APIRIPI 3:19 - Kîrîîkanîro Kîîyerû

¹⁹ Îndî na bo ibakaathirua mûthiani. Nda ciao i cio batûmîkagîra irî ngai na beekumagia na mantû mara barûthaga batakwona marî îgi. Bathûgaanagîria wamantû ma ûtûûro bwa gûkû nthîgûrû monka.

APIRIPI 3:19 ပူးပေါင်းရင်းမြစ်များ

MATHAYO 16:23

Yiesû aûndûka amwîra, “Taaria aaga ndî, Saitaani, n'ûntû nûkûndigîîria ntiraingia kwenda kwa Ngai. Mathûgaanio maaku ti ma kîîngai i ma kîîmuntû.”

MATHAYO 25:41

“Rîru mûnene acooke eere bara na bo ûkeegua barî bwa ûmotho, ‘Biû bûrî baarume! Umaani aaga ndî bûthi mwankiini ûra ûtooraga rî kana rî, ûra Nkoma na araîka baake bathuuranîrîtwe.

RUKA 12:19

Ndarûtha ûgu rîru mbîîre nkoro yakwa, “Nkoro, înogokere ûkîrîyaga, ûkînyunyaga, na ûkene n'ûntû into ûrî na bio bia kûgana bitathira rua rûrû.” ’

RUKA 16:19

Yiesû eeyana ngerekano îngî. Auga, “Ikwarî na gîtonga kîmwe gîekagîra nguo cia goro mûno, na igîakenagîîra kûrîyaga irio biega ntugû cionthe.

RUKA 18:4

“Njanji aamba aakara bantû a ntugû inyingî gûtarî bu akwenda kûmûrûthîra. Nyumaani eebîîra na nkoro, ‘Wana weegua ntikuthûkaga Ngai, kana ntîîya muntû,

AROOMA 16:18

Antû bara barûthaga mantû ta mamu ti Kîrîstû Mwathani wetû beegagua bagîtûmîkîra. I mawîrirîîria ma nda ciao beegagua bagîcûa kwingia. Batûmagîra mîgambo îmîega na îrî mûrîo kweneeria bara batamenyaga kana n'ûthûûku babeeraga.

AROOMA 6:21

I baita mbi bwoonire kuumania na mantû mara? Mantû mara matûmaga bwîgua nthoni bwaririkana ibwamarûthaga. Baita ya mo i gîkuû!

1 AKORINTHO 3:3

n'ûntû bûtongoragua kûrûtha mantû i mawîrirîîria ma kîîmwîrî. Bûkaraga bûkîîganagua rûriitho, bûkîthetanagia na kwathûkana gatîgatî keenu. Gûku ti kwonania bûtirî ba gîîkîrundu na bûrûthaga mantû ma kîîmuntû?

1 AKORINTHO 5:2

na amwe na ûgu ibûgwîkumîria ûgu mûno! Bwabatîîrue bûgwatwa i kîeba na muntû ûyu bûmûruta ngwatanîrooni yenu.

1 AKORINTHO 5:6

Gwîkumia kwenu ti kwega. Ibwiyî njuno îra yugaga, “Kandawa kaniini ga kwimbithia mîgaate nwa gatûme mûtu ûra mûkande wimba unthe.”

2 AKORINTHO 11:12

Nwa nkaathi na mbere kûrûtha ûûgû nkûrûtha îîndî n'ûntû ntikwenda kwaa ‘atûmwa’ babu bangî kaanya ga gwîkumia na ga kuugaga atî ngûgî yao n'îmwe na yetû.

2 AKORINTHO 11:15

Kwoogu t'ûnene kwona aruti ngûgî baake beetuîkithîîtie aruti ngûgî ba wagîru. Îndî ingî mûthiani bo nwa bakeewa îkaanûkia kûringana na mantû mara ûkeegua barûthîîte.

AGARATIA 6:13

Wana bo bongwa barî bataane woogu, twaka baathîkagîra watho. Barîenda bûtaanwa kaingo beekumagîria biû.

APIRIPI 2:21

Bara bangî bonthe i mantû maao monka beendaga kûrûtha. Batiendaga kûrûtha mantû ma Yiesû Kîrîstû.

AKOROSAI 3:2

Bûtikaathûgaanagîrieni mantû ma aaga nthîgûrû. Thûgaanagîriani mantû ma îgûrû,

2 ATHESARONIKE 1:9

Na îkaanûkia rîra akaabaa ûkeegua rîrî kûbeenyangia kûrû, abaathûre baume ara Mwathani arî, ara inya yake îra îrî mwago îrî.

2 ATHESARONIKE 2:12

Na mûthiani abape îkaanûkia bonthe n'ûntû bwa gûkeneera kûrûtha ûthûûku, na n'ûntû bwa kûrega gwîtîgia ûmma.

