APIRIPI 4:11 - Kîrîîkanîro Kîîyerû

¹¹ Na ntikuuga ûgu n'ûntû ndî na thîîna. Indeerutanire kûganîrwa i bira ndî na bio.

APIRIPI 4:11 ပူးပေါင်းရင်းမြစ်များ

RUKA 3:14

Acikaarî na bo baûria Njoana, “N'ata naati tûbatîîrue tûrûtha?” Njoana abeera, “Bûtigaatunye muntû into biake na inya kana bûmûthitangîra mana. Ganagîrwaani i mûcaara ûra bûgwataga.”

2 AKORINTHO 11:27

Ndutîîte ngûgî îrî na inya na îrî mînoga. Maita maingî ntaamaamaga. Ndareegua yûûra na ndareegua bûûta. Ndarakara ntakûrîa. Ndareegua mpîo na ndaraaga nguo.

2 AKORINTHO 6:10

Tûrî na kîeba, îndî rîonthe itûkenaga. Tûrî nkîa, îndî itûtûmîîte baingî baatonga wîtîgio. Gûtirî kîo tûrî, îndî ûmma n'atî bionthe i bietû.

2 AKORINTHO 8:9

Ibwiyî ûtugi bwa Mwathani wetû Yiesû Kîrîstû. Amwe na kwîgua aarî ûmûtongu eetuîkithiirie nkîa n'ûntû bwenu kaingo abûtongia na ûkîa bwake.

2 AKORINTHO 9:8

Ngai nwa abwongeere bigakûrûkîîria bira bûkwenda kaingo rîonthe bwîgagua bûrî na bionthe bira bûkwenda na bingî bia gûteethagia bara bangî.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

AIBIRANIA 10:34

Na ibweegagua kîao bara baarî nceera. Bwatunywa into bienu bwonaga ta ûntû bwa gûkeneera, n'ûntû ibwiyî bûrî na into biega nkûrûki bia gûtûûra tene na tene kûra îgûrû.