MATHAYO 10:27 - Kîrîîkanîro Kîîyerû

²⁷ Mara nkaabwîra kûrî ûtugû, îraani antû mo kûrî mûthenya. Na mara nkaabwîra na kîoye, bûtwe mîtîîni kûra îgûrû buugîîrie antû beegue.

MATHAYO 10:27 ပူးပေါင်းရင်းမြစ်များ

MATHAYO 24:17

Ûra akeegua arî rûûgûrû rwa nyomba, eendama atikaagerie kûthara nwa mbi.

RUKA 12:3

Kwoogu mara bwaugire kûrî ûtugû nwa makeeguîgwa kûrî mûthenya. Na mara bwariirie na kîoye bwîbithîîte nwa makaugîîrua antû bonthe beegue.”

RUKA 8:10

Yiesû abacookeria abeera, “Biû ibwetwe ûûme bwa kûmenya witho bwa ûnene bwa Ngai. Îndî kîrîndî kîra kîngî kîo nwanga ngakîarîria na ngerekano, kaingo ‘Bagaacûûbaga, îndî bationa, na beegua bataciûre.’ ”

NJOANA 16:1

Yiesû aathi na mbere na kwaria na arutwa baake. Abeera, “Ndabwîra mantû mamu kaingo bûtataratara wîtîgioni.

NJOANA 16:13

Îndî rîra Kîrundu ûra oonanagia ûmma akaaya, agaatûma bûmenya ûmma bunthe. Kîrundu atiaragia mantû maake na bwake, arî we. Mara akeegagua nwa mo monka akaabwîraga. Na akabwîra mantû mara magaatuîkîka îgiita rîkaaya.

NJOANA 16:25

“Ndarabwîraga mantû mama ngîtûmagîra ngerekano. Îndî kagiita kaayîîte ntibwîra mo ngîtûmagîra ngerekano. Nkaabumbûragîra mantû ma Baaba ntakûbwitha.

NJOANA 16:29

Arutwa ba Yiesû bamwîra, “Îîndî n'îîndî waria ûkiumbûraga cwe, ûtagûtûmîra ngerekano.

NGÛGÎ 17:17

Aathiyaga *sinagoogiini akaaranîria na Ayaundi na bara bataarî Ayaundi, bara baarombaga Ngai. Na thokooni naathiyaga kîra ntugû akaaranîria na bara eethagîra.

NGÛGÎ 5:20

“Îthiini nyomba ya Ngai bûtûmîîrie antû bûbeere mantû monthe ma mwoyo ûmûyerû.”

NGÛGÎ 5:28

“Anga tûtaabûkaaniirie twabwîra bûtikaarutane antû mantû ma muntû ûyû? Teeneeni îîndî bûra bûûyûrîîtie ûrutani bwenu Njerusaremu yonthe. Ka bûkwenda nthakame yake îtûcookera?”

2 AKORINTHO 3:12

Kwoogu, n'ûntû tûrî na wîrîgîîro bûbu, tûrî na ûcamba bûûnene mûno.