MATHAYO 12:14 - Kîrîîkanîro Kîîyerû

¹⁴ Abarisai bakuuma gûku sinagoogiini baabanga kûûraga Yiesû.

MATHAYO 12:14 ပူးပေါင်းရင်းမြစ်များ

MATHAYO 26:4

Baanjîîria gûcûa bûra Yiesû akîgwatwa na ûûme bakamûûragithia.

MATHAYO 27:1

Gûgûkea rûûni rûûkîîrî, *athînjîri bara banene ba Ngai bonthe na akûrû bonthe baakomana baabanga bûra bakaûragangithia Yiesû.

MAARIKO 14:1

Ciatigeere ntugû ciîrî *Pasaka îkinya. Pasaka yarî ntugû ya mbere ya *kîatho kîa mîgaate îtaimbithîîtue. *Athînjîri bara banene ba Ngai na aarimû ba watho ibaacûaga bûra Yiesû akîgwatwa na ûûme bakamûûragithia.

MAARIKO 3:6

Abarisai na antû ba kîama kîa Eronde bakwona ûgu bauma nja warîo. Baabanga mûbango wa kûûraga Yiesû.

RUKA 22:2

*Athînjîri bara banene ba Ngai na aarimû ba watho ibaacûaga bûra bakîûragithia Yiesû. Bateendaga antû bamenya n'ûntû ibaabakuthûkaga.

RUKA 6:11

Abarisai na aarimû ba watho baathûûra mûno. Baanjîîria kwaranîria batua bûra bakaamûrûtha.

NJOANA 10:31

Antû baarûma maiga kaîrî bakîendaga kûmûringanga na mo bamûûraga.

NJOANA 10:39

Antû bagûcûûgia kûgwata Yiesû ta rîra rîngî, Yiesû aûra.

NJOANA 11:53

Kuuma ntugû înu, atongoria ba Ayaundi baabanga kûûraga Yiesû.

NJOANA 11:57

Athînjîri bara banene ba Ngai na *Abarisai ibaarutîîte watho bauga, muntû ûra akaamenya ara Yiesû aarî, nwa mwanka abamenyithie kaingo bamûgwata.

NJOANA 5:18

Mîgambo înu ya Yiesû yatûma Ayaundi bathi na mbere nkûrûki gûcûa njîra ya kûmûûraga, na mûno mûno, t'ûntû bwa kûrûtha bûra boonaga bûtaagîrîte kûrûthwa ntugû ya Sabatû, îndî n'ûntû bwa kuuga Ngai n'Îthe, na kuuga ûgu i kwîganaania eeganaanagia na Ngai.

NJOANA 7:30

Antû bamwe beenda kwîngana n'we bamûgwata, îndî gûtirî muntû aamûtonga n'ûntû kagiita gataarî gagûkinya.

NJOANA 7:32

*Abarisai bakwîgua antû bakîmumunga Yiesû baagwatanîra na *athînjîri bara banene ba Ngai, baatûma akaria ba nyomba ya Ngai bathi kûmûgwata.

NJOANA 7:44

Kûrî bamwe beendaga kûmûgwata, îndî gûtirî muntû aamûtonga.

NJOANA 8:59

Yiesû akuuga ûgu baarûma maiga. Bakîenda kûmûgera mo Yiesû aûra, auma nyomba ya Ngai.