AROOMA 7:4 - Kîrîîkanîro Kîîyerû

⁴ Na wata ûgu, aruayia na aarayia, bûrî baakuû kîrî watho n'ûntû îîndî bûrî gîcuncî kîa mwîrî wa Kîrîstû. Îîndî bûrî ba muntû ûngî, ûra aariûkire auma kîrî bara bakuû, kaingo bûtûmîkîra Ngai na kûrûthaga mantû meega.

AROOMA 7:4 ပူးပေါင်းရင်းမြစ်များ

1 PETÛRÛ 2:24

Kîrîstû naathûkiirie meeyia meetû na mwîrî wake arî we rîra aakuire mûtharabaani kaingo tûkua kîrî meeyia, tûtûûra tûkîrûthaga mantû mara maagîrîte. Bworeetue kuumania na gûtonyangwa kûra Kîrîstû aatonyangirwe.

AROOMA 8:2

Watho bwa Kîrundu bûra bûtûmaga twîgua tûrî mwoyo n'ûntû tûrî ndeni ya Kîrîstû Yiesû ibûnthaûrîîte ndauma wathooni bûra bûreetaga wîyia na gîkuû.

AEBEESO 2:15

Kîrîstû naathiriirie watho bwa kîîyaundi na maathana ma bu, kaingo Ayaundi na bara batarî Ayaundi atûûmba ndeni yake tûtuîka muntû ûmwe ûmûyerû. Ûgu i bu aareetangire ûkiri kîrî twinthe.

AROOMA 7:6

Îndî îîndî itûthaûrîîtwe twauma wathooni n'ûntû i taka tûrî baakuû na tûtirî agwate ba watho kaîrî. Kwoogu tûtûmîkagîra Ngai na njîra îngî ya gîîkîrundu, ti na njîra îra nkûrû ya kûthingataga watho bûra bwandîke.

AGARATIA 5:18

Bûkaaya gwîtîgîîria gûtongoragua i Kîrundu bûticooka *wathooni kaîrî.

AKOROSAI 1:22

Îndî îîndî Ngai nabûtumîîte ûcoore gûkûrûkîîra kîrî gîkuû gîa Kîrîstû arî mwîrîîni wa kîîmuntû. Na Kîrîstû aarûthire ûgu kaingo abwira kîrî Ngai bûrî baatheru, bûtarî na mabîtia, na bûrî na riîtwa rîega.

AROOMA 6:22

Îndî îîndî ibûthaûrîîtwe bwauma inyaani ya meeyia bwatuîka nkombo cia Ngai. Îîndî bûrûthaga mantû mara mareetaga ûtheru na baita ya mo i mwoyo wa tene na tene.

AGARATIA 3:13

Îndî kinya ûkeegua watho ibwatûreeteere kîrumi, Kîrîstû naatûthambiirie kîrumi gîku rîra aarumirwe arî we bantû eetû. Maandîko marîtwîra ûûgû, “Muntû wonthe ûra acuuragua mûtîîni n'ûmûrume i Ngai.”

AROOMA 6:14

Îîndî bûtiathagwa i wîyia n'ûntû ibûtiganîîte na watho bwagarûkîra ûtugi.

AKOROSAI 2:14

Mawatho mara maandîke imaarûire naati matûgiitîra îgamba. Îndî na njîra ya kwambwa amwe na Kîrîstû mûtharabaani îgamba rîra twaandîkîrîtwe Ngai nabuutîîte rîo.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

KÛGWÛRÎRWA 19:7

Tûkeneeni mûno mûno na tûkumie Ngai, n'ûntû wiki bwa Kagondu bûgûkinya, na mwiki wake neethuuranîrîte.

AROOMA 6:2

Arî buru! Gûtirî ûntû ta bûbu! Anga ti taka tûrî baakuû kîrî meeyia. Kwoogu n'ata tûûmba gûcooka gûtûûra kîrî mo kaîrî?

AKOROSAI 2:20

Ibwakuyanîîrie na Kîrîstû abûtigithania na moorutani ma antû. N'ata îîndî kaîrî bûgûcooka kîrî maathana ma kîînthîgûrû mara maugaga,

AKOROSAI 1:6

Ntheto înu îmbega bwatûmîîrue nîtambîîte nthîgûrû yonthe, yagarûra mîoyo ya antû gûntû kunthe ta bûra yabûgarûrire bûkûmîîgua rîa mbere, bwamenya ûmma bwa ûtugi bwa Ngai.

APIRIPI 4:17

Na ntikuuga ûgu n'ûntû bwa kwenda bûntûmagîra biewa. Ga nkwenda bûthaarimwa n'ûntû bwa bûra bûndûthîrîte.

NJOANA 3:29

Mwiki eegagua arî wa mûgûrani, îndî mûbarûngamîîri, ûra ngûgî yake îrî kûrûngama na kûthikîîria, nakenaga mûno eegua bûra mûgûrani akuuga. Wata ûgu naani i kîo gîtûmîîte mbîgua nkeneete kûthiria.

MATHAYO 26:26

Wabakîrîyaga, Yiesû aathûkia mûgaate aacookeria Ngai nkaatho. Na nyuma ya gûcookeria Ngai nkaatho, aung'enyûrania aunenkera arutwa baake. Abeera, “Thûkiani mûgaate ûyû bûrîe n'ûntû ûyû i mwîrî wakwa.”

KÛGWÛRÎRWA 21:9

Ûmwe wa araîka bara mûgwanja, bara baarî na mbakûri ira mûgwanja ciaûyûri inyamaara bira mûgwanja bia mûthia, aaya aambîîra, “Ncû nkwonie mwiki, mwekûrû wa Kagondu.”

AIBIRANIA 10:10

N'ûntû Yiesû Kîrîstû naarûthire bûra Ngai eendaga arûtha, itûtuîkithîîtue baatheru i kwîruta kûra aarutire mwîrî wake rîmwe na rîa mûthia.

2 AKORINTHO 11:2

Inkûbwîgua rûriitho, îndî i rûriitho rwa kîîngai. Bûrî ta mwarî ataamaama na muntû mûrûme buru, mwarîîrîîtie agûrwa i muntû ûmwe, ta we Kîrîstû.

1 AKORINTHO 10:16

Rîra tûnyunyanagîra gîkombeeni kîra tûûragia Ngai athaarime, anga ti ngwatanîro ya nthakame ya Kîrîstû wîgagua tûrî n'yo? Na rîra tûrîyaga mûgaate ûra tûng'enyûranaga, anga ti ngwatanîro ya mwîrî wa Kîrîstû wîgagua tûrî n'yo?

NJOANA 15:8

Ibûtûmaga Baaba akumua bwaciara rûciaro rwingî na bwonanagia bûrî arutwa baakwa.

NJOANA 6:51

I niû mûgaate ûra ûrî na mwoyo, ûra waumire îgûrû. Muntû ûra akaurîa agaatûûra mwoyo tene na tene. Na mûgaate ûra nkeeyana n'ûntû bwa mîoyo ya kîrîndî kîa nthîgûrû, i nyama cia mwîrî wakwa.”

MAARIKO 4:20

Mbeû îra yagwîre mûthetuuni ûmwega, i ngerekano ya antû bara beegagua kiugo kîa Ngai bagagîîtîgîîria bakoonania maciaro ma kîo, bamwe mîrongo îthatû, bangî mîrongo îthanthatû na na bangî îgana.”

AROOMA 6:11

Wana biû îthûkieni bûrî baakuû kîrî wîyia na îthûkieni bûrî mwoyo kîrî Ngai ndeni ya Kîrîstû Yiesû.

AROOMA 7:3

Îndî mûka akeenenkanîra kîrî muntû ûngî na mwene arî mwoyo, mûka ûyu atuîkaga i mûthûngîîri. Îndî mwene agakua, mûka ûyu nathaûragwa i watho. Rîru wana akagûrwa i muntû ûngî atiîgua arî mûthûngîîri.