APIRIPI 4:14 - Kîrîîkanîro Kîîyerû

¹⁴ Ibwarûthire bwega bwanteethia mathîînaani maakwa.

APIRIPI 4:14 ပူးပေါင်းရင်းမြစ်များ

MATHAYO 25:21

“Mûnene wake amwîra, ‘I bwega mûno, mûrutî ngûgî mwîtîgua! N'ûntû ûgûtuîka mwîtîgua na biikai, ngakwaa biingî. Ncû ûkeneere na woû ngîkeneera.’

AROOMA 15:27

Ibagûkeneera kûbateethia, na ûgu i bu babatîîrue barûtha. Na n'ûntû bara batarî Ayaundi wana bo barî na kîthaarimo gîa gîîkîrundu bûmwe na Ayaundi, ibabatîîrue kinya bo bateethania na into bira bathaarimîîtwe na bio.

AGARATIA 6:6

Muntû ûra akûrutanwa rûtheto rwa Ngai nabatîîrue arûmagia mûrutani wake ûra akûmûrutana into biega bionthe bira arî na bio.

APIRIPI 1:7

Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

APIRIPI 4:18

Îîndî ndî na bia kûgana na biakûrûkîîria! Ndî ûmûganîre mûno nkûrûki i biewa bira bwanenkeere Epabironditas aandeetera. Biewa bienu bikari ta kîgongwana kîrî mûcinko ûrî mûrîo, kîra Ngai eetîgîîrîîtie na gîkûmûkenia.

1 TIMOTHEO 6:18

Îra itonga birûthage mantû meega, bituîke itonga bia mantû meega. Bitigakûûne na ibiîgue birî na wîru bwa kwenda gûtûmagîra na antû bara bangî into bira birî na bio.

AIBIRANIA 10:33

Magiita mamwe ibwarumangagwa na bûkathîînua antû bakîonaga. Magiita mangî bûkeegua bara bangî kîao kûthîînuani kwao.

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.

AIBIRANIA 13:16

Bûtikaariganîrueni i kûrûtha mantû meega na teethanagiani na bira bûrî na bio, n'ûntû mantû ta mamu imakenagia Ngai, marî ta kîgongwana.

KÛGWÛRÎRWA 1:9

Niû Njoana ndî mûruanyûkwe. Wana niû innyamaaragua ta bûra bûnyamaaragua, imbîgagua ndî amwe naabi ûneneeni, na mbûmagîîria wata biû n'ûntû bwa Yiesû. N'ûntû bwa ntheto ya Ngai na gûkûûyîîra mantû ma Yiesû, i ntûma ndî gîcîgîîrioni kîa îria gîîtagwa Patimos.