APIRIPI 3:8 - Kîrîîkanîro Kîîyerû

⁸ Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

APIRIPI 3:8 ပူးပေါင်းရင်းမြစ်များ

RUKA 1:43

Niû ndî ûû wa kûriûngîrwa i gina wa Mwathani wakwa?

RUKA 11:20

Îndî ûkeegua mbiîngatagia na inya ya Ngai, i mma ûnene bwa Ngai ibûbûkinyîîrîîte.

NJOANA 14:20

Na îgiita rîru rîakinya, bûkaamenya ndî ndeni ya Baaba, na biû naabi bûrî ndeni yakwa, na naani ndî ndeni yenu.

NJOANA 14:7

Woona bûmbiyî, wana Baaba bûkamûmenya. Na kuuma îîndî ûûgû, bûkûmûmenya na bwamwona.”

NJOANA 16:3

Bakaabûrûtha ûgu n'ûntû batiiyî Baaba na batimbiyî.

NJOANA 17:3

Na i kaingo muntû atûûra mwoyo wa tene na tene, nwa mwanka akûmenye, woû Ngai ûra ûrî wa mma wenka. Na nwa mwanka muntû amenye Yiesû Kîrîstû ûra watûmire.

NJOANA 17:8

Indabeerire ntûmwa yaku îra wantûmire n'yo kîrî bo, na ibamîîtîgîrîte. Ibaiyî n'ûûma mbumîîte kîrî woû, na i beetîgîîtie i woû wantûmire.

NJOANA 20:13

Araîka babu baûria Maria, “Mwekûrû, i mbi ûkûrîrîra?” Maria abeera, “Ibarathûkiirie Mwathani wakwa na ntikûmenya ara baramwirire.”

NJOANA 20:28

Tooma amwîra, “Ûrî Mwathani wakwa na Ngai wakwa!”

NGÛGÎ 20:24

Ntionaga mwoyo wakwa ûrî gîtûmi. Îromba rîakwa i nthirie ngûgî îra Mwathani Yiesû aampeere nduta, ntûmîîrie ntheto îmbega ya ûtugi bwa Ngai.

AROOMA 8:18

Ndî na mma t'ûntû wana weegua itûkûnyamaara îîndî. N'ûntû kûnyamaara gûkû gûtiganaanîka na mwago ûra tûkaagwûrîrwa.

1 AKORINTHO 2:2

Ndoonire rîra ndî amwe naabi mbwîre mantû ma Yiesû ûra aambirwe mûtharabaani monka, gûtarî ûntû bûngî.

1 AKORINTHO 9:10

Arî, augire ûgu n'ûntû bwetû. Na kwandîkirwe ûgu îgûrû rîetû n'ûntû ûra acimbaga mûnda na ûra abûûraga maketha ibabatîîrue beegua barî na wîrîgîîro bwa gûtûmîra irio bimwe bia bira bikethe, bira barutîrîte ngûgî.

2 AKORINTHO 4:4

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

2 AKORINTHO 4:6

Ngai ûra augire werû bûtharare mwinduuni natûmîîte kaîrî werû bwake bwatharara nkorooni cietû na njîra ya gûtûmenyithia mwago wake ûra tûgwûrîrîtwe ûthiûni bwa Yiesû Kîrîstû.

AGARATIA 1:16

kûngwûrîra mmenya Mwana wake kaingo mmûtûmîîria kîrî bara batarî Ayaundi, ntaathi kwîra muntû antaûrîre,

AEBEESO 4:13

Na kwoogu twinthe tûgaakûra tûkare ûntû bûmwe wîtîgioni bwetû na tûmenye Mwana wa Ngai ûntû bûmwe, mwanka tûtuîke eetîgîri agima tûkare ta Kîrîstû bûra akari.

APIRIPI 1:1

I tiû Paûrû na Timotheo tûkûbwandîkîra baarûa îno, tûrî aruti ngûgî ba Yiesû Kîrîstû. Tûrîbwandîkîra biû antû ba Ngai bûrî Piripi, atongoria beenu na ateetheeria bara bûrî ndeni ya Kîrîstû Yiesû.

APIRIPI 3:10

Îîndî bûra nkwenda i kûmenya Kîrîstû na kûmenya inya ya kûriûka gwake. Ndîenda kwîgua ndî na ngwatanîro n'we kûnyamaaruani kûra aanyamaariirue na nkua gîkuû ta gîake

APIRIPI 3:12

Tika nkuuga ûntû bûbu ibûtuîkîkîîte, ndî ûmwagîru kûrû. Ntikûrî kwingia yerekeeria rîru. Ingûcûûgia na inya mûno kwingia rîo kîra mbîtîrîtwe gîtuîka gîakwa n'ûntû i kîo gîatûmire Kîrîstû aantuîkithia wake.

APIRIPI 3:7

Îndî mantû monthe mara ndoonaga marî gîtûmi mûno, îîndî mmoonaga marî mootheri kuuma nkûmenya Kîrîstû.

2 TIMOTHEO 4:6

Aakwa niû kagiita i ta gaakinyu gakûrutwa kîgongwana nkue mbûtige,

AIBIRANIA 3:14

Tûrî na kîthaarimo kîmwe na Kîrîstû kuumania na mantû mara arûthîîte, waya kwîgua tûkaathi na mbere kwîgua tûrî na wîtîgio bûûriku mwanka mûthia.

1 PETÛRÛ 2:7

Biû bara bwîtîgîîtie iiga rîrî, ta rîo Kîrîstû, ibwiyî rîrî gîtûmi kîînene mûno. Bara bataathîkaga ibamenye atî, “Iiga rîra rîaregirwe n'aaki, îîndî i rîo rîtuîkîîte rîa koona.”

2 PETÛRÛ 1:2

Ngai, Mwathani wetû Yiesû, aroobwongeera ûtugi na ûkiri n'ûntû bwa kûmûmenya.

2 PETÛRÛ 1:3

Kwa inya yake Ngai natwete bionthe bira twendaga kaingo tûtûûra mûtûûrîre wa kîîngai. Twetwe bio gûkûrûkîîra kûmenyaani kûra tûmenyeete ûra aatwîtire mwagooni wake na wegaani bwake.

2 PETÛRÛ 1:8

Ûkeegua bûkaathi na mbere kwongeera mantû mamu bûkeegua bûrî na maciaro meega ûmenyooni bwenu bwa Mwathani wetû Yiesû Kîrîstû.

2 PETÛRÛ 3:18

Îthiini na mbere kwongeerwa ûtugi na kûmenya Mwathani Mwonokia wetû, Yiesû Kîrîstû. Arookumua îîndî mwanka tene na tene. Aameni.

1 NJOANA 1:3

Bûra twoneete na tweegua i bu tûkûbwîra kaingo bûgwatanîra naati ngwatanîrooni îra tûrî n'yo na Baaba, na Mwana wake Yiesû Kîrîstû.

1 NJOANA 2:19

Antû baba bataarî ba ngwatanîro yetû. Na gîku i kîo gîatûmire baathûka batûtiga n'ûntû ûkeegua baarî beetû batikîthi. Îndî baathiire kaingo kûmenyeka bwega atî bonthe bataarî ba ngwatanîro yetû.

1 NJOANA 5:20

Itwiyî Mwana wa Ngai naayire na atwa ûmenyo, kaingo tûûmba kûmenya Ngai wa mma. Tûkaraga ndeni ya Ngai wa mma na ndeni ya Mwana wake Yiesû Kîrîstû. Ûyu n'we Ngai wa mma na n'we mweyani wa mwoyo wa tene na tene.