APIRIPI 4:1 - Kîrîîkanîro Kîîyerû

¹ Eendwa, aruayia na aaraayia, inkwenda twonana mûno. Ndîenda twonana n'ûntû ibûnkenagia mûno na indîîkumagîria biû. Eendwa, karagaani bwîrikîîtie wîtîgioni bwenu kîrî Mwathani.

APIRIPI 4:1 ပူးပေါင်းရင်းမြစ်များ

MATHAYO 10:22

Bûkaamenwa n'antû bonthe n'ûntû bwakwa. Îndî ûra ûkaûmîîria mwanka mûthia akoonokua.

NJOANA 8:31

Yiesû eera bara baamwîtîgagia, “Weegua bûgaakaraga bwîtîgîîtie ûrutani bwakwa, wabu bûrî arutwa baakwa.

NGÛGÎ 11:23

Agûkinya oona bûra Ngai aathaarimaga antû, aakena. Abeekîra wîru bonthe abeera bathi na mbere nkoro ciao kwîgua irî kîrî Mwathani, beerikîîtie.

NGÛGÎ 14:22

Na gûku kunthe baakûrûkagîîra beekîra eetîgîri wîru, babaûmîîria wîtîgio. Babarutana babeera, “Nwa mwanka tûnyamaare mûno tûkîîya gûkinya ûneneeni bwa Ngai.”

NGÛGÎ 2:42

Beeruta baamenya mantû kuumania na atûmwa, barî na ngwatanîro amwe, bakîrîyanagîra mûgaate na bakîrombaga.

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

1 AKORINTHO 15:58

Kwoogu, aruayia na aarayia, karagaani bwîrikîîtie na bûtikaareke kwîgua kûrî na ûntû bwenyenyia wîtîgio bwenu. Rîonthe rutagîraani Ngai ngûgî, n'ûntû ibwiyî ngûgî îra bûrutagîra Mwathani t'ya ûtheri.

1 AKORINTHO 16:13

Îkaragaani bwîmenyeereete. Karagaani bwîrikîîtie wîtîgioni bwenu, bûrî na kûûmîîria na bûrî na inya.

AGARATIA 5:1

Tûtirî ûkombooni kaîrî. Kîrîstû naatûkûûrire twauma ku. Kwoogu rûngamaani bwîrikîîtie. Na bûtigaacookere gîcooki gîa ûkombo kaîrî.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 1:8

Ngai naiyî n'ûmma nkwaria inkwenda kûbwona bwinthe n'ûntû imbwendeete na wendo bwa Kîrîstû Yiesû.

APIRIPI 2:16

Gwataani ntheto îra yeyaga antû mwoyo bûmiitie kaingo mbûkeneera ntugû îra Kîrîstû agaacooka. Bûbu i bu bûkoonania ngûgî îra ndutîîte kîrî biû t'ya mana.

APIRIPI 2:26

Ndîenda acooka kîrî biû n'ûntû nakwenda kûbwona mûno bwinthe. Arî na bata ya kwenda bûmwona n'ûntû naiyî ibûreegiirue bûra araayîîtue bûgana.

AKOROSAI 4:12

Epabaras, mûruti ngûgî wa Kîrîstû wa kuuma naagu kwenu, wana we akûbûkeethia. Rîonthe nabûrombagîra mûno akîûragia Ngai abûteethie bûtuîke agima wîtîgioni na bûmenye mantû monthe mara Ngai eendaga bûrûtha.

1 ATHESARONIKE 3:13

Inkûromba nkoro cienu ciîgue irikîîte, irî intheru, na itarî na mabîtia nwa aniini meethooni ma Ngai Baaba, rîra Mwathani wetû Yiesû Kîrîstû akaaya na atheru baake bonthe.

2 ATHESARONIKE 2:15

Kwoogu, aruayia na aarayia, rûngamaani bwîrikîîtie na bûthi na mbere kûgwata moorutani mara twabûrutanire na ntûmîîri na baarûa.

2 TIMOTHEO 2:1

Îndî woû, mwana wakwa, îgua ûûmîîrîîtie n'ûntû bwa ûtugi bûra bwonekaga kîrî Kîrîstû Yiesû.

AIBIRANIA 10:23

Tûthiini na mbere kwîgua tûrî na wîrîgîîro mûno bûra tuugaga itwîtîgîîtie tûtakwenyenya n'ûntû Ngai i mwîtîgua, na n'ûntû naingagia bûra augire.

AIBIRANIA 3:14

Tûrî na kîthaarimo kîmwe na Kîrîstû kuumania na mantû mara arûthîîte, waya kwîgua tûkaathi na mbere kwîgua tûrî na wîtîgio bûûriku mwanka mûthia.

AIBIRANIA 4:14

N'ûntû tûrî na mûthînjîri ûra mûnene mûno wa Ngai, ta we Yiesû Mwana wa Ngai, ûra aathiire îgûrû, tûbatîîrue tûrika wîtîgioni bûra twîtîgîîtie.

2 PETÛRÛ 3:17

Îndî biû, eendwa, n'ûntû ibûkaanîîtue mantû mama, îmenyeereeni bûtikaaye kûbîtithua i mabîtia ma antû batarî ba mîkarîre îmîega buuma mûrûngamooni wenu.