APIRIPI 3:13 - Kîrîîkanîro Kîîyerû

¹³ Aruayia na aarayia, niû ningwa imbiyî ntikûrî nkwewa kîra mbîtîrîtwe. Bûra ndûthaga, ka ndiganagîrua i mantû mara maakûrûkire. Ngeragia na inya mûno kûrûtha mara mbagîrîtwe kûrûtha îîndî.

APIRIPI 3:13 ပူးပေါင်းရင်းမြစ်များ

RUKA 10:42

N'ûntû bûmwe akî bûrî na gîtûmi. Maria we neethuurîîre ûntû bûbu na atitunyîka bu kaîrî.”

RUKA 9:62

Yiesû amwîra, “Muntû akagwata mûraaû akîrîma akaraitha nyuma, muntû ta ûyu atiagîrîte ûneneeni bwa Ngai.”

2 AKORINTHO 5:16

Îgiitaani rîrî tûtithûgaanagîria antû ta bûra antû ba nthîgûrû babathûgaanagîria. Tene twathûgaanagîria Kîrîstû ta bûra antû ba nthîgûrû bamûthûgaanagîria. Îndî îîndî tûtimûthûgaanagîria ûgu.

APIRIPI 2:12

Kwoogu, aruayia na aarayia, rîonthe ibwamenyagîîra bûkambathîkîra rîra ndarî kwenu. Îndî îîndî ntarî amwe naabi i rîo bûbatîîrue bûmenyeera mûno nkûrûki kwathîkîra bûra nkûbwîra. Îrutagaani ngûgî imbega bûgîkuthûkaga Ngai mûno mûtûûrîreeni wenu wa wonokio.

APIRIPI 3:12

Tika nkuuga ûntû bûbu ibûtuîkîkîîte, ndî ûmwagîru kûrû. Ntikûrî kwingia yerekeeria rîru. Ingûcûûgia na inya mûno kwingia rîo kîra mbîtîrîtwe gîtuîka gîakwa n'ûntû i kîo gîatûmire Kîrîstû aantuîkithia wake.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

AIBIRANIA 6:1

Kwoogu ga tûrekaneeni na ithoomo bia mbere îgûrû rîa Kîrîstû. Ga tûthiini mbere ûgimaani. Tûtibatîîrue tûcooka kûbûrutana mantû ma kwîrira kwa mantû mara muntû aûmba kûrûtha magatûma akua, kana mantû ma gwîtîgia Ngai,

2 PETÛRÛ 3:8

Na, eendwa, bûtikaariganîrueni n'ûntû bûmwe. Kîrî Ngai ntugû îmwe i bûmwe na mîanka ngiri, na mîanka ngiri i bûmwe na ntugû îmwe.