2 ATHESARONIKE 2:8

Gwakarîka ûgu, rîru i rîo ûra ataathîkagîra watho bwa Ngai akaumbûrwa, Mwathani amûûrage na mîruke yake, amûthirie kûrû na mwago ûra akaaya na uu.

1 TIMOTHEO 6:5

na matheta matarî mûthia barî na bara biongo biao biangaratanire baatigana na ûmma. Bo bathûgaanagia kwîgua muntû arî na ûngai i njîra ya gûcûa mbia, muntû atonga.

2 TIMOTHEO 3:4

batuîke akunyanîri, barûthage mantû batakûmaka bûra gûgaakara, batue kwîthûkagia barî antû ba gîtûmi, beende mîago ya nthîgûrû bantû a Ngai.

NJAKUBU 4:16

Îndî naabi bûrî eekumia na bwendaga kwîbûkîîria. Na bûbu n'ûntû bûûthûûku.

2 PETÛRÛ 2:1

Îndî ta bûra iroria bimwe bia Isiraeri biarî bia ûrongo, i ta bu bamwe bacienu bakeegua barî aarimû ba ûrongo. Aarimû babu bakaanjîîria kûrutana mantû ma ûrongo mara makeenyangia wîtîgio bwa antû. Na bagaakaana Kîrîstû, Mwathani ûra aakuire n'ûntû bwao, batûme Ngai abathiria na mpwî.

2 PETÛRÛ 2:13

Kwoogu ûyu n'uu mûcaara wao n'ûntû bwa kûrûtha mantû maathûûku. Bakenagîîra kûrûtha mantû mataagîrîte kinya kûrî mûthenya, batakwitha. Bakari ta marooro ma rûko na mathina rîra bakîbweneeria na mantû ma ûrongo beeringanîrîte naabi bûkîrîyanîra na bo biathooni.

2 PETÛRÛ 2:3

Na n'ûntû bwa wîrirîîria bwao, aarimû babu bakabweneeria na ntheto itarî cia mma. Îndî Ngai nwa akwona bûra bakûrûtha na naabangire kûbatuîra îgamba wo tene. Na kwoogu kwînyangua ikûbeeteereete.

NJUNDA 1:10

Antû baba bo barumangaga bunthe bûra batakûûmba gûciûkîrwa i bu na bûra bakûmenya woogu na meeciiria maao ta nyamû itarî na ûûme. Na mantû wamamu mongwa i mo mabathiragia.

NJUNDA 1:16

Antû baba rîonthe bakaraga bakînung'unaga na bakîringaga gîtuma. Baathîkagîra wîrirîîria bwao bûûthûûku, na baaragia rwaria rwa wîkumia. Beenagîîria bara bangî na mîgambo îrî mûrîo kaingo bateetheka kuumania na bo.

NJUNDA 1:4

Ndîbwîra ûgu n'ûntû antû bamwe ba bara batatîîyaga Ngai ibeethûngîîrîîtie na witho gîkundiini keenu. Mantû maao maandîkîîtwe beerwa îgamba rîao irîbeeteereete. Bagarûraga ntûmwa ya ûtugi bwa Ngai wetû na njîra îtaagîrîte, kaingo boona mwanya wa kûrûtha ûntû bunthe bûûthûûku bûra beeriragîîria. Na kaîrî bakaanaga Yiesû Kîrîstû na n'we wenka Mûnene na Mwathani wetû.

KÛGWÛRÎRWA 18:7

Nanyamaarue na eekîrwe kîeba kûringana na bûra eendeete into nkûrûki ya kîthimi na îgweta. N'ûntû arîîbîîra na nkoro, ‘Nkari nthî ta mûnene wa mûka akarîrîte gîtî gîake kîa ûnene. Niû ntirî ntigwa, gûtirî rîo nkaagwatwa i kîeba.’

KÛGWÛRÎRWA 19:20

Nyamû înu na kîroria kîa ûrongo kîra kîamîringagîra biama baagwatwa. Kîroria gîku gîatûmagîra biama gîkeeneeria antû bara beekîrîtwe rwano rwa nyamû înu, bara bagongaga mûbuanaano wa yo. Nyamû înu na kîroria gîku baagwatwa baagerwa îriani rîa mwanki wa ûbiriti barî mwoyo.

KÛGWÛRÎRWA 21:8

Îndî iguaya, bara batarî wîtîgio, bara barûthaga mantû mara mataankenagia, aûragani, bara barutaga ngûgî cia ûmaramari, arogi, bara bagongaga ngai cia ûrongo, na bara bonthe baaragia ûrongo, babu bonthe bakaagerwa îriani rîra rîa mwanki wa ûbiriti, ta rîo îkua rîa maîrî.”

KÛGWÛRÎRWA 22:15

Bara barî ome ya taûni înu n'antû baathûûku, arogi, amaramari, aûragani, arombi ngai cia ûrongo, na eendi ûrongo.