APIRIPI 4:19 - Kîrîîkanîro Kîîyerû

¹⁹ Ngai ûra ntûmîkagîra akabwaa bionthe bira bûrî bata na bio. Arî ûtonga bwa kûrigaria ndeni ya Kîrîstû Yiesû.

APIRIPI 4:19 ပူးပေါင်းရင်းမြစ်များ

MATHAYO 6:32

Into ta bibu i bio antû ba nthîgûrû bacûaga. Abaagu ûra arî îgûrû naiyî bira bûrî bata na bio.

NJOANA 20:17

Yiesû amwîra, “Ndekia, tiga kûngwata n'ûntû ntikûrî ngwîtia kîrî Baaba. Îthi wîre arutwa baakwa imbîtîîtie kwa Baaba, Ngai wakwa ûra arî Abaagu na Ngai wenu.”

NJOANA 20:27

Eera Tooma, “Cûûba njara ciakwa na tonga marema na kîara gîaku. Tonga rwaru rwakwa na njara yaku. Tiga gûkararia, îtîgia.”

AROOMA 1:8

Mbere ingûcookeria Ngai nkaatho gûkûrûkîîra kîrî Yiesû Kîrîstû n'ûntû bwenu bwinthe. Eetîgîri nthîgûrû yonthe barîaria bûra bûrî na wîtîgio bûgana.

AROOMA 11:33

N'ata Ngai arî ithaarimo biingîîte bûgana! N'ata arî ûûme na ûmenyo bwingîîte bûgana! N'ûû wacietû aûmba kûmenya mîbango yake? Kana n'ûû wacietû aûmba kûmenya bûra arutangaga ngûgî?

AROOMA 2:4

Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

AROOMA 8:18

Ndî na mma t'ûntû wana weegua itûkûnyamaara îîndî. N'ûntû kûnyamaara gûkû gûtiganaanîka na mwago ûra tûkaagwûrîrwa.

AROOMA 9:23

Ngai eendaga bangî na bo bamenya bûra arî ûkumio bûgana. Na babu i bo Ngai eegagua kîao. Kuuma tene, babu bo Ngai aababangîîre bakeewa mwago.

2 AKORINTHO 12:21

Inkwîrîgîîra rîra nkaaya Ngai atikambooreerie ngwatwa i kîeba n'ûntû bwa baingî beenu bara beeyiirie na bateerira ûthûûku bwao, ûmaramari, na mantû ma îgi mara baarûthire.

2 AKORINTHO 4:17

Tûthîîna tûra tûrî na tu i tûniini, na i twa kagiita gaakai. I tûthîîna twa gûtûthuuranîra tûthi mwagooni wa tene na tene ûra tûtaganaania na tu n'ûntû ûkeegua ûrî mwago ûmûnene mûno.

AEBEESO 1:18

Marombaani maakwa mbûûragia Ngai abûkunûre mathûgaania meenu kaingo bûmenya wîrîgîîro bûra Ngai aabwîtîîre na bûmenya bûra mwago wa rûgai rûra akaa antû baake ûgana.

AEBEESO 1:7

Tûkûûrîîtwe i nthakame ya Kîrîstû. Na ûgu i kuuga tûrî baarekere meeyia meetû n'ûntû bwa ûtugi bûbû bûnene ûûgû.

AEBEESO 2:7

Ngai aarûthire ûgu kwonia nthuke cionthe ira ikaaroo ciiya bûra ûtugi bwake bwingîîte bûgana. Ûtugi bûbu bwonekanaga na mantû meega mara atûrûthîrîte gûkûrûkîîra kîrî Kîrîstû Yiesû.

AEBEESO 3:16

Inkûbûrombera Ngai ûra arî ûtonga bwa kûrigaria, abwîkîra inya nkorooni cienu gûkûrûkîîra kîrî Kîrundu wake ûra arî ndeni yenu.

AEBEESO 3:8

Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

APIRIPI 4:7

Bwarûtha ûgu bûkoona ûkiri kuuma kîrî Ngai, ûkiri bûra bûtamenyeka bûra bûgana na mathûgaania ma muntû. Na ûkiri bûbu bûkaamenyeera nkoro cienu na mathûgaania meenu ndeni ya Kîrîstû Yiesû.

AKOROSAI 1:27

Îndî Ngai neendire kûmenyithia antû bûra kîriga gîku kîrî ithaarimo birî mwago ûgana kîrî bara batarî Ayaundi. Na kîriga gîku i kwîgua Kîrîstû ûra bwîrîgîîrîîte kwîgua bûrî amwe n'we mwagooni wake, arî ndeni yenu.

AKOROSAI 3:16

Kiugo gîa Kîrîstû ikîbûûyûre nkorooni cienu. Tûmagîraani ûûme bunthe bwîrutanage na bweyanage ûkûrû bwingwa. Inagaani cabuurî, nyîmbo cia Ngai, na nyîmbo cia gîîkîrundu bûgîcookagîria Ngai nkaatho nkorooni cienu.

1 ATHESARONIKE 2:12

Twabwîkagîra wîru na tûkabûûmîîria tûkabwîra bwîgue bûrî ba mîkarîre ya gûtîîya Ngai ûra abwîtîîte ûneneeni bwake, ta ku mwagooni wake.

1 TIMOTHEO 6:17

Îkaania itonga bia into bia nthîgûrû îno ûbiîre bitigeekumie. Biîre bitikaige wîrîgîîro ûtongaani, n'ûntû tûtiîgwatia ûtonga. Wîrîgîîro bwa bio ibwîgue bûrî kîrî Ngai n'ûntû n'we atweyaga into bionthe na nkoro îmbega, kaingo tûbitûmîra bitûkenia.

PIREMONI 1:4

Rîra nkûririkanaga marombaani maakwa rîonthe incookagîria Ngai wakwa nkaatho

1 PETÛRÛ 5:1

Ndî na ûntû nkwenda kwîra akûrû beenu ba kanica. Niû ningwa ndî mûkûrû na ndî mûkûûyî wa kûnyamaarua kûra Kîrîstû aanyamaariirue. Nkeegua ndî ûmwe wa bara bakoonekana na mwago ûra ûkoonanua.

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.