MATHAYO 12:18 - Kîrîîkanîro Kîîyerû

¹⁸ “Ûyû i mûruti ngûgî wakwa ûra nthuurîîte, ûra mbendeete, na nankenagia. Nkamwîkîra Kîrundu wakwa, na agaatûmîîria antû batarî Ayaundi, abamenyithie mantû ma kûgiitîrwa îgamba.

MATHAYO 12:18 ပူးပေါင်းရင်းမြစ်များ

MATHAYO 12:17

Ntheto ira ciariirue i kîroria Isaaya ciaûyûra, rîra augire,

MATHAYO 17:5

Petûrû akîaragia woogu, îtu rîîyerû rîaya rîabakunîka. Beegua kayû kauma ku kauga, “Ûyû i Mwana wakwa na immwendeete mûno. Nankenagia mûno, mûthikagîîrieni!”

MAARIKO 1:11

Kayû kauma îgûrû kauga, “Woû ûrî Mwana wakwa ûra mbendeete mûno. Nûnkenagia mûno.”

MAARIKO 9:7

Îtu rîaya rîabakunîka. Kayû kauma gûku îtuuni kauga, “Ûyû i Mwana wakwa na immwendeete mûno. Mûthikagîîrieni.”

RUKA 23:35

Kîrîndî kîarûngama kîîthaîra mantû. Atongoria ba Ayaundi baanyûrûnta Yiesû bauga, “Naroonokagia bara bangî. Taneebonokie ingî weegua n'we Kîrîstû ûra athuurîîtwe i Ngai.”

RUKA 3:22

Kîrundu Ûmûtheru amwîndamîîra akari ta îcea. Kayû kauma îgûrû kauga, “Woû ûrî Mwana wakwa ûra mbendeete. Nûnkenagia mûno.”

RUKA 4:18

“Kîrundu wa Mwathani arî amwe naani, n'ûntû naanthuurîîte ntûmîîria ntheto îmbega kîrî bara barî na ûkîa. Aantûmire mbîîra agwate ibaathaûre, na mbîîra ntûngi igaatua kwona, nthaûra bara bakûnyamaarua.

RUKA 9:35

Beegua kayû kauma îtuuni rîru kauga, “Ûyû n'we Mwana wakwa ûra nthuurîîte. Mûthikagîîrieni!”

NJOANA 3:34

Ûra Ngai atûmîîte aaragia mîgambo ya Ngai, n'ûntû Ngai namweyaga Kîrundu wake wa kûgana.

NGÛGÎ 10:38

Ibwiyî bûra Ngai eetûûrîrie Yiesû wa Nasareethi maguta na njîra ya Kîrundu Ûmûtheru na amûûyûria inya. Na n'ûntû Ngai naarî amwe n'we, Yiesû aathi gûntû na gûntû akîrûthaga mantû meega na akîoragia bara baathîînagua i Nkoma.

NGÛGÎ 11:18

Bara bataagwatanagîra na Petûrû bakwîgua mantû mamu baatiga. Baakumia Ngai bauga, “Kwoogu Ngai neete antû batarî Ayaundi kaanya kinya bo beerira kaingo batûûra mwoyo?”

NGÛGÎ 14:27

Bagûkinya agu Antiokia, beeta antû ba kanica amwe. Babeera mantû mara Ngai aarûthîîte gûkûrûkîîra kîrî bo, na bûra eere antû batarî Ayaundi kaanya ga gwîtîgia.

AEBEESO 1:6

Kwoogu îîndî ga tûkumagieni Ngai n'ûntû bwa gûtwaa kîewa gîa ûtugi, kîra aatûnenkeere kîa ûtheri gûkûrûkîîra kîrî Mwana wake ûra eendeete.

AKOROSAI 1:1

I niû Paûrû nkûbwandîkîra tûrî na mûruayia wetû Timotheo. Ntuîkithîîtue mûtûmwa wa Kîrîstû Yiesû wata bûra kwarî kwenda kwa Ngai.

AKOROSAI 1:13

Naatûrutire inyaani ya ûra aathanaga mwinduuni atwira ûneneeni bwa Mwana wake ûra eendeete mûno.

1 PETÛRÛ 2:4

Ncûûni kîrî Yiesû Kîrîstû. We n'iiga rîrî mwoyo rîra rîaregirwe n'antû bakîonaga rîtarî na gîtûmi. Îndî Ngai aarîtaarire rîrî rîa gîtûmi kîînene mûno.

2 PETÛRÛ 1:17

Ngai Îthe naamûtîîyire na oonania bûra arî mwago ûgana rîra kayû kaumire kîrî we, Ngai ûra arî mwago ûmûnene, kauga, “Ûyû i Mwana wakwa ûra mbendeete, nankenagia mûno.”