MATHAYO 11:11 - Kîrîîkanîro Kîîyerû

¹¹ Na mma ga nkûbwîra, kîrî aana bonthe bara baaciarwa n'aka, gûtirî ûngî ooneka arî mûnene ta Njoana Mûbaatithania. Îndî kinya ûra oonekaga arî mûniini kîrî bara barî ba ûnene bwa îgûrû, n'ûmûnene nkûrûki yake.

MATHAYO 11:11 ပူးပေါင်းရင်းမြစ်များ

MATHAYO 11:10

N'we agweteetwe *Maandîkooni Maatheru akîîragwa, ‘Ga ngûkwîra, ngaatûma mûtûmwa wakwa mbere ya ûkinya akûrûthîre njîra.’

MATHAYO 11:12

Kuuma îgiita rîa Njoana Mûbaatithania mwanka îîndî, ûnene bwa îgûrû bûkûrûkagwa na taka. Na bara baûmîîru i bo bakûrûkaga ku.

MATHAYO 3:1

Îgiitaani rîru Njoana Mûbaatithania aathi rwanda rwa Njundea gûtûmîîria.

MATHAYO 3:11

Niû ndîbûbaatithia na rûûyî kwonania bûkwîrira meeyia meenu. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte wa kûmûkamatîra iraatû. We akaabûbaatithia na Kîrundu Ûmûtheru na mwanki.

MATHAYO 5:19

Kwoogu muntû ûra aunaga watho bûra bûniini na akarutana bara bangî kûrûtha ta we, agaatuîka ûmûniini ûneneeni bwa îgûrû. Îndî ûra aathîkagîra na akarutana bara bangî gûtuîka aathîki agaatuîka mûnene ûneneeni bwa îgûrû.

RUKA 1:15

Akeegua arî mûruti ngûgî ya Mwathani ûmûnene. Atikooro anyua ncoobi kana anyua gîntû gîa gûtogoonia. Akeegua aûyûrîîtwe i Kîrundu Ûmûtheru kuuma gûciarwa.

RUKA 7:28

Ga nkûbwîra, kîrî aana bonthe bara baaciarwa n'aka, gûtirî ûngî oonekana mûnene nkûrûki ya Njoana. Îndî kinya ûra oonekaga arî mûniini kîrî bara barî ba ûnene bwa Ngai, n'ûmûnene nkûrûki yake.”

RUKA 9:48

Abeera, “Ûra akenagîîra kaana ta gaka riîtwaani rîakwa, i niû akenagîîra. Na ûra ankenagîîra, n'ûra aantûmire akenagîîra. Ûra akeenyithia kîrî bonthe n'we agaatuîka mûnene.”

NJOANA 1:15

N'we Njoana aakûûyagîîra mantû maake rîra aatûmagîîria akiugaga, “Ûyû n'we ndaaragîîria rîra ndaugaga, ‘Ûra aayîîte nyuma yakwa n'we mûnene kîrî niû, n'ûntû we naarî oogo mbere yakwa.’ ”

NJOANA 1:27

N'we aayîîte nyuma yakwa, ûra niû ningwa ntaagîrîte nwa wa kûmûtharia rûrigi rwa kîraatû gîake.”

NJOANA 10:41

Antû baingî baathi kîrî we. Beeranaga, “Njoana ataaringa kîama, îndî bûra bunthe augaga îgûrû rîa Yiesû n'ûmma.”

NJOANA 3:30

Nwa mwanka we athi agîtuîkaga n'we arî gîtûmi, niû nthi ngîtuîkaga ntirî gîtûmi.”

NJOANA 5:35

Njoana aarî ta taa îra yaankanaga îkatharara. Na kûrî kagiita bwonaniirie ibwakeneere werû bwake.

NJOANA 7:39

Yiesû akiuga ûgu aaragîîria mantû ma Kîrundu wa Ngai ûra bara baamwîtîgîîtie baarî bakeewa. Îgiitaani rîru Kîrundu ataakinyîtie rîa kweyanwa, n'ûntû Yiesû ataarî agwîtia îgûrû.)

1 AKORINTHO 15:9

I niû mûniini kîrî atûmwa bara bangî. Ntiagîrîtwe wa gwîtwa mûtûmwa n'ûntû indanyamaaragia antû ba kanica ya Ngai.

1 AKORINTHO 6:4

I kî n'ûntû rîra bûrî na magamba makoneetie ûtûûro bûbû bwiragîra mo bara batarî watho bwa gîîkanica?

AEBEESO 2:3

Ûgu i bu tiû twinthe twatûûraga tûkari, tûkîathîkagîra mawîrirîîria ma mîîrî yetû. Twarûthaga bûra bunthe mîîrî yetû na mathûgaania meetû meeriragîîria. Na Ngai naathûûraga mûno i tiû ta bûra aathûûragua i bara bangî.

AEBEESO 3:8

Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

2 TIMOTHEO 1:10

Îîndî natwete ûtugi na njîra ya gûtûtûmîra Mwonokia wetû Kîrîstû Yiesû, ûra aayire aathiria gîkuû inya, oonania na ntheto îmbega njîra ya kûthi mwoyooni wa tene na tene.

AIBIRANIA 11:40

Ngai naabangîîte mûbango ûngî ûmwega nkûrûki n'ûntû bwetû. Aabangîîte atiingia mûbango wake wa kûbatuîkithua baatheru cwe tûtarî oogo.

1 PETÛRÛ 1:10

Tene iroria ibiaroriirie mantû ma wonokio bûra Ngai akaabwaa na ûtugi bûra akaabwonia, mantû birî bio biacûaga kûmenya na njîra cionthe.