APIRIPI 3:2 - Kîrîîkanîro Kîîyerû

² Îmenyeereeni mûno kîrî antû bara barûthaga mantû maathûûku. Batikari t'antû bakari ta kurû. Na bakenagîîra gûtema mîîrî ya antû na njîra ya kûbataana kûringana na watho bwa Ayaundi.

APIRIPI 3:2 ပူးပေါင်းရင်းမြစ်များ

MATHAYO 24:10

Kagiita gaku baingî bagaataratara wîtîgioni. Antû bagaakunyanagîra bara bangî na bagaatumana moothû.

MATHAYO 7:15

Yiesû auga, “Îmenyeereeni kîrî iroria bia ûrongo bira biiyaga bikari ta ng'ondu bikîoneka, îndî ndeni bikari ta ncûgi.

MATHAYO 7:6

“Bûtikaanenkere kurû gîntû kîîtheru na igaacooka kûbûrûmanga. Na bûtikaagerere ngûrwe ruru cienu, n'ûntû nigaakinyanga.”

AROOMA 2:28

Ûtiûmba kuuga ûrî Mûyaundi wa mma n'ûntû bwa akî kwîgua aciari baaku n'Ayaundi, na atî, ûrî ûmûtaane.

2 AKORINTHO 11:13

Baba n'atûmwa ba ûrongo na eenania beerûthîîte ta atûmwa bongwa ba Kîrîstû.

AGARATIA 5:13

Biû, aruayia na aarayia, Ngai ataabwîta bûtuîka nkombo. Îndî amwe na kwîgua bûrî baathaûre, bûbu bûtigaatûme bûreka mantû ma nthîgûrû îno mara mîîrî yetû îîriragîîria mabweneeria. Bûbatîîrue bûteethanagia bûkîendaga.

AGARATIA 5:15

Bûgatua kûrûa bûrî bwingwa ta nyamû cia kîthaka ibûkeethûûkia bwingwa.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

APIRIPI 3:19

Îndî na bo ibakaathirua mûthiani. Nda ciao i cio batûmîkagîra irî ngai na beekumagia na mantû mara barûthaga batakwona marî îgi. Bathûgaanagîria wamantû ma ûtûûro bwa gûkû nthîgûrû monka.

APIRIPI 3:3

Tiû i tiû tûtaanîîtwe rûtaano rwa mma. Tûgongaga Ngai tûrî na Kîrundu na tûkumagia Kîrîstû Yiesû. Kûringana na wîtîgio bwetû tûtiîgwatia kîîmuntû,

1 TIMOTHEO 1:19

ûrikîîtie wîtîgio bwaku na wîgue ûrî na mathûgaania magûkwonia ûtirûthîîte mabîtia. Antû bamwe bathûûkagia wîtîgio bwao n'ûntû bwa kûrega gûtindanîra na mathûgaania ma kûûria kana weegua mantû mara barûthaga i maagîrîte kana matiagîrîte.

TITO 1:16

Baugaga ibaiyî Ngai, îndî mantû mara barûthaga matigwatanagîra na ûntû bûbu. N'antû baathûûku mûno, aregi kwathîkîra Ngai na gûtirî ûntû bwega baûmba kûrûtha.

2 PETÛRÛ 2:22

Muntû akarîîte ûgu, ûntû bûbu ibûkûgwatanîra na njuno îra yugaga, “Kurû îrîyaga mataîka ma yo,” kana ta bûra kwîragwa, “Kûruta ngûgî ya kûthambia ngûkû magûrû.”

NJUNDA 1:4

Ndîbwîra ûgu n'ûntû antû bamwe ba bara batatîîyaga Ngai ibeethûngîîrîîtie na witho gîkundiini keenu. Mantû maao maandîkîîtwe beerwa îgamba rîao irîbeeteereete. Bagarûraga ntûmwa ya ûtugi bwa Ngai wetû na njîra îtaagîrîte, kaingo boona mwanya wa kûrûtha ûntû bunthe bûûthûûku bûra beeriragîîria. Na kaîrî bakaanaga Yiesû Kîrîstû na n'we wenka Mûnene na Mwathani wetû.

KÛGWÛRÎRWA 2:9

Imbiyî nûkûnyamaarua na ûtirî gîtonga, îndî ûrî gîtonga gîîkîrundu! Imbiyî bûra bara beebîtaga Ayaundi baaragia mantû maathûûku îgûrû rîaku. Baugaga bo n'Ayaundi, îndî t'Ayaundi bongwa. Bo i *sinagoogi ya Saitaani.

KÛGWÛRÎRWA 21:8

Îndî iguaya, bara batarî wîtîgio, bara barûthaga mantû mara mataankenagia, aûragani, bara barutaga ngûgî cia ûmaramari, arogi, bara bagongaga ngai cia ûrongo, na bara bonthe baaragia ûrongo, babu bonthe bakaagerwa îriani rîra rîa mwanki wa ûbiriti, ta rîo îkua rîa maîrî.”

KÛGWÛRÎRWA 22:15

Bara barî ome ya taûni înu n'antû baathûûku, arogi, amaramari, aûragani, arombi ngai cia ûrongo, na eendi ûrongo.

KÛGWÛRÎRWA 3:9

Naagu kûrî na gîkundi gîa antû ba Saitaani. Beebîtaga Ayaundi îndî bo t'Ayaundi bongwa, n'arongo. Ngaatûma bagûturîria maru na bamenya inkwendeete.