APIRIPI 4:5 - Kîrîîkanîro Kîîyerû

⁵ Îgaguani bûrî abooreeri kîrî antû bonthe. Na bûtikaariganîrueni Mwathani neengeerie kûûya.

APIRIPI 4:5 ပူးပေါင်းရင်းမြစ်များ

MATHAYO 6:25

Yiesû auga, “Ka mbwîreeni, bûtikeemakîre bûkîûragia i mbi bûkaarîa, i mbi bûkaanyua, kana i kû bûkaaruta nguo cia gwîkîra. Anga mwoyo t'uu ûrî gîtûmi nkûrûki ya irio na mwîrî na uu nkûrûki ya nguo?

MATHAYO 6:34

Kwoogu bûtikaamakîre mantû ma rûû. Rûû rûkeemakîra rungwa. Wantugû îrî na mathîîna ma yo ma kûgana.”

RUKA 21:34

Yiesû abeera, “Îmenyagîîreeni bûtikaagwatwe ûkombo i mîkarîre îtarî mîega, ntogoona, kana mantû ma nthîgûrû îno. N'ûntû bûkeethûngîria mantûûni ta mamu bûtiikara bwîthuuranîrîte. Ntugû îgaakinya

1 AKORINTHO 16:22

Ûkaaya kwîgua kûrî na muntû ateendeete Mwathani, ûyu n'ûmûrume i Ngai. Mwathani arooya na mpwî.

1 AKORINTHO 6:7

Rîra bamwe beenu bûkûthitanga bara bangî kootiini i bûgwîteera nkuma. Ti kaaba bûgakara bûbîtîrîtue woogu rîmwe? Kana bûgakara bweneetue woogu weegua i bweneetue rîmwe?

1 AKORINTHO 8:13

Kwoogu ûkaaya kwîgua irio bira ndîyaga bitûmaga mûruayia kana mwarayia ataratara wîtîgioni, ntibirîa kaîrî rî kana rî, kaingo ntatûma bataratara wîtîgioni.

1 AKORINTHO 9:25

Bara bonthe bacindanaga macindanooni mana, nwa mwanka baathîkîre mawatho. Na barûthaga ûgu kaingo beecindîra kîewa, na i kîewa gîtagîtûûra oogo. Îndî kîewa kîra tiû tûkeewa gîgaatûûra tene na tene.

2 AKORINTHO 10:1

Inkwenda mûno bûnthikîîria, ndî ningwa, Paûrû, nkîaria na ûbooreru ta bwa Kîrîstû na kîao ta gîake. Antû bamwe baugaga ntiaragia mbûmîîrîîtie rîra twonanîîte, mbaragia mbûmîîrîîtie twatigana.

2 ATHESARONIKE 2:2

Bûtigeetîgîîrie kwindiganua woogu kana bûmakua i bara bakuuga Kîrîstû naacookire. Na wana bweegua antû bakîroria bakiugaga batongoreetue i Kîrundu wa Ngai, kana bagîtûmîîria ûntû bûbu, kana bakîthooma baarûa bakiugaga yumîîte kîrî tiû, bûtikaabeetîgie.

TITO 3:2

Beere muntû atikaarie mantû maathûûku îgûrû rîa ûra ûngî. Ibatûûranie na ûkiri bakîîganagua kîao, na boonanagie kwînyithia kîrî woora muntû.

AIBIRANIA 10:25

Tûtigaatigeeni kûrîîkanaga amwe ta bûra antû bamwe barûthaga. Ga twîkanagîreeni wîru, mûno mûno, îgiitaani rîra bûkwona ntugû ya kûûya gwa Kîrîstû îrî akubî gûkinya.

AIBIRANIA 10:37

*Maandîko Maatheru maugîîte, “N'ûntû nyuma ya kagiita gaakai, ûra arî mûûyi nakûûya na atiithûkia îgiita.

1 PETÛRÛ 1:11

Biendaga kûmenya bûra wonokio bûkaayanga na rîra gûkeegua kûrî. Kîrundu wa Kîrîstû ûra aarî kîrî bio n'we aaragia mantû mamu, aaroria mantû ma kûnyamaarua gwa Kîrîstû na mwago ûra akeegua arî na uu nyuma ya kûnyamaarua.

1 PETÛRÛ 4:7

Mûthia wa mantû monthe ûkûthengeera. Kwoogu menyagîîraani meeciiria meenu. Karagaani bûkîthûgaanagia bwega kaingo bûûmba kûromba Ngai.

KÛGWÛRÎRWA 22:20

Ûra augîîte mantû mama, ariuga, “Wabu, imbengeerie kûûya nthûti.” Aameni. Ncû, Mwathani Yiesû!

KÛGWÛRÎRWA 22:7

“Mwathani ariuga, ‘Na mma ga nkûbwîra, imbengeerie kûûya! Kîthaarimo i kîrî ûra akeegua ûroria bûbû bûrî îbukuuni rîrî, aburikie nkorooni yake.’ ”