APIRIPI 3:11 - Kîrîîkanîro Kîîyerû

¹¹ mbona mwoyo rîra nkaariûkua na njîra nna.

APIRIPI 3:11 ပူးပေါင်းရင်းမြစ်များ

RUKA 14:14

na ûkaathaarimwa n'ûntû bo batirî na gîntû gîa gûkûrîa na kîo. Ngai agakûrîa îgiita rîakinya rîa kûriûkua kwa bara baagîru.”

NJOANA 11:24

Mariitha amwîra, “Imbiyî akaariûka ntugû ya mûthia rîra antû bakaariûkua.”

NGÛGÎ 23:6

Paûrû akûmenya akîama bamwe baarî *Asandukai na bara bangî baarî *Abarisai, auga na inya, “Antû beetû, ndî Mûbarisai, ncierwe i Mûbarisai. Ndîgambithua n'ûntû bwa bûra mbîtîgîîtie antû bakaariûkua!”

NGÛGÎ 26:7

Mîîrîga yetû îrî îkûmi na îîrî îkaraga îkîrombaga mûthenya na ûtugû îîrîgîîrîîte kwona Ngai akiingia wîrane bûbu. Kwîgua ndî na wîrîgîîro bûbu i kîo Ayaundi banthitangîrîte, mûnene.

NGÛGÎ 27:12

N'ûntû bantû agu twarûngi ataarî eega a gûkara kagiita ga mpîo, antû bara baingî bauga tûthi na mbere na rûgendo twone kana gûkîûmbîka tûgakinya taûni ya Biniksi, tûgakara oogo kagiita ga mpîo. Biniksi nîarî bantû eega a meeri kûrûngama gîcîgîîrioni gîa Kiriti. Mbarî cia yo ciîrî ciankanîîte na îria.

AROOMA 11:14

Ndaûmba gûtûma antû beetû ba Ayaundi beegua rûriitho, kwaûmbîka bamwe baao boonokue.

1 AKORINTHO 15:23

Îndî mûbango n'atî Kîrîstû ariûkue mbere. Na rîra agaacooka kaîrî rîru bara barî baake na bo bariûkue.

1 AKORINTHO 9:22

Kîrî bara barî antû woogu ndeetuîkithiirie taka na niû ndî muntû woogu kaingo mbagarûra. Ndîîtuîkithagia mîthemba ya antû yonthe kaingo ngarûra bamwe na njîra yonthe îra yûmbîkana.

1 AKORINTHO 9:27

Mmenyagîîria mwîrî wakwa kûrûthaga mantû marî inya na ngautuîkithia nkombo yakwa kaingo ntaregwa na ntûmîîrîîtie antû bara bangî.

2 AKORINTHO 11:3

Îndî kîmako gîakwa n'atî meeciiria meenu maûmba kûbîtithua njîra bûgatiga kwathîkîra Kîrîstû ta bûra bûmwathîkagîra bûrî baatheru na bwîrutîîte. Bûkarûtha ûgu bûkara ta Awa ûra eeneerue na ûûme i njoka.

1 ATHESARONIKE 3:5

Kwoogu ngûkinyia bantû ndeegua ntiûmîîria nkûrûki, i rîo ndatûmire Timotheo aaya kûmenya bûra bûrî kîîwîtîgio. Indakuthûkaga wîgua Nkoma aabûthûngîîrie magerioni ngûgî yetû îtuîka ya ûtheri.

2 ATHESARONIKE 2:3

Batikaabweneerie na njîra nwa îrîkû, n'ûntû ntugû ya gûcooka kwa Mwathani îtiikinya mbere ya kwîgua kûrî na kûrega kwathîkîra Ngai kûûnene na Muntû wa Meeyia aumbûka, ûra Ngai abangîîte kûthiria.

2 TIMOTHEO 4:8

Îîndi kîewa kîa nthûmbî ya ûnene, nthûmbî ya wagîru, ikîmbeteereete n'ûntû bwa kûûmbana. I kîo kîewa kîra nkeewa i Mwathani, Mûgambithania ûmwagîru rîra ntugû îgaakinya. Ti ninka akaa kîewa gîku. Akaa wana bara bangî bonthe bamweteereete na wîrû acooka.

AIBIRANIA 11:35

Eekûrû ibaacookagîrwa i bara baao baakuîte, barî mwoyo. Antû bamwe ibaanyamaariirue mûno na beetîgîîria kûnyamaarua, kaingo bariûkua bathi ûtûûrooni bwega nkûrûki.

KÛGWÛRÎRWA 20:5

Gûku i ku kûriûka kwa mbere. Bara bangî baarî baakuû bo bataatuîka antû barî mwoyo mwanka mîanka îra ngiri îmwe yathira.