mbagîrîtwe nthuura mbuga i ng'ania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Ngai ataarîîte.”

MAARIKO 4:11

Yiesû abeera, “Biû ibwetwe ûûme bwa kûmenya witho bwa ûnene bwa Ngai. Îndî kîrîndî kîra kîngî kîo nwanga ngakîîra mantû monthe na ngerekano,

RUKA 8:10

Yiesû abacookeria abeera, “Biû ibwetwe ûûme bwa kûmenya witho bwa ûnene bwa Ngai. Îndî kîrîndî kîra kîngî kîo nwanga ngakîarîria na ngerekano, kaingo ‘Bagaacûûbaga, îndî bationa, na beegua bataciûre.’ ”

NJOANA 6:65

Yiesû aathi na mbere na kûbeera, “Na i ntûma mbwîrire gûtirî muntû aaya kîrî niû tatiga Baaba amûnenkanîrîte.”

NJOANA 7:17

Muntû ûra arî na wendo bwa kûrûtha bûra Ngai eendaga, akaamenya weegua ndîrutana ûrutani kuuma kîrî Ngai, kana i mantû maakwa na bwakwa.

NGÛGÎ 16:14

Ûmwe wao eetagwa Rîndia, wa kuuma gûntû gweetagwa Thiatira. Aarî mûbiacaara wa gîtambaa kîa rangi ya ûkûyû. Na aarî mwekûrû aarombaga Ngai. Paûrû agîtûmagîîria, Mwathani aarugûra nkoro yake eetîgîra ntûmwa ya Paûrû.

AROOMA 11:25

Ndîenda, aruayia na aarayia, bûmenya kîriga kîra kîrî oogo, n'ûntû kûmenya gûkabûteetheeria bûtikeethûkie taka bûrî na gîtûmi mûno. Kîriga kîra kîrî oogo i kwîgua baingî ba Aisiraeri ibaûmîîtue biongo. Na kûûma biongo kwao gûkaathira rîra bara Ngai athuurîîte batarî Ayaundi bageetîgia Kîrîstû na ûtari bwao bûra bûkwendekana bwagana.

AROOMA 16:25

Tûkumagieni Ngai. Ngai arî na inya ya gûtûma bûrika wîtîgioni kwa inya ya ntheto îmbega. N'yo ntûmwa îra yugîîte mantû ma Yiesû Kîrîstû, îra yatûîre yithîîtwe îrî kîriga kwa îgiita rîîraaya mûno.

1 AKORINTHO 13:2

Kana ûkeegua ndî na kîewa kîa ûroria ûkeegua imbiyî iriga bionthe na ndî na ûmenyo bunthe, kana ndî na wîtîgio bûûmba gûtûma kîrîma gîkûûka, ntarî na wendo, ndî wa mana.

1 AKORINTHO 15:51

Ka mbwîreeni kîriga kîra kîrî oogo. Tûtiikua twinthe, i tûkaagarûrwa twinthe.

1 AKORINTHO 2:14

Muntû wa kîînthîgûrû atiûmba kûgwata mantû ma Kîrundu wa Ngai. Kîrî we oonaga marî waa. Aticiûkîrwa amenya bûra makuuga n'ûntû mathûkagua i ma mma i Kîrundu.

1 AKORINTHO 2:7

Ûûme bûra twaragia bûkoneetie kîriga kîra Ngai atwoneetie. Mbere ya nthîgûrû yûmbwa Ngai naabangîîte na ûûme wabûbu gûtûreeta mwagooni, îndî abwitha mwanka îîndî.

1 AKORINTHO 4:1

Kwoogu antû babatîîrue batwonaga tûrî aruti ngûgî ba Kîrîstû bara twetwe ngûgî ya kûrutana iriga bia Ngai.

1 AKORINTHO 4:7

Mûkûûraani waku na bara bangî i mbi? I mbi ûrî îtarî ya kwewa? Na weegua nwetwe rî, aabu gîtûmi gîaku gîa gwîkumia taka ûtarî mwe i kîbi?

AEBEESO 1:18

Marombaani maakwa mbûûragia Ngai abûkunûre mathûgaania meenu kaingo bûmenya wîrîgîîro bûra Ngai aabwîtîîre na bûmenya bûra mwago wa rûgai rûra akaa antû baake ûgana.

AEBEESO 1:9

Kûringana na mûbango wa wendi bwake ndeni ya Kîrîstû, Ngai natûmenyithîîtie kîriga kîra eekîîre oogo kuuma wo tene.

AEBEESO 5:32

Gîku i kîriga kîînene kîra niû mbonaga gîkari ta Kîrîstû na kanica.

AEBEESO 6:19

Ndombagîraani Ngai ampe mîgambo ya kûmenyithania kîriga kîa ntheto îmbega ndî na ûcamba.

AKOROSAI 2:2

Ndûthaga ûgu kaingo mbwîkîra wîru bwinthe na kaingo bûgwatithanua i wendo. Ndîenda bûciûkîrwa kûrû, bûmenya kîriga kîa Ngai kîra gîkoneetie Kîrîstû.

1 TIMOTHEO 3:16

Na gûtarî kîûria, kîriga kîra tûgwûrîrîtwe gûkonia kîîngai i gîa kûrigaria. “Oonekanire arî na mwîrî ta wa muntû na Kîrundu Ûmûtheru oonania mara aaragia na mara aarûthaga maarî ma mma. Araîka ibaamwonaga. Na athingati baake baatûmîîria mantû maake kîrî antû ba mîgongo yonthe na eetîgua n'antû ba nthîgûrû yonthe. Aathûkua, eetithua îgûrû mwagooni.”

1 TIMOTHEO 3:9

Nwa mwanka beegue barî antû barûmîîrîîte wîtîgio bûra twagwûrîîrwe, batakwîgambithia na nkoro.

NJAKUBU 1:5

Ûra wacienu akaaga ûûme bwa kuuma kîrî Ngai, narombe Ngai amwe. Na Ngai akamwaa n'ûntû eeyaga antû bonthe na wingî atakûnung'una.

1 NJOANA 2:20

Îndî biû ibwiyî mantû monthe n'ûntû ibwîtûûrîrîtue Kîrundu Ûmûtheru.

1 NJOANA 2:27

Îndî biû bûrî na Kîrundu Ûmûtheru ûra bwetûûrîîrue. Kwoogu bûtikwenda muntû ûngî wa kûbûrutana. Kîrundu Ûmûtheru abûrutanaga mantû monthe na mara monthe abûrutanaga i ma mma, ti ma ûrongo. Kwoogu thingatagaani bûra abûrutanaga. Na karagaani ndeni ya Kîrîstû.