MATHAYO 10:15 - Kîrîîkanîro Kîîyerû

¹⁵ Na mma ga nkûbwîra, rîra ntugû ya îgamba îgaakinya antû ba taûni cia Sondomu na Ngomoora ûkeegua barî kaaba nkûrûki ya antû ba taûni ta înu.”

MATHAYO 10:15 ပူးပေါင်းရင်းမြစ်များ

MATHAYO 12:36

Îndî ka mbwîreeni, kiugo kîonthe gîtaagîrîte kîra antû baaragia bagaatarîrwa kîo ntugû ya kûgiitîrwa îgamba.

MATHAYO 5:18

Na mma ga nkûbwîra, mûthiro wa îgûrû na nthîgûrû ûtakinyîîte, gûtirî gatemwa nwa kamwe kana gacuncî nwa kaniini ka watho gakaûra mwanka mantû monthe maingîke.

MATHAYO 7:22

Ntugû înu i baingî bakaambîta, ‘Mwathani, Mwathani, tûtaaroragia kwa riîtwa rîaku na tûkeengatia irundu biithûûku kwa inya ya riîtwa rîaku na tûkaringa biama biingî kwa riîtwa rîaku?’

MAARIKO 6:11

Îndî bûkaaya kûthi taûni nna bûkarega kûgwatwa ûgeni, kana antû bakarega kûbûthikîîria, bûkiuma ku bûtige bwabaturaturîra tîîri ya mbayo cienu rûrî rwano rwa kûboonia bûtirî ngwatanîro na bo.”

NJOANA 12:48

Muntû ûra andegaga akaregana na mîgambo yakwa, arî na ûra akaamûgiitîra îgamba. Na mîgambo îra mbaragia n'yo îgaatûmîka ntugû ya mûthia kûmûgiitîra îgamba.

NJOANA 6:39

Na kwenda kwa ûra aantûmire na ku, i ntigaate bara ampete, îndî i mbariûkie bonthe ntugû ya mûthia.

NJOANA 6:40

I kwenda kwa ûra aantûmire atî, muntû wonthe ûra akoonana na Mwana na amwîtîgie oone mwoyo wa tene na tene, na naani nkamûriûkia ntugû ya mûthia.”

NGÛGÎ 17:31

n'ûntû kûrî ntugû îra abangîîte kûgiitîra antû îgamba gûkûrûkîîra kîrî muntû ûmwe ûra aathuurire agîtûmagîra wagîru. Na noonanîîtie wabu i bu akaarûtha ûgu n'ûntû naariûkiirie muntû ûyu.”

1 AKORINTHO 3:13

Ntugû ya mûthia ûkeegua kûrî na kagiita ga kûgeria ngûgî ya woora muntû yonekane bûra îkari. Ngûgî ya woora muntû îgaakûrûkîîrua mwankiini, kaingo yonekana bûra îbuîte bûgana.

1 ATHESARONIKE 5:4

Îndî biû, aruayia na aarayia, tika bûkeethîîrua bûteerîgîîrîîte ta bûra mwamba aayaga ûtugû, n'ûntû biû bûtitûûraga mwinduuni.

AIBIRANIA 10:25

Tûtigaatigeeni kûrîîkanaga amwe ta bûra antû bamwe barûthaga. Ga twîkanagîreeni wîru, mûno mûno, îgiitaani rîra bûkwona ntugû ya kûûya gwa Kîrîstû îrî akubî gûkinya.

2 PETÛRÛ 2:6

Na kaîrî Ngai naathiriirie antû ba taûni cia Sondomu na Ngomoora rîra aibîîthiirie ciatuîka muu îrî ngerekano ya bûra akaarûtha bara batarûthaga mantû ma kîîngai.

2 PETÛRÛ 2:9

Ngerekano inu irîtwonia Mwathani naiyî kûruta mathîînaani bara barî mîkarîre ya kîîngai. Kaîrî irîtwonia akaraga agîkaanûkagia bara barûthaga mantû mataagîrîte mwanka rîra ntugû ya kûgiitîrwa îgamba îgaakinya.

2 PETÛRÛ 3:7

Na i kiugo kaîrî Ngai aatûmîîre auga nthîgûrû na îgûrû rîra rîrî oogo îîndî aîgîîte akaabîîthia na mwanki ntugû îra akaagiitîra antû îgamba na athirie bara baaregire kûmwathîkîra.

1 NJOANA 4:17

Wendo bûûyûragua ndeni yetû kaingo tûûmba kûrûngama tûtarî na ûguaya mûthenya wa kûgiitîrwa îgamba n'ûntû ûtûûro bwetû gûkû nthîgûrû bûkari ta bwa Kîrîstû.

NJUNDA 1:6

Na araîka bara baumire ara baabatîîrue beegua barî, beenda kwîbongeera wathani, Ngai aabaingîîre kûra kûrumeene mwindu. Bakaraga ku abathaîkîîte na nyoyoro itatuîkaga rî kana rî beeteereete ntugû îra nene ya îgamba.

NJUNDA 1:7

Kaîrî ririkanaani bwone bûra gwakarire Sondomu na Ngomoora na taûni ira ciarî akubî na cio, antû bagûtua kûrûtha mantû ma ûmaramari na mangî kinya mataûmba kûthûgaanîrîka. Mantû mamu baarûthire i mo maatûmire beewa îkaanûkia rîrî ngerekano kîrî bara bakaagiitîrwa îgamba bagerwe mwankiini wa tene na tene.