APIRIPI 4:17 - Kîrîîkanîro Kîîyerû

¹⁷ Na ntikuuga ûgu n'ûntû bwa kwenda bûntûmagîra biewa. Ga nkwenda bûthaarimwa n'ûntû bwa bûra bûndûthîrîte.

APIRIPI 4:17 ပူးပေါင်းရင်းမြစ်များ

NJOANA 15:16

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

NJOANA 15:8

Ibûtûmaga Baaba akumua bwaciara rûciaro rwingî na bwonanagia bûrî arutwa baakwa.

AROOMA 15:28

Rîra nkoona nkûthiria ngûgî înu, na ntige nkwona bakûgwata mbia irî cionthe ira bootheretwe, rîru i rîo nkaayîîra naagu kwenu nkîbwona nthiîte bwa Spania.

2 AKORINTHO 11:16

Ka mbwîreeni kaîrî. Gûtikaagîte muntû aanthûkia ta kîaa. Îndî wana weegua bûrîmbona ta kîo, nthikîîriani tu wata bûra bûûmba kûthikîîria kîaa gîkîaria wana niû ndîîkumie bûûkai.

2 AKORINTHO 9:5

I ntûma ndaroonire i kaaba mbûrie aruayia baba baaye mbere ya tûûya, boone kîewa kîenu kîra bwaugire bûkeeyana kîrî oogo. Na kîewa kîenu i kîo gîkoonania bweyanîîte bwendeete, tika bûkinyîîrîîtue.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

APIRIPI 4:11

Na ntikuuga ûgu n'ûntû ndî na thîîna. Indeerutanire kûganîrwa i bira ndî na bio.

1 ATHESARONIKE 2:5

Gûtirî rîo twageria kûbûnaanûkîra. Na wana biû ibwiyî ûgu. Na gûtirî rîo twabweneeria tûkîenda bûtwaa mbia cienu, Ngai i mûkûûyî.

1 TIMOTHEO 3:3

Atikeegue arî muntû wa ntogoona, kana arî muntû aûmba kûringana. Neegue arî muntû ûmûbooreru na wa ûkiri. Atikeegue arî muntû wa kwenda ûtonga.

1 TIMOTHEO 6:10

Kwenda mbia mûno i ku kuumaga mantû maathûûku monthe. Antû bamwe bagîcûa mbia ibaumîîte wîtîgioni, beenogia nkoro na kîeba kiingî mûno.

TITO 1:7

Na n'ûntû mûtongoria wa kanica i mûrûngamîîri wa ngûgî ya Ngai, nwa mwanka eegue arî muntû arî na riîtwa rîega. Ti muntû wa kwîbûkagîîria kana wa kûthûûrangaga na mpwî. Atikeegue arî muntû wa ntogoona, kana arî muntû aûmba kûringana, kana wa kwîrirîîria ûtonga.

TITO 3:14

Nwa mwanka antû beetû beerutane kwîruta kûrûthaga mantû meega kaingo baingia moobatu. Batibatîîrue bakaraga woogu mana.

AIBIRANIA 6:10

Ngai agiitaga magamba bûra kwagîrîte. Atiiriganîrua i bûra bûmûrutîrîte ngûgî bûgana, bwonania wendo bwenu kîrî we na gûteethagia antû baake, wata ûgu bûthiîte na mbere kûrûtha.

1 PETÛRÛ 5:2

Ndîbûkinyîîria bûrîîthagie ng'ondu cia Ngai, nabwîtîgîîtie na cio. Ciraithîreeni na nkoro ya kwenda na t'ûntû na bûra bwagîrîtwe bûciraithîra. Rûthagaani ûgu n'ûntû ibûgûkeneera kûruta ngûgî înu îndî t'ûntû bwa ûtonga.

2 PETÛRÛ 2:15

Batithingatîîte njîra ya mma ibaûrîîte. Bathingatîîte njîra îra ya kîroria kîra kîa ûrongo, kîra gîetagwa Mbaraamu wa Biori. Kîroria gîku kîendire kûrûtha wîyia n'ûntû bwa kwenda mbia.

2 PETÛRÛ 2:3

Na n'ûntû bwa wîrirîîria bwao, aarimû babu bakabweneeria na ntheto itarî cia mma. Îndî Ngai nwa akwona bûra bakûrûtha na naabangire kûbatuîra îgamba wo tene. Na kwoogu kwînyangua ikûbeeteereete.

NJUNDA 1:11

Irû! Antû baba bagendeete ara Kaini aagendire. Na n'ûntû bwa kwenda mbia, bathûngîrîte mabîtiani ta mara mongwa Mbaraamu eethûngîîrie. Kûrega kwathîka kwao i ta kûra kwarî na Koora, na bakaathirua ta bûra aathiriirue.