APIRIPI 3:12 - Kîrîîkanîro Kîîyerû

¹² Tika nkuuga ûntû bûbu ibûtuîkîkîîte, ndî ûmwagîru kûrû. Ntikûrî kwingia yerekeeria rîru. Ingûcûûgia na inya mûno kwingia rîo kîra mbîtîrîtwe gîtuîka gîakwa n'ûntû i kîo gîatûmire Kîrîstû aantuîkithia wake.

APIRIPI 3:12 ပူးပေါင်းရင်းမြစ်များ

MATHAYO 5:48

Nwa mwanka bûtuîke baagîru ta bûra Abaagu ûra arî îgûrû arî ûmwagîru.”

NGÛGÎ 9:15

Mwathani eera Anania, “Îthi. Nthuurîîte muntû ûyu atambia riîtwa rîakwa kîrî bara batarî Ayaundi, anene, na antû ba Isiraeri.

1 AKORINTHO 13:10

Rîra ûntû bungwa bûkaaya, bibu bitatwîraga mantû caû ibikaûra.

1 AKORINTHO 13:12

Mara twonaga îgiitaani rîrî tûkari taka tûmaraithîîte na kîyici tûkoonaga marî marundurundu. Îndî îgiitaani rîkaaya tûkoona mantû caû. Bûra mbiyî îîndî ti bûganu. Îndî îgiita rîakinya nkaamenya mantû kûrû ta bûra Ngai ambiyî.

1 AKORINTHO 9:24

Ririkanaani macindanooni ma rwîro, bara bonthe bagûcindana i baugagia, îndî n'ûmwe wao eeyagwa kîewa.

2 AKORINTHO 13:9

Tûkenaga rîra tiû tûtarî na inya, biû bûrî n'yo. Itûkûbûrombera bûtuîka agima wîtîgioni.

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

AGARATIA 5:17

Bûra mûtugo wa kîîmuntû wendaga ûtigwatanagîra na bûra Kîrundu eendaga. Kîrundu na mûtugo wa kîîmuntû bitigwatanîra. Na n'ûntû birî biîrî bikaraga bikîrûaga, ûtiûmba kûrûtha bûra ûkwenda ûrî woû na bwaku.

AEBEESO 1:4

Mbere ya kûûmbwa kwa nthîgûrû, Ngai naarî agûtûthuura tûtuîka antû baake tûrî ndeni ya Kîrîstû, kaingo tûtûûra tûrî baatheru na tûtarî na mabîtia kîrî Ngai.

AEBEESO 4:12

Eeyanire biewa bibu athuuranîra antû ba Ngai baruta ngûgî yake na aaka kanica ta yo mwîrî wake.

APIRIPI 1:1

I tiû Paûrû na Timotheo tûkûbwandîkîra baarûa îno, tûrî aruti ngûgî ba Yiesû Kîrîstû. Tûrîbwandîkîra biû antû ba Ngai bûrî Piripi, atongoria beenu na ateetheeria bara bûrî ndeni ya Kîrîstû Yiesû.

APIRIPI 3:16

Îndî nwa mwanka tûthingate ûmma bûra twiyî, bûtûtongoragîîrie mîtûûrîreeni yetû.

APIRIPI 3:3

Tiû i tiû tûtaanîîtwe rûtaano rwa mma. Tûgongaga Ngai tûrî na Kîrundu na tûkumagia Kîrîstû Yiesû. Kûringana na wîtîgio bwetû tûtiîgwatia kîîmuntû,

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

1 ATHESARONIKE 5:15

Îmenyeereeni bûtikaarîithie ûthûûku na ûthûûku. Rîonthe cûûgagiani kûrûthîra bara barî bacienu na bara batarî bacienu mantû meega.

2 ATHESARONIKE 2:13

Aruayia na aarayia bara bwendeetwe i Ngai, tûbatîîrue tûcookagîria Ngai nkaatho rîonthe n'ûntû bwenu. Aabûthuurire kuuma kîambîrîria kaingo bwonokua kwa inya ya Kîrundu ûra abûtuîkithagia baatheru na n'ûntû bwa gwîtîgia ûmma.

1 TIMOTHEO 5:10

na akîgwetanagîrua na mantû meega. Nwa mwanka eegue arereete aana baake bonthe bwega, na antû bonthe baaya mûciî wake akabagwataga ûgeni bwega bûra kwagîrîte. Nwa mwanka eegue atûûraga ateethagia bara barî na thîîna, na eerutîîte kûrûthaga mantû meega ma mîthemba yonthe.

1 TIMOTHEO 6:19

Bikarûtha ûgu i rîo biûmba kwîbaigîra kîgîîna kîîganu kîa mûcingi ûmûriku wa ûtûûro bûra bûkaaya. Na i rîo biûmba gwîcindîra ûtûûro bûra bûrî bwa mma.

AIBIRANIA 12:14

Cûûgiani mûno bûtûûranagieni na ûkiri na wakîra muntû. Geriani na njîra cionthe gûtûûra bûrî baatheru, n'ûntû bwarega kûrûtha ûgu bûtiona Mwathani.

AIBIRANIA 12:23

na kûrî kîîthîrano kîînene, kîrî na gîkeno, kîûthûrano kîa bara barî ta aana ba mbere ba Ngai bara mariîtwa maao maandîkîîtwe gûku îgûrû. Ibûkinyîîte kîrî Ngai ûra arî mûgambithania wa bonthe, na kîrî irundu bia antû baagîru bara batheretue.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.

NJAKUBU 3:2

Twinthe itûbîtagia na njîra inyingî mûno. Ûkaaya kwîgua kûrî we atabîtagia na mîgambo îra aaragia, ûyu i mwîtîgîri ûmûgima. We nwa aûmbe kwatha mwîrî wake unthe.

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.

2 PETÛRÛ 3:18

Îthiini na mbere kwongeerwa ûtugi na kûmenya Mwathani Mwonokia wetû, Yiesû Kîrîstû. Arookumua îîndî mwanka tene na tene. Aameni.