MATHAYO 10:16 - Kîrîîkanîro Kîîyerû

¹⁶ Yiesû eera arûtwa baake, “Ndabûtûma bûrî ta ng'ondu gûntû kûrî ncûûgi. Kwoogu karagaani bwîmenyeereete bûrî na ûûme ta kayûgû na ûkiri ta îcea.

MATHAYO 10:16 ပူးပေါင်းရင်းမြစ်များ

MATHAYO 24:25

Îndî biû îmenyeereeni. Nkûbwîra mantû monthe mbere ya makarîka.

MATHAYO 24:45

Yiesû aathi na mbere na kwaria. Auga, “N'ûû îîndî mûruti ngûgî mwîtîgua na ûmûûme, ûra mwene mûciî aûmba gûtigîra mûciî rîra atarî ku akarûmia bara bangî irio thaa cia kûrîa ciakinya?

MATHAYO 25:2

Bataano kîrî bo baarî baataku îndî babu bangî bataano baarî baûme.

MATHAYO 25:4

Babu baûme baakama maguta marî ntandîkaani na mangî na cûûba.

MATHAYO 25:9

“Bara baarî na mo babeera, ‘Arî! Tûkabûgaûrîra matitûgana na tiû. Îthiini kîrî bara beendagia bûgûre meenu.’

RUKA 10:3

Na bûthi bûkîmenyaga ndabûtûma bûkari ta ng'ondu irî gûntû kûrî ncûgi.

RUKA 21:15

Îgiita rîakinya, i niû nkaabwaa ûûme mbwîre bûra bûkauga, bûra anthû beenu batakîûmba kûrega kana bakararia.

NGÛGÎ 20:29

Imbiyî ndathi antû baathûûku ta ncûgi ing'etu bakaaya beethûngîrie gîkundiini kîenu babûthûûkie batarî na kîao.

1 AKORINTHO 14:20

Aruayia na aarayia, bûtigaakare ta twana mathûgaaniani meenu. Karagaani ta twana kîrî mantû maathûûku, îndî mathûgaaniani meenu bûbatîîrue bwîgua bûkari ta antû agima.

2 AKORINTHO 1:12

Nkorooni cietû itwîgagua tûtirî na mabîtia. Nwa tuuge tûkeneete mantû mara tûrûthaga gûkû nthîgûrû, na mûno mûno kîrî biû, twarûthire mo tûtarî na ûntû bûûthûûku, tûrî na mathûgaanio meega mbere ya Ngai. Tûûmbîîte kûrûtha mantû mamu monthe n'ûntû bwa ûtugi bwa Ngai, t'ûntû bwa ûûme bûra antû barî.

2 AKORINTHO 11:14

Îndî tûtikwona bûbu ta ûntû. Wana Saitaani nwa eerûthe agakara ta mûraika wa werû.

2 AKORINTHO 11:3

Îndî kîmako gîakwa n'atî meeciiria meenu maûmba kûbîtithua njîra bûgatiga kwathîkîra Kîrîstû ta bûra bûmwathîkagîra bûrî baatheru na bwîrutîîte. Bûkarûtha ûgu bûkara ta Awa ûra eeneerue na ûûme i njoka.

2 AKORINTHO 8:20

Tûtikwenda kwîgua kûrî na ûntû bwa kûnung'unîra îgûrû rîa ûteethio bûbû bwa mbia inyingî bûra tûgûtûmîra antû ba Ngai ba Njundea.

APIRIPI 2:15

kaingo bûtuîka aana ba Ngai baatheru batarî na mabîtia. Bûtûûraga na antû batarûthaga bûra kwagîrîte, antû ba meeyia. Werû bwa mûkarîre wenu ûbathararagîra ta bûra werû bûthararaga mwinduuni.

AKOROSAI 1:9

N'ûntû bwa ûgu, tûkwîgua mantû meenu wana tiû itûbûrombagîra rîonthe. Tûrombaga Ngai atûme bûmenye bunthe bûra eendaga. Na itûmûûragia abwe ûûme bunthe na atûme bûmenye mantû ma gîîkîrundu.

AKOROSAI 4:5

Karagaani na ûûme rîra bûrî amwe na bara batarî eetîgîri. Na tûmagîraani îgiita rîenu bwega.

1 ATHESARONIKE 2:10

Biû bwingwa n'akûûyî na Ngai i mûkûûyî twarî baatheru, baagîru, na tûtaarî na mantû naabi, eetîgîri.

1 ATHESARONIKE 5:22

Îbathûraneeni na ûthûûku bwa mîthemba yonthe.