APIRIPI 4:8 - Kîrîîkanîro Kîîyerû

⁸ Nkîthiria, aruayia na aarayia, ka mbwîreeni ûûgû—thûgaanagîriani mantû ma mma, na mara meetîgîîrîkîîte, na mara maagîrîte, na mara matheru, na mara mathongi na mara marî îgweta. Thûgaanagîriani mantû mara meega, na mara maagîrîte gûkaathwa.

APIRIPI 4:8 ပူးပေါင်းရင်းမြစ်များ

MATHAYO 22:16

Baatûma arutwa baao na athingati ba Eronde baathi beera Yiesû, “Mwarimû, itwiyî ûrî mwîtîgua na ûrutanaga ûmma bwa Ngai. Ûtitindanagîra na mathûgaania ma antû n'ûntû ûtiendagîîra bamwe ûmena bara bangî.

MAARIKO 6:20

n'ûntû Eronde naakuthûkaga Njoana. Eronde naiyî Njoana aarî muntû ûmwagîru na ûmûtheru nkorooni. Kwoogu ateendaga aûragwa. Augîîte Njoana aingîrwe bantû gûku nceera. Na îgiita na îgiita Eronde neendaga kûthikîîria Njoana amwe na kwîgua mantû mara augaga neegagua makîmûtanga.

RUKA 16:15

Yiesû abeera, “Biû bwîtuîkithagia antû beega kaingo bwonwa n'antû, îndî Ngai naiyî mathûgaania meenu. Mantû mara antû boonaga marî meega, Ngai amoonaga marî maathûûku.

RUKA 2:25

Ikwarî na muntû aatûîre Njerusaremu eetagwa Simioni. Aarî muntû ûmwagîru na aakuthûkaga Ngai. Aakaraga eeteereete kwonokua gwa antû ba Isiraeri. Kîrundu Ûmûtheru naarî amwe n'we.

RUKA 23:50

Ikwarî na muntû eetagwa Njosebu wa kuuma gataûni ka Arimathea, gîteere kîa Njundea. Aarî muntû ûmwega na ûmwagîru.

NJOANA 7:18

Ûra aaragia mantû na bwake n'ûkumio eegagua agîîcûîra. Îndî ûra we acûagîra ûra amûtûmîîte ûkumio, ûyu i muntû wa mma na naagîrîte.

NGÛGÎ 10:22

Antû babu bamwîra, “Tûtûmîîtwe kîrî woû i Koronerias, mûtongoria wa mbûûtû ya ndûa. I muntû ûmwagîru akuthûkaga Ngai na atîîyîtwe n'Ayaundi bonthe. I mûraîka aramwîrire wîtwe ûthi gwake kaingo ûmwîra ntûmwa îra ûrî n'yo.”

NGÛGÎ 22:12

“Ndamasiki ikwarî na muntû eetagwa Anania. Aarombaga Ngai kûringana na watho na Ayaundi ba naagu bonthe ibaamûtîîyîîte.

NGÛGÎ 6:3

Kwoogu, aruayia na aarayia, thuuraani antû arûme mûgwanja kîrî biû, bara bûkûmenya ibaûyûrîîtwe i Kîrundu Ûmûtheru na barî na ûûme bwingî. Antû babu mûgwanja i bo tûkaa ngûgî înu.

AROOMA 13:13

Tûtûûrageeni bûra tûbatîîrue tûtûûra tûrî antû ba mûthenya. Tûtiagîrîtwe tûthiyaga biathooni birî na mantû maathûûku, kana tûtuîka atogooni. Tûtibatîîrue tûrûtha wîyia bwa ûmaramari nwa bûrîkû, kana tûthetania, kana twîgagua antû bara bangî rûriitho.

AROOMA 13:3

Anene batibatîîrue bakuthûkagwa i bara barûthaga mantû meega. Bara barûthaga mantû maathûûku i bo babakuthûkaga. Weegua wenda ûkara ûtakûbakuthûka, rûthaga mantû meega wone bagagûkumia.

AROOMA 14:18

Ûgatûmîkîra Ngai na njîra ta înu ûkamûkenia, na bara bangî bakoona bûra ûkûrûtha n'ûntû bwega.

AROOMA 2:29

Mûyaundi wa mma n'ûra ataanîîtwe nkoro yake. Rûtaano rwa mma i rwa gîîkîrundu, ti rûra rungwa. Ûra ataanîîtwe nkoro akumagua i Ngai îndî t'antû.

1 AKORINTHO 4:5

Kwoogu menya kûgîta muntû agiitîra ûra ûngî îgamba mbere ya Mwathani acooka. Mwathani akaathararia werû bûmûrîke mara monthe marûthagîrwa mwinduuni, oonanie mantû ma nkoro cia antû. Rîru Ngai ape muntû kîra kîmwagîrîte.

2 AKORINTHO 13:7

Itûkûromba Ngai bûtikaaye kûrûtha ûntû bûtaagîrîte. Na ti kaingo bwonania itwarutire ngûgî îmbega rîra twarî kwenu, îndî i kaingo bûrûtha bûra kwagîrîte wana weegua kûrîonekana tiû tûtigwîtîgîîrîka.

2 AKORINTHO 6:8

Kûrî batweyaga gîtîîyo na kûrî batûmenagîîria. Kûrî batûrumaga na kûrî batûkumagia. Na kûrî bo baugaga tûrî arongo, îndî twaragia ûmma.

2 AKORINTHO 8:18

Tûrîmûtûma barî na mûruayia ûngî akumagua mûno i makanica n'ûntû bwa ngûgî ya ntheto îmbega îra arutaga.

2 AKORINTHO 8:21

Itûgûcûûgia mûno bûra kûûmbîka tûrûthe bûra kwagîrîte kîrî Mwathani na kîrî antû.

AGARATIA 5:22

Îndî maciaro ma Kîrundu i wendo, nkena, ûkiri, kûûmîîria, kwîganagîîrua kîao, wega, wîtîgio,

AEBEESO 4:25

Kwoogu, bûtikaarie ûrongo. Îranagaani ûmma n'ûntû twinthe tûrî tûcuncî twa mwîrî ûmwe.

AEBEESO 5:9

Maciaro ma werû bûbû i mîthemba yonthe ya wega, wagîru na ûmma.

AEBEESO 6:14

Kwoogu îthuuranîreeni. Îbogeeni ûmma ta mûciibi kauna. Ogeeraani wagîru ta îthaga rîa kûrigîîria kîbara gîtigaatonywe.

APIRIPI 3:1

Na bûngî na bu, aruayia na aarayia, kenagaani n'ûntû bwa kwîgua bûrî ndeni ya Mwathani. Ntikwona îrî thîîna gwakwa kûbwandîkîra mantû ndabwandîkîîre kaîrî, n'ûntû i mantû marî na gîtûmi kîrî biû.

AKOROSAI 4:5

Karagaani na ûûme rîra bûrî amwe na bara batarî eetîgîri. Na tûmagîraani îgiita rîenu bwega.

1 ATHESARONIKE 4:12

Bûkarûtha ûgu bara bateetîgîîtie bakabûtîîya na bûtiîgwatia kwewa gîntû i muntû.

1 TIMOTHEO 2:2

Rombagîraani anene na antû bonthe bara barî na watho bwa kwathana, kaingo tûûmba gûtûûra ûtûûro bwa ûkiri na bwa thîîrî, tûrî na ûngai kûrû, na tûrî na nthoni imbega.

1 TIMOTHEO 3:11

Aka ba ateetheeria ba atongoria ba kanica, wana bo nwa mwanka beegue barî antû bathûgaanagia bwega. Nwa mwanka beegue batatuuyanagîîra. Na nwa mwanka beegue barî eekûrû baûmba gwîkaania kûrûtha mantû mataagîrîte. Na nwa mwanka beegue barî eetîgua mantûûni monthe.

1 TIMOTHEO 3:4

Nwa mwanka eegue arî muntû akûûmba kûmenyeera mûciî wake bwega, na akûûmba kûrutana aana baake bagatuîka aana aathîki, bagakaraga na nthoni imbega.

1 TIMOTHEO 4:12

Ûtikaareke muntû akûbûthia n'ûntû bwa wîthî bwaku. Îndî tuîka ngerekano îmbega kîrî bara bangî beetîgîîtie Ngai, boone kuumania na rwaria rwaku rûra waaragia, mûkarîre waku, wendo, wîtîgio na ûtheru bwaku bwa nkoro.

1 TIMOTHEO 5:10

na akîgwetanagîrua na mantû meega. Nwa mwanka eegue arereete aana baake bonthe bwega, na antû bonthe baaya mûciî wake akabagwataga ûgeni bwega bûra kwagîrîte. Nwa mwanka eegue atûûraga ateethagia bara barî na thîîna, na eerutîîte kûrûthaga mantû meega ma mîthemba yonthe.

1 TIMOTHEO 5:2

na eekûrû baakûrû ta banyûkwe. Na aana ba aarî bathûkagie ta aaranyûkwe ûtakwîrirîîria bo nwa aniini.

TITO 1:8

Mûtongoria wa kanica nwa mwanka eegue arî muntû wa nkoro ya kwenda kûgwataga antû ûgeni na wa kwendaga mantû meega. Nwa mwanka eegue arî muntû arî na ûtombo bûûkûrû. Nwa mwanka eegue arî muntû ûmwagîru na ûmûtheru nkoro. Na nwa mwanka eegue atarî muntû wa kwathagwa i mwîrî wake.

TITO 2:14

Kîrîstû eerutire n'ûntû bwetû atûkûûra kuuma meeyiani ma mîthemba yonthe, atûtheria twatuîka baake wenka, na atûtuîkithia antû barî na wendo bwa kwenda mantû meega.

TITO 2:2

Îraga akûrû beemenyagîîre, bathûgaanagie bwega na beegue barî ûûme. Nwa mwanka barikie wîtîgio, wendo, na kûûmîîria.

TITO 2:7

Tuîka ngerekano îmbega mantûûni monthe. Tuîka wa mma ûrutaniini bwaku na ûtigeekîre mathee.

TITO 3:14

Nwa mwanka antû beetû beerutane kwîruta kûrûthaga mantû meega kaingo baingia moobatu. Batibatîîrue bakaraga woogu mana.

AIBIRANIA 11:2

Wîtîgio bwa antû ba tene mûno, i bu bwatûmire Ngai akena i bo.

AIBIRANIA 13:18

Tûrombagîreeni. Tûrî na mma tûtikwîgambithia nkorooni n'ûntû twendaga kûrûtha bûra kwagîrîte magiita monthe.

NJAKUBU 1:27

Ndini îmbagîru na ya mma mbere ya Ngai Baaba n'îno: gûteethagia aana ba nkîa na ntigwa mathîînaani maao, na muntû akeemenyagîîra atigaakwe rûko i mantû ma nthîgûrû îno.

NJAKUBU 3:17

Îndî ûûme bwa kuuma kîrî Ngai i bûûtheru, ibwendeete ûkiri, ûbooreru, kûthikanagîîria na kûûyûrwa i kîao. Bûciaraga mantû meega, bûtirî kîmenyano na bûtiîtuîkithagia kîra muntû atarî.

1 PETÛRÛ 1:22

Na n'ûntû îîndî ibwîthereetie na njîra ya kwathîkîra ûmma, nwa bwende eetîgîri bara bangî na wendo bwa mma. Kwoogu endanagaani mûno na nkoro yonthe,

1 PETÛRÛ 2:12

Menyagîîraani mûkarîre wenu kîrî bara bateetîgîîtie Ngai. Baûmba kûbûtuîrîîra bakauga ibûrûthîîte mantû maathûûku. Îndî bakaaya kwona bûrûthaga mantû meega bagaakumia Ngai ntugû îra antû bonthe bakaagiitîrwa îgamba.

1 PETÛRÛ 4:8

Na nkûrûki ya mantû monthe îthiini na mbere kwendana mûno n'ûntû wendo ibûkunîkagîra meeyia maingî.

2 PETÛRÛ 3:1

Eendwa, îno n'yo baarûa yakwa ya ciîrî kûbwandîkîra. Na baarûani ino irî ciîrî ndîcûa kwona kana meeciiria meenu maatheru makaaririkana mantû mama.

1 NJOANA 3:18

Aana baakwa, twonanagieni wendo bwetû i bwa mma na mantû mara tûkaarûthaga, îndî ti na kwaria gunka.

1 NJOANA 3:3

Na muntû wonthe ûra arî na wîrîgîîro bûbû neetheragia n'ûntû we n'ûmûtheru.

1 NJOANA 4:1

Eendwa, bûtigeetîgagie irundu bionthe bira birî na antû. Ambagaani bûkabigeria bûkoona kana i bia Ngai, n'ûntû iroria biingî bia ûrongo ibiumîrîte nthîgûrû.