APIRIPI 3:5 - Kîrîîkanîro Kîîyerû

⁵ Nwa mbuge ndataanirwe ndî na ûkûrû bwa ntugû inyanya. Gûciarwa, ndî Mwisiraeri wa rûrîîyo rwa Benjameni, na ndî Mwîbirania kanyinyari amwe na aciari baakwa. Na mantûûni ma kwathîkîra watho, ndarî *Mûbarisai wengwa.

APIRIPI 3:5 ပူးပေါင်းရင်းမြစ်များ

RUKA 1:59

Baataana kaana gaku ntugû ya inyanya kuuma gagûciarwa. Beendaga gûgeeta Cakaria ta îthe,

RUKA 2:21

Kagenke gaku gagûkinyitha ntugû inyanya gaataanwa geetwa Yiesû. Geetirwe riîtwa warîra keerwe i mûraîka mbere ya kinya kagîa nda ya gina.

RUKA 5:38

Ûkî bwa kûrugwa warîru bwîkagîrwa nceemani îtarî nkûrû.

NGÛGÎ 22:3

“Ndî Mûyaundi. Nciarîrîtwe Taarisas gîteere gîa Sirîsia, îndî nkûrîrîte taûni îno. Mwarimû wakwa aarî Gamarieri, na aanthoomithiirie bwega mûno kûthingata watho bûra biûyûûyû bietû beerwe. Na ndarî wîru mûno mantûûni ma Ngai ta bûra bwinthe bûrî na bu.

NGÛGÎ 23:6

Paûrû akûmenya akîama bamwe baarî *Asandukai na bara bangî baarî *Abarisai, auga na inya, “Antû beetû, ndî Mûbarisai, ncierwe i Mûbarisai. Ndîgambithua n'ûntû bwa bûra mbîtîgîîtie antû bakaariûkua!”

NGÛGÎ 6:1

Kagiitaani gaku eetîgîri bakûthi na mbere kwingîa, eetîgîri Angiriki na eetîgîri Aibirania îbaarî na îtheto. Angiriki baanung'unaga bakauga ntigwa ciao iteeyagwa ûteethio bwa kûgana irio bikîgaîwa kîra ntugû.

AROOMA 11:1

Kwoogu i ta kwonania Ngai naarekanire na antû baake kana? Arî buru! Niû ningwa ndî Mwisiraeri wa rûrîîyo rwa Îburaîmu, wa mwîrîga wa Benjameni.

2 AKORINTHO 11:22

Bo n'Ayaundi? Wana niû ndî Mûyaundi. Bo n'Aiciraeri? Wana niû ndî Mwisiraeri. Bo i ba rûrîîyo rwa Îburaîmu? Wana niû ndî wa rûrîîyo rwa Îburaîmu.