APIRIPI 3:6 - Kîrîîkanîro Kîîyerû

⁶ Indakenagîîra mûno kûnyamaaria eetîgîri. Na indamenyagîîra mûno kwathîkîra watho, bûra gûtarî we akînduta mabîtia.

APIRIPI 3:6 ပူးပေါင်းရင်းမြစ်များ

MATHAYO 23:25

“Bûkoona thîîna, biû aarimû ba watho na Abarisai, eebwithia baba! Bûmenyagîîra kûthambia thaani na ikombe nja bûgatiga ndeni biûyûri rûko ta ûtunyani na îtanûka rîa mîthemba yonthe.

MATHAYO 5:20

Na ga nkûbwîra, twanga bûkaagîra bûgakûrûka aarimû ba watho na *Abarisai, bûtiikûrûka ûneneeni bwa îgûrû.”

RUKA 1:6

Barî baîrî, baarî antû baatheru nkoro kîrî Ngai na ibaathîkagîra mawatho na maathana maake monthe.

NGÛGÎ 21:20

Bakwîgua mantû mamu baakumia Ngai. Beera Paûrû, “Mûruayia, ûtikwona kinya magiri mama ma Ayaundi beetîgîîtie na barî na wîru bwa kûthingata *watho bwa Musa?

NGÛGÎ 22:5

Mûthînjîri ûra mûnene wa Ngai na kîama kîa Ayaundi kîonthe nwa gîkûûyîre gîkabwîra n'ûmma ûgu i bu ndarûthaga. I bo bampeere baarûa ira baandîkîrîte Ayaundi ba Ndamasiki, bampa rûûtha rwa kûthi noogo ngwata athingati ba Yiesû nkîbathaîkaga mbareeta Njerusaremu beewa îkaanûkia.

NGÛGÎ 26:5

Bambiyî kwa îgiita rîraaya mûno na bakeenda nwa bakûûyîîre atî ndatûûraga ndî *Mûbarisai. Na kûringana na ndini yetû, gîkundi kîa Abarisai i kîo kîrî mawatho maûmo mûno.

NGÛGÎ 8:3

Saûrû aatua kûthîînia eetîgîri. Aathiyaga wakîra mûciî akabaruta nyomba bonthe, aka na arûme akabathaîkithia.

AROOMA 7:9

Niû kûrî rîo ndatûîre ntakûmenya bûra watho buugîîte. Îndî nkûmenya maathana, rîru i rîo ndamenyire wîyia bûrî inya, ndakua.

1 AKORINTHO 10:32

Bûtikaarûtheeni ûntû bûûmba kûreetera Ayaundi, bara batarî Ayaundi, kana kanica ya Ngai, thîîna.

1 AKORINTHO 15:9

I niû mûniini kîrî atûmwa bara bangî. Ntiagîrîtwe wa gwîtwa mûtûmwa n'ûntû indanyamaaragia antû ba kanica ya Ngai.

APIRIPI 2:15

kaingo bûtuîka aana ba Ngai baatheru batarî na mabîtia. Bûtûûraga na antû batarûthaga bûra kwagîrîte, antû ba meeyia. Werû bwa mûkarîre wenu ûbathararagîra ta bûra werû bûthararaga mwinduuni.

APIRIPI 3:9

na mbîgua ndî kîmwe n'we cwe. Indatigire gwîtuîkithia ûmwagîru na kûthingata watho. Îîndî ndî ûmwagîru kuumania na wîtîgio bwakwa kîrî Kîrîstû. Na i Ngai antuîkithîîtie ûmwagîru n'ûntû bwa wîtîgio bwakwa.

1 TIMOTHEO 1:13

Wana kinya ûkeegua mbereeni ndarî muntû wa kûmûcambagia, kûnyamaaragia athingati baake na mûbitina mûno, Ngai nambîgiirue kîao n'ûntû kagiita gaku ntaiyî ûmma na ntaarî na wîtîgio.