MATHAYO 10:3 - Kîrîîkanîro Kîîyerû

³ Piripû, Bathoromayo, Tooma, Mathayo ûra aarî mûrûngithia ûgooti, Njakubu wa Arubayo, Thandayo,

MATHAYO 10:3 ပူးပေါင်းရင်းမြစ်များ

MATHAYO 18:17

Akaaya kûrega kwîgua antû babu wana bo, îra kanica. Aarega kwîgua kanica n'yo, ûyu nookamûthûkia bûmwe na mûregi kana mûrûngithia ûgooti.”

MATHAYO 27:56

Bamwe baao baarî Maria Mûmagindari, Maria gina wa Njakubu na Njosebu, na mwekûrû wa Cabendi.

MATHAYO 9:9

Yiesû athiîte woogu oona muntû eetagwa Mathayo akari nthî ara aakaraga akîrûngithagia ûgooti. Yiesû amwîra, “Nthingata!” Mathayo aûkîîra amûthingata.

MAARIKO 15:40

Ikwarî na eekûrû beebûmbîîte gataaria bakîonaga bûra gwakarîkaga. Bamwe baao baarî Maria Mûmagindari, Saroome, na Maria gina wa Njakubu ûra mûniini na Njastas.

MAARIKO 2:14

Akuuma agu, Yiesû oona muntû eetagwa Raawî akîrûngithagia ûgooti, akari nthî ara aakaraga. Îthe eetagwa Arubayo. Yiesû amwîra, “Nthingata!” Raawî aûkîîra amûthingata.

MAARIKO 3:18

Enderea, Piripû, Bathoromayo, Mathayo, Tooma, Njakubu wa Arubayo, Thandayo, Simioni Mûkaanani,

RUKA 18:10

“Antû baîrî ibaathiire nyomba ya Ngai kûromba. Ûmwe aarî *Mûbarisai na ûra ûngî aarî mûrûngithia ûgooti.

RUKA 18:11

Mûbarisai akûrûngama, aaromba na wîkumia auga, ‘Ingûgûcookeria nkaatho Ngai n'ûntû niû ntirî mwîyia ta antû bara bangî, kana ta mûrûngithia ûgooti ûûra! Niû ntienagîîria antû nthûkia into biao, ntiîyagia na ntithûngagîîra.

RUKA 18:13

“Mûrûngithia ûgooti we aarûngama gataaria mma, na ataaraitha îgûrû akîromba. Aaringaringire kîbara gîake na kîîthikîîro auga, ‘Ngai mbîgua kîao ndî mwîyia!’

RUKA 19:2

Ikwarî na muntû aarî oogo eetagwa Cakayo. Aarî mûnene wa arûngithia ûgooti na aarî gîtonga.

RUKA 5:27

Nyuma yoogu Yiesû aumagarûka. Athiîte oona muntû eetagwa Raawî akari nthî ara aakaraga, akîrûngithagia ûgooti. Amwîra, “Nthingata!”

NJOANA 1:48

Nathanieri amûûria, “N'ata wamenyanga?” Yiesû amwîra, “Wana kinya mbere ya Piripû agwîta, ingûkwene ûkari nthî ara ûgûkari rungu rwa mûkûyû.”

NJOANA 11:16

Tooma (ûra kaîrî eetagwa Ndindimas), eera arutwa bara bangî, “Tûthiini na tiû tûkaûraganîrue amwe n'we.”

NJOANA 14:22

Njundas (îndî ti Njundas Mûcikariota), aûria Yiesû, “Mwathani, i kî n'ûntû ûkeebonania kîrî tiû na ti kîrî antû bonthe?”

NJOANA 14:5

Tooma, ûmwe wa arutwa baake, amwîra, “N'ata tûûmba kûmenya njîra na tûtiiyî naara ûthiîte, Mwathani?”

NJOANA 14:9

Yiesû amwîra, “Piripû, kuuma îgiita rîru rîonthe ndakarania naabi, ûtiyî ndî ûû? Muntû arambona aroona Baaba. N'ata îîndî ûkuuganga mbwonie Baaba?

NGÛGÎ 1:13

Bagûkinya, baatwa ngoroba baathi nyomba yao kûra baakaraga. Atûmwa babu baarî—Petûrû, Njoana, Njakubu, Enderea, Piripû, Tooma, Bathoromayo, Mathayo, Njakubu wa Arubayo, Simioni (ûra kaîrî eetagwa Mûciroti) na Njundas wa Njakubu.

NGÛGÎ 12:17

Petûrû aboonia na njara bakire. Abeera bûra Mwathani amûruta nceera, na abeera beere Njakubu na eetîgîri bara bangî mantû mamu. Auma aathi gûntû kûngî.

NGÛGÎ 15:13

Paûrû na Baranaba bakûrîîkia kwaria, Njakubu aarûngama auga, “Aruayia, nthikîîriani.

NGÛGÎ 21:18

Rûûni twathiyania na Paûrû kûriûngîra Njakubu. Twethîra kinya akûrû ba kanica bonthe oogo.

AGARATIA 1:19

Na ntugû înu ndarî Njerusaremu i Petûrû na Njakubu mûruagina wa Mwathani twonanire na bo bonka. Tûtoonana na atûmwa bara bangî.

AGARATIA 2:9

Na wana Njakubu, Petûrû na Njoana bara boonagwa barî atongoria ba kanica batûkeethia tûrî na Baranaba îrî njîra ya kwonania ngwatanîro, bakwona wabu Ngai nampete ngûgî înu ya mwanya. Twacooka twagwatanîra twauga bo ibarute ngûgî kîrî Ayaundi, naani tûrî na Baranaba tûtûmîîrie antû ba nthîgûrû ira ingî.

NJAKUBU 1:1

I niû Njakubu mûruti ngûgî wa Ngai na Mwathani Yiesû Kîrîstû nkûbwandîkîra. Inkûbûkeethia biû mîîrîga îkûmi na îîrî bûnyageere gûntû na gûntû.

NJUNDA 1:1

I niû Njunda mûruti ngûgî wa Yiesû Kîrîstû, mûruagina wa Njakubu nkûbwandîkîra. Ndîbwandîkîra biû bara Ngai Baaba eetîîte, biû eendeete, bara bûrî ûkariani bwa Yiesû Kîrîstû.