APIRIPI 3:18 - Kîrîîkanîro Kîîyerû

¹⁸ Ndarabwîra kaîrî na kaîrî, îndî ka mbwîreeni kaîrî ngîîtûûraga meethori atî, n'antû baingî boonanagia n'anthû ba mûtharaba wa Kîrîstû kuumania na mîkarîre yao.

APIRIPI 3:18 ပူးပေါင်းရင်းမြစ်များ

RUKA 19:41

Yiesû arî akubî gûkinya Njerusaremu aagera meetho mbere oona taûni înu, amîîgua kîao. Aanjîîria kûrîra

NGÛGÎ 20:19

Ndararutaga ngûgî ya Mwathani ndî na kwînyithia kûûnene mûno na meethori ndeetûûra, ndaûmîîria magerio mara marambûyagîîra kuumania na mîbango îmîthûûku îra Ayaundi barambangagîra.

AROOMA 9:2

Nkorooni yakwa inkwîgua ndî na kwîthikîîra kûûnene na kîeba gîtakûthira

1 AKORINTHO 1:18

Bara baûrîîte boonaga ntûmîîri ya gîkuû gîa Kîrîstû mûtharabaani îrî waa. Îndî tiû bara twonokeetue twonaga n'inya ya Ngai.

1 AKORINTHO 6:9

Ka bûtaiyî bara barûthaga mantû mataagîrîte batiewa rûgai rwa ûnene bwa Ngai? Bûtikeebenie. Gûtirî we kîrî bara barûthaga mantû mama akeewa rûgai rwa ûnene bwa Ngai—mûmaramari, mûrombi ngai cia ûrongo, mûthûngîîri, ûra amaamaga na antû arûme ta we, mwamba, mwîrirîîria, mûtogooni, ûra aatuuyagîîra ûra ûngî, na mûtunyani.

2 AKORINTHO 11:13

Baba n'atûmwa ba ûrongo na eenania beerûthîîte ta atûmwa bongwa ba Kîrîstû.

2 AKORINTHO 11:29

Nkoona muntû atakwîbûmba ûntûûni bûna mbîgagua taka ntakwîbûmba na niû. Muntû akeeyithua mbîgagua ûrûrû mûno nkorooni.

2 AKORINTHO 2:4

Rîra ndabwandîkîîre, indanyamaaraga mûno nkorooni ntaakeneete. Ndaandîkire ngîtûûraga meethori maingî mûno. Ntaabwandîkagîra bûngwatithia kîeba. Ndabwandîkagîra mbûmenyithia bûra mbwendeete bûgana.

AGARATIA 1:7

Kwaria mma gûtirî ntheto îngî îmbega. N'antû bamwe bakwenda kûbûreeteera thîîna bakîenda kûgarûra ntheto îmbega ya Kîrîstû.

AGARATIA 2:14

Nkwona bataarûthaga bûra kwagîrîte kûringana na ûmma bûra bûrî nthetooni îmbega, i rîo ndeerîîre Petûrû mbere yao bonthe, “Ûkaaya kwîgua woû ûrî Mûyaundi ûtikûthingata maathana ma Kîîyaundi na ûrîkara ta bara batarî Ayaundi, kûrî na gîtûmi kîrîkû gûkinyîîria bara batarî Ayaundi bo bakara ta Ayaundi?”

AGARATIA 2:21

Ntiûmba kûrega ûtugi bwa Ngai. Ûkaaya kwîgua muntû aûmba kwonokua aathingata watho, gûkua gwa Kîrîstû i kwa ûtheri kwarî.

AGARATIA 5:21

kwîrirîîria, ntogoona, biatho bitaagîrîte, na mantû mangî ta mamu. Ka mbûkaanieni kaîrî wata bûra mbûkaanîîtie na tene ndabwîra atî, antû bara barûthaga mantû ta mamu batiewa rûgai ûneneeni bwa Ngai.

AGARATIA 6:12

Antû bara bakwenda kûbûkinyîîria bûtaanwa i bara beendaga kwonwa barî beega meethooni ma antû. Na gîtûmi kîra gîgûtûma barûtha ûgu i kîmwe akî. Na kîo i kaingo batanyamaarua n'ûntû bwa mûtharaba wa Kîrîstû.

AGARATIA 6:14

Îndî niû gûtirî gîntû ndîîkumîria, tatiga mûtharaba wa Mwathani wetû Yiesû Kîrîstû, n'ûntû niû nûtûmîîte mantû ma nthîgûrû maakua naani ndakua kîrî mo.

AEBEESO 4:17

Riîtwaani rîa Mwathani ndîbwîra bûtigaakare ta bara bataiyî Ngai. Mathûgaania maao maûyûri mantû ma ûtheri,

APIRIPI 1:4

Na rîonthe rîra mbûrombagîra, mbûrombagîra bwinthe nkeneete,

1 ATHESARONIKE 4:6

Bûtikaabîtîrie bara bangî ûntûûni bûbû. Wata bûra twabûkaaniirie twabwîra, Ngai agaakaanûkia bara bonthe barûthaga meeyia ta mamu.

2 ATHESARONIKE 3:11

Tûrîbwîra ûgu n'ûntû tûrîîgua bamwe beenu ibakûrega kûruta ngûgî. Atî bo gûtirî bu barûthaga, nwa kûriûnga bariûngaga bakîîthûngagîîria mantûûni ma itha.

2 PETÛRÛ 2:10

Na mûno mûno, Ngai akaanûkagia bara barûthaga mantû kûringana na mûtugo wa kîîmuntû, ta uu wa wîyia, bagaakwa rûko i mawîrirîîria maao. I bo bamenagîîria wathani. Aarimû babu ba ûrongo n'eekumia, gûtirî kîo kîbamakagia. Batikuthûkaga kwaria mantû mataagîrîte îgûrû rîa bara barî gîtîîyo.

NJUNDA 1:13

Bakari ta makûmbî ma rûûyî rwa îria macacîîte. Ngûgî ira barutaga i cia îgi na itirî witho, nwa ta mûbûûyû wa rûko ûra makûmbî ma rûûyî rwa îria matigaga maakûmîîria rûteere. Bakari ta nthata igûcûga. Ngai abathuuranîrîte gîkaro kîao kûra kûrumeene mwindu ûmûnene. Na bagaakara ku tene na tene.