MATHAYO 11:21 - Kîrîîkanîro Kîîyerû

²¹ Auga, “Bûkoona thîîna, biû antû ba taûni ya Korosini! Na bûkoona thîîna, biû antû ba taûni ya Bethisainda! Ûkaaya kwîgua biama bira biaringirwe taûni cienu biaringirwe taûni ya Turo kana ya Sindoni antû ba taûni inu boona, wîgua bo beeririre, beekîra mathango wo tene, na muu beemincîria biongo kwonania kwîrira kwao.

MATHAYO 11:21 ပူးပေါင်းရင်းမြစ်များ

MATHAYO 11:22

Na ga nkûbwîra, ntugû ya îgamba antû ba Turo na Sindoni bakeegua barî kaaba kîrî biû.

MATHAYO 15:21

Yiesû na arutwa baake bakuuma agu baathi bwa Turo na Sindoni.

MATHAYO 18:7

Antû ba nthîgûrû bakoona thîîna n'ûntû bwa mantû mamu matûmaga antû beeyia! Mantû ta mamu matiûra, îndî ûra amareetaga akoona thîîna!

MATHAYO 26:24

Mwana wa Muntû agaakua wata bûra kwandîkîîtwe *Maandîkooni Maatheru. Îndî ûra akaamûkunyanîra, gîku na ti kînyamaara akoona. I kaaba atagîciarirwe!”

MAARIKO 3:8

Njerusaremu, Indumea, rûgongo rûra rûngî rwa muuro wa Njorondani, na akubî na taûni ya Turo na ya Sindoni. Antû babu baayîîte kîrî Yiesû n'ûntû bwa mantû mara beegîîtue arûthîîte.

MAARIKO 6:45

Nyuma ya ûgu, warîru Yiesû eera arutwa baake batwe îtarûûni baringanîrie bathiyage bantû eetagwa Bethisainda, we aatigwa akîîra kîrîndî kîînûke.

MAARIKO 7:24

Yiesû akuuma naagu aarî, aathi gûntû kwarî akubî na taûni cietagwa Turo na Sindoni. Agûkinya noogo aathûngîra nyomba. Ateenda muntû nwa ûmwe amenya ara aarî, îndî gûtaûmbîkana.

MAARIKO 7:31

Yiesû akuuma Turo aagendeera Sindoni, eendama aathi bwa îria rîa Gariiri, aathi gûntû gweetagwa Ndikaporis.

MAARIKO 8:22

Yiesû na arutwa baake baakinya taûni yeetagwa Bethisainda. Antû bamwe baareeta ntûngi. Baûria Yiesû aringithie muntû ûyu, amworie.

RUKA 4:26

Eriya ataatûmwa Isiraeri athi gûteethia nwa îmwe ya cio. Aatûmirwe kîrî ntigwa îngî ya gataûni geetagwa Carebaathi, akubî na taûni ya Sindoni.

RUKA 6:17

Yiesû na atûmwa baake bakûgûrûka bauma karîmaani gaku, baarûngama mwaranthî. Kîrîndî kingî kîa arutwa baake kîamwîthîranîra. Ikwarî kinya na antû bangî ba kuuma Njundea yonthe, Njerusaremu, na ba kuuma akubî na îria rîa Turo, na Sindoni.

RUKA 9:10

Atûmwa bara Yiesû aatûmîîte baacooka bamwîra mantû monthe mara baarûthîîte. Aathi na bo bonka bwa taûni yeetagwa Bethisainda.

NJOANA 1:44

Piripû aarî wa kuuma kûmwe na Enderea na Petûrû. Baarî ba kuuma taûni yeetagwa Bethisainda.

NJOANA 12:21

Baathi boona Piripû bamwîra, “Itûkwenda kwona Yiesû, aba.”

NGÛGÎ 12:20

Eronde aathûûra n'antû ba Turo na Sindoni. Kwoogu antû babu baabanga kûthi kûmwona. Îndî mbere, baamba baûria muntû eetagwa Burastas abateetheerie. Burastas aarî mûrûngamîîri wa kambî ya mûnene, Eronde. Bakûmwona, rîru baabanga kûthi gûcûa bagwatanîra na Eronde, n'ûntû nthîgûrû yao yeegwatagia kwona irio kuumania na nthîgûrû yake.

NGÛGÎ 27:3

Rûûni twakinya taûni ya Sindoni. Njurias eegua Paûrû kîao, amwaa rûûtha rwa kwona acoore baake kaingo eewa bira eegagua arî na ûbatu bwa bio.

NJUNDA 1:11

Irû! Antû baba bagendeete ara Kaini aagendire. Na n'ûntû bwa kwenda mbia, bathûngîrîte mabîtiani ta mara mongwa Mbaraamu eethûngîîrie. Kûrega kwathîka kwao i ta kûra kwarî na Koora, na bakaathirua ta bûra aathiriirue.

KÛGWÛRÎRWA 11:3

Na îgiitaani rîru nkaa akûûyî baakwa inya barî baîrî barorie ntugû ngiri îmwe na magana maîrî ma mîrongo îthanthatû (1,260), beekîrîte maguo matarî meega kwonania kîeba.”

KÛGWÛRÎRWA 6:12

Ndacooka ndoona Kagondu gakîrûmûra mûûra wa îthanthatû. Gakûrûmûra, nthîgûrû yainaina mûno. Riûa rîayirûa biri ta îkara, na mweri unthe watuunea tune ta nthakame.