MATHAYO 12:31 - Kîrîîkanîro Kîîyerû

³¹ “Na ka mbwîreeni, antû bakaarekerwa meeyia monthe na mantû maathûûku monthe mara baaria îgûrû rîa Ngai. Îndî ûra akaaria mantû maathûûku îgûrû rîa Kîrundu Ûmûtheru atiirekerwa.

MATHAYO 12:31 ပူးပေါင်းရင်းမြစ်များ

RUKA 12:10

Muntû wonthe ûra agaacambia Mwana wa Muntû, akaarekerwa. Îndî ûra akaaria mantû maathûûku îgûrû rîa Kîrundu Ûmûtheru atiirekerwa.

NGÛGÎ 7:51

“Biû bûûmîîtie biongo mûno. Nkoro cienu ciûyûri wîrirîîria na bûûrîrîtie matû mûno. Bûtuatîîtie biûyûûyû bienu, bûkararagia Kîrundu Ûmûtheru rîonthe.

AIBIRANIA 10:26

Tûgatua kwîyagia tûkîmenyaga, twiyî ûmma, gûtirî kîgongwana gîa kûthiria meeyia kaîrî.

AIBIRANIA 10:29

Î bara bamenagîîria Mwana wa Ngai? Bara bathûkagia nthakame ya kîrîîkanîro kîîyerû taka îtarî ntheru, bara barumangaga Kîrundu wa ûtugi? Antû baba bakeewa îkaanûkia rîînene nkûrûki.

AIBIRANIA 6:4

Gûtiûmbîka bara mbereeni baiyî ûmma bacooka kwîrira kaîrî. Bo baroona werû, baracama mantû meega ma îgûrû, na bareewa kîewa gîa Kîrundu Ûmûtheru. Baracama beegua bûra kiugo kîa Ngai kîbuîte bûgana, na baramenya bûra nthîgûrû îra îngî njerû, îra îkeegua îrî oogo, bûra îkeegua îrî na inya îgana. Îndî bakaaya kûrekana na mantû mamu, gûtiûmbîka bacooka kwîrira kaîrî. I ta kwamba Mwana wa Ngai kaîrî na kûmwira îgi antûûni.

1 NJOANA 1:9

Îndî tûkaaya kuumbûra meeyia meetû kîrî Ngai, we i mwîtîgua na wa ûmma. Agatûrekera na atûthambie maûthûûku monthe.

1 NJOANA 5:16

Muntû akaaya kwona mwîtîgîri ûra ûngî akîrûtha wîyia bûtaûmba kûreeta gîkuû, namûrombere Ngai ûra akamwaa mwoyo. Kûrî wîyia bûûmba kûreeta gîkuû. Ntikuuga bûrombe n'ûntû bwa wîyia ta bûbû.