APIRIPI 3:10 - Kîrîîkanîro Kîîyerû

¹⁰ Îîndî bûra nkwenda i kûmenya Kîrîstû na kûmenya inya ya kûriûka gwake. Ndîenda kwîgua ndî na ngwatanîro n'we kûnyamaaruani kûra aanyamaariirue na nkua gîkuû ta gîake

APIRIPI 3:10 ပူးပေါင်းရင်းမြစ်များ

MATHAYO 20:23

Yiesû abeera, “Gîkombe kîra nkaanyua bûgakînyua, îndî ti niû mbagîrîtwe nthuura mbuga i ngania agaakara rûteere rwakwa rwa ûrîo kana rwa ûmotho. Naagu kûthuuranîrîtwe gûkarwa i bara Baaba ataarîîte.”

NJOANA 10:18

Gûtirî we agûntunya uu, i niû nkwenda ningwa. Ndî na watho bwa kuunenkanîra na nkauthûkia kaîrî. I Baaba aambîrîîte ndûthe ûgu.”

NJOANA 17:3

Na i kaingo muntû atûûra mwoyo wa tene na tene, nwa mwanka akûmenye, woû Ngai ûra ûrî wa mma wenka. Na nwa mwanka muntû amenye Yiesû Kîrîstû ûra watûmire.

AROOMA 8:17

Na woona tûrî aana baake agatwa rûgai rwa ithaarimo bira atwaigîrîte. Bionthe bira Ngai eete Kîrîstû bigaatuîka bietû na tiû. Îndî weegua wana tiû tûkaagîa mwago ta wake, nwa mwanka tûnyamaarue ta bûra Kîrîstû aanyamaariirue.

AROOMA 8:29

Ngai aathuurire bara bagaatuîka antû baake kinya mbere ya nthîgûrû yûmbwa, ababangîra bagaakara ta Mwana wake, kaingo Mwana wake atuîka kîmbere kîa aruagina na aaragina baingî.

AROOMA 8:36

Wata bûra kwandîkîîtwe *Maandîkooni Maatheru, “Gûtirî ntugû tûtaûragagwa n'ûntû bwaku. Antû batwonaga ta ng'ondu cia kûthînja.”

2 AKORINTHO 1:10

Ngai naatwonokiirie twauma moogwatiini ta mamu manene ûgu makîûmba gûtûreetera gîkuû. Na wana îîndî natwonokagia. Tûrî na mma akaathi na mbere gûtwonokia.

2 AKORINTHO 1:5

Wata bûra tûnyamaaragua mûno n'ûntû bwa Kîrîstû nwa ta bu tweyagwa kûûmîîria kûûnene mûno n'ûntû bwa Kîrîstû.

2 AKORINTHO 13:4

Wana weegua aambirwe mûtharabaani atarî na inya, n'inya ya Ngai îtûmîîte eegua arî mwoyo. Na wana tiû tûtirî na inya wata Kîrîstû bûra aakari, îndî tûgaatûûrania amwe n'we kwa inya ya Ngai kaingo tûmûtûmîkîra na ngûgî îra tûkûruta n'ûntû bwenu.

AGARATIA 2:20

Indaambanîîrue amwe na Kîrîstû mûtharabaani na ndakuyanîria n'we kaingo gûtuîka niû ntirî mwoyo, i Kîrîstû atûîre ndeni yakwa. Ûtûûro bûbû ndî na bu îîndî, ntûîre na wîtîgio kîrî Mwana wa Ngai ûra aambendire aakua n'ûntû bwakwa.

AGARATIA 6:17

Nkîthiria ka mbwîre, muntû atikaanthîînie kaîrî n'ûntû marema mama ndî na mo mwîrî ûyû wakwa i makwonania na mma ndî wa Yiesû.

AEBEESO 4:13

Na kwoogu twinthe tûgaakûra tûkare ûntû bûmwe wîtîgioni bwetû na tûmenye Mwana wa Ngai ûntû bûmwe, mwanka tûtuîke eetîgîri agima tûkare ta Kîrîstû bûra akari.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AKOROSAI 2:13

Mbereeni bwarî baakuû n'ûntû ibwarî na meeyia na bûtaarî bûkûthirua mantû maathûûku ma kîîmwîrî. Îndî îîndî Ngai nabûrekerete meeyia meenu monthe na abwaa mwoyo amwe na Kîrîstû.

AKOROSAI 3:1

Woona bwariûkanîîrue amwe na Kîrîstû, mworooto wenu nwîgague ûrî wa mantû mara marî îgûrû kûra Kîrîstû akari nthî rûteere rwa njara ya ûrîo ya Ngai.

1 PETÛRÛ 1:3

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû.

2 PETÛRÛ 1:13

Kagiitaani gaka ndî mwîrîîni ûyû ndîona ikwagîrîte mbûririkanagie mantû mamu,

1 NJOANA 2:3

Ûkaaya kwîgua tûkaathîkîra maathana maake i rîo tûkaamenya wabu itûmwiyî.

1 NJOANA 2:5

Îndî ûra aathîkagîra kiugo gîake, ûyu n'we oonanagia neendeete Ngai kûrû. Ûgu i bu tûûmba kûmenya tûrî ngwatanîro na Ngai.

KÛGWÛRÎRWA 1:18

I niû ntûûraga mwoyo. Kûrî rîo ndakuîte, îndî îîndî ndî mwoyo tene na tene! Ncaabi cia gîkuû na cia nthiko ndî na cio.