APIRIPI 4:3 - Kîrîîkanîro Kîîyerû

³ Woû tûrutaga ngûgî naawe, ingûkûûria ûteethie eekûrû babu, woû mwîtîgua. Itwarutîîte ngûgî ya gûtambia ntheto îmbega na bo na inya mûno tûrî na Kîrementi na bara bangî twarî na bo. Mariîtwa maao imaandîke îbukuuni rîa mwoyo.

APIRIPI 4:3 ပူးပေါင်းရင်းမြစ်များ

RUKA 10:20

Îndî bûtigaakeneeni i kwîgua irundu bithûûku ibikûbwathîkîra. Kenagaani n'ûntû mariîtwa meenu imaandîke îgûrû.”

AROOMA 12:1

Kwoogu, aruayia na aarayia, n'ûntû bwa kîao kîa Ngai, inkûbûûria bwînenkanîre kîrî Ngai bûrî igongwana bîri mwoyo. Mûtûûrîre wenu nwîgue ûrî mûtûûrîre ûmûtheru na ûkûmûkenia. Înu n'yo njîra ya kûmûtûmîkîra bûra kwagîrîte.

AROOMA 16:12

Nkeetheriani aruti ngûgî ba Mwathani—Tiribena na Tiribosa. Na nkeetheriani Pasis, immwendeete mûno. Narutîrîte Mwathani ngûgî mûno.

AROOMA 16:9

Nkeetheriani Ubanas. Tûrutagîra Kîrîstû n'we ngûgî. Na nkeetheriani mwendwa Stakus.

APIRIPI 1:12

Aruayia na aarayia, ndîenda bûmenya mantû monthe mara ndarûthîîrwe imaateethiirie ntheto îmbega yatamba.

APIRIPI 1:16

Na barûthaga ûgu na wendo, n'ûntû ibaiyî i Ngai ampete ngûgî ya kûrûîrîîra ntheto îmbega.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 1:5

n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 1:7

Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

APIRIPI 4:2

Ndeenda eekûrû babu baîrî, Euondia na Sintike beeganua n'ûntû i ba Mwathani.

AKOROSAI 1:7

Bwarutanirwe ntheto îmbega i mwendwa Epabaras, mûruti ngûgî wa Ngai amwe naati. Epabaras i mwîtîgua ngûgîîni ya Kîrîstû îra akûmûrutîra naaga bantû eenu.

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.

KÛGWÛRÎRWA 17:8

Nyamû îno nîarî mwoyo, îndî îtirî mwoyo îîndî. Îkaarîûka yume îrinyaani rîra rîorokeru mûno. Yariûka, bara batûîre nthîgûrû, bara mariîtwa maao mataandîkwa îbukuuni rîa mwoyo mbere ya kûûmbwa kwa nthîgûrû bakaarigara bamîona. Îndî îkaathirua.

KÛGWÛRÎRWA 20:12

Ndoona bara baakuite, baanene na baaniini, barûngi mbere ya gîtî gîku kîa ûnene. Mabuku maagwûrua na îbuku rîa mwoyo rîagwûrua. Bara baakuîte baagiitîrwa îgamba kûringana na mantû mara woora muntû aarûthîîte, mara maandîkîîtwe mabukuuni mamu.

KÛGWÛRÎRWA 20:15

Ûra riîtwa rîake rîtaandîkîîtwe îbukuuni rîa mwoyo aagerirwe îriani rîru rîa mwanki.

KÛGWÛRÎRWA 21:27

Ûra ateethereetie, kana ûra aarûthaga mantû mara matakenagia Ngai, kana ûra aaragia ûrongo atikîthûngîra gûku. Bara mariîtwa maao maandîkîîtwe îbukuuni rîa mwoyo, ta rîo îbuku rîa Kagondu, i bo bonka baathûngîîre gûku.

KÛGWÛRÎRWA 3:5

“Ûra akaûmbana ageekîra nguo înjerû ta bo. Riîtwa rîake rîgaakara îbukuuni rîa mwoyo na nkeera Baaba na araîka baake muntû ûyu n'wakwa.