MATHAYO 10:42 - Kîrîîkanîro Kîîyerû

⁴² Na mma ga nkûbwîra, ûra agaakundia nwa rûûyî rûûtheri ûmwe wa athingati baba baakwa baniini n'ûntû bwa bûra barî athingati baakwa, i mma atiaga kîewa.”

MATHAYO 10:42 ပူးပေါင်းရင်းမြစ်များ

MATHAYO 18:10

“Menyeeraani bûtikaabûthie nwa ûmwe wa baba baniini, n'ûntû ga nkûbwîra, rîonthe araîka baao iboonanaga na Baaba ûra arî îgûrû. [

MATHAYO 18:14

Ûgu i ta bu Baaba ûra arî îgûrû ateendaga kaana nwa kamwe ga tûtû tûniini kaûra.”

MATHAYO 25:40

“Mûnene akaabeera, ‘Na mma ga nkûbwîra, ûntû bunthe bwarûthîra wakîra ûmwe wa antû baakwa bara beegagua bakîenda ûteethio i ta niû bwarûthagîra.’

RUKA 17:2

Muntû ta ûyu i kaaba akoogeerwa iiga rîa kûthia nkingo akagerwa îriani bantû atûma nwa ûmwe wa baba baniini beeyia.

RUKA 6:35

Endagaani anthû beenu na barûthagîreeni bwega. Koobithanagiani bûtakwîrîgîîra kûrîgwa, na kîewa kîenu ûkeegua kîrî kîînene. Bûgaatuîka aana ba ûra arî îgûrû mûno. We n'ûmwega kîrî bara batarî nkaatho na bara bathûûku.

2 AKORINTHO 8:12

Ûkeeyana ûrî na wendi, Ngai ageetîgîra kûringana na bira ûrî na bio, ti bira ûtarî na bio.

AIBIRANIA 6:10

Ngai agiitaga magamba bûra kwagîrîte. Atiiriganîrua i bûra bûmûrutîrîte ngûgî bûgana, bwonania wendo bwenu kîrî we na gûteethagia antû baake, wata ûgu bûthiîte na mbere kûrûtha